Aadhaar Card Update: आधारमध्ये पत्ता, नाव बदलायचेय? मोफत आणि एका क्लिकवर करा, फक्त 'या' स्टेप्स फॉलो करा
Aadhaar Card Update: आधार कार्ड हे आता फक्त एक ओळखपत्र नसून प्रत्येक भारतीयासाठी एक महत्त्वाचा डिजिटल पुरावा बनला आहे. तुमचे नाव, पत्ता, जन्मतारीख आणि इतर महत्त्वाची माहिती यात नोंदवलेली असते. या माहितीमध्ये छोटीशी चूक जरी असेल, तरी सरकारी योजनांपासून ते बँक व्यवहारांपर्यंत अनेक अडचणी येऊ शकतात. पण चांगली गोष्ट ही आहे की, आता तुम्ही तुमच्या आधार कार्डमधील चुका घरबसल्या ऑनलाइन दुरुस्त करू शकता.
आधारमधील माहिती अचूक असणे का महत्त्वाचे आहे?
सरकारी सेवांचा लाभ घेण्यासाठी: आधार कार्ड हे सरकारी योजना आणि अनुदानाचा लाभ घेण्यासाठी एक मुख्य पुरावा आहे. तुमच्या आधारमधील माहिती चुकीची असेल, तर तुम्हाला या सेवा मिळण्यात अडथळे येऊ शकतात.
सुलभ पडताळणी: बँकिंग, मोबाईल कनेक्शन, एलपीजी सबसिडी आणि इतर अनेक सेवांसाठी आधार पडताळणी आवश्यक असते. अचूक माहितीमुळे ही प्रक्रिया जलद आणि सोपी होते.
सुरक्षा: तुमची वैयक्तिक माहिती अपडेटेड आणि अचूक असेल, तर ओळख चोरी (identity theft) किंवा तुमच्या आधारचा गैरवापर होण्याचा धोका कमी होतो.
(नक्की वाचा : Aadhaar Card: आधार कार्डबाबत ‘या' 5 गोष्टी अनेकांना माहित नाहीत; नियमांचं उल्लंघन केलं तर जेल आणि मोठा दंड )
ऑनलाइन आधार अपडेट कसे करावे?
UIDAI ने आधार कार्डधारकांना त्यांची माहिती ऑनलाइन अपडेट करण्याची सुविधा दिली आहे. स्पेलिंगची चूक असो किंवा पत्ता बदलायचा असो, ही प्रक्रिया सोपी आहे.
1: UIDAI च्या अधिकृत वेबसाइटवरील 'आधार सेल्फ-सर्व्हिस अपडेट पोर्टल' ला भेट द्या.
2: तुमच्या नोंदणीकृत मोबाईल क्रमांकावर आलेला OTP टाकून लॉग-इन करा.
3: लॉग-इन झाल्यावर 'Update Aadhaar Details Online' हा पर्याय निवडा.
4: तुम्हाला कोणती माहिती बदलायची आहे ते निवडा, उदाहरणार्थ: तुमच्या नावातील स्पेलिंगची चूक दुरुस्त करण्यासाठी 'Name' हा पर्याय निवडा.
5: योग्य आणि अचूक माहिती काळजीपूर्वक भरा.
6: तुम्ही केलेल्या बदलांसाठी आवश्यक कागदपत्रे अपलोड करा. ही कागदपत्रे स्कॅन करून डिजिटल स्वरूपात अपलोड करावी लागतील.
7: सबमिट करण्यापूर्वी तुम्ही भरलेली सर्व माहिती एकदा तपासा. खात्री झाल्यावर 'Submit' बटण दाबा.
ही प्रक्रिया पूर्ण झाल्यावर तुम्हाला एक अपडेट रिक्वेस्ट नंबर (URN) मिळेल, ज्याचा वापर करून तुम्ही तुमच्या अर्जाची स्थिती तपासू शकता.
