Lemon Balm Benefits: आजच्या धावपळ आणि स्पर्धेच्या जगात लोक मानसिक शांतता तसेच चांगली झोप मिळावी, यासाठी नैसर्गिक उपाय शोधत आहेत. या समस्येवर रामबाण उपाय म्हणजे गुणकारी औषधी वनस्पती लेमन बाम (Lemon Balm). हे एक सुगंधी रोप असून त्याचा सुगंध लिंबासारखा असतो, म्हणूनच हे 'लेमन बाम' या नावानंही ओळखले जाते. याचा वापर प्रामुख्याने हर्बल चहा (Herbal Tea), तेल आणि स्किन केअर उत्पादनांमध्ये (Skin Care Products) केला जातो. शरीर आणि मन दोन्हीसाठी ही वनस्पती अत्यंत फायदेशीर मानली जाते.
लेमन बाममुळे शरीराला मिळणारे फायदे (Benefits Of Lemon Balm)
1. तणाव आणि चिंता कमी होण्यास मदत मिळेल
लेमन बाम ही मनाला शांत करणारी वनस्पती मानली जाते. लेमन बामचा चहा प्यायल्यास मानसिक तणाव आणि चिंता कमी होण्यास मदत होते.
2. उत्तम झोप येईल
जर तुम्हाला रात्री नीट झोप येत नसेल, तर लेमन बाम तुमच्यासाठी फायदेशीर ठरू शकतो. यातील घटकांमुळे शरीर रिलॅक्स होऊन शांत झोप लागण्यास मदत मिळते.
3. पचनप्रक्रियेसाठी फायदेशीर
लेमन बाम पचनसंस्थेसाठीही उत्तम मानला जातो. पोटातील गॅस आणि अपचन यासारख्या समस्यांपासून आराम मिळवण्यासाठी याचा उपयोग होतो.
4. त्वचेसाठी उपयुक्त
या वनस्पतीमध्ये अँटी-ऑक्सिडंट (Antioxidant) आणि अँटी-बॅक्टेरियल (Antibacterial) गुणधर्म आढळतात. त्यामुळे अनेक सौंदर्य प्रसाधनांमध्ये आणि स्किन केअर उत्पादनांमध्ये याचा वापर केला जातो.
(नक्की वाचा: Gulkand Benefits: कोल्ड ड्रिंक्स सोडा, गुलकंद खा! उन्हाळ्यातील थकवा-अपचनावर रामबाण उपाय, वाचा खाण्याची योग्य पद्धत)
याचा वापर कसा करावा?
लेमन बामचा वापर प्रामुख्याने चहाच्या स्वरूपात केला जातो. लेमन बामची पाने गरम पाण्यात उकळून चहा करून प्यायल्यास शरीराला फायदा मिळतो. याशिवाय बाजारात हे तेल आणि कॅप्सूलच्या स्वरूपातही उपलब्ध आहे.
NOTE: कोणत्याही हर्बल पदार्थाचे सेवन करण्यापूर्वी डॉक्टरांचा सल्ला घेणे आवश्यक आहे. योग्य प्रमाणात सेवन केल्यावरच त्याचे पूर्ण फायदे मिळतात.
(नक्की वाचा: Best Times To Consume Sweets: गोड पदार्थाचे सेवन कधी करावे, जेवणानंतर की जेवणापूर्वी? आयुर्वेदातील मोठी माहिती)
Photo Credit: NDTV Marathi
(Disclaimer: NDTV Marathi या माहितीची जबाबदारी घेत नाही. अधिक माहितीसाठी तज्ज्ञ/डॉक्टरांचा सल्ला घ्यावा. )
