Chef Ranveer Brar Cauliflower Cleaning Trick: पावसाळा सुरू झाला की चहासोबत कुरकुरीत भजी, मसालेदार कोबी आणि गरमागरम स्नॅक्स खाण्याची इच्छा होऊ लागते. हेच कारण आहे की आजकाल अनेक घरांमध्ये फ्लॉवर मोठ्या प्रमाणात पाहिला जातो. बाजारात ताजा आणि पांढरीशुभ्र दिसणारा फ्लॉवर पाहून लोक सहसा ही भाजी विकत घेतात, पण एका महत्त्वाच्या गोष्टीकडे लक्ष देत नाहीत. खरं तर पावसाळ्यात दमट हवेमुळे अनेक भाज्यांमध्ये लहान कीटक, अळ्यांचा धोका असतो. फ्लॉवरमध्येही लपलेली घाण, कीटक, अळ्या, जंतू सहसा डोळ्यांना पटकन दिसत नाहीत.
वाहत्या पाण्याखाली ही भाजी स्वच्छ केली की त्यातील घाण पूर्णपणे निघून जाते, असे प्रत्येकाला वाटते. पण तुम्ही चुकीचा विचार करत आहात. तर मग आता तुम्ही विचार करत असाल की फ्लॉवर स्वच्छ तरी कसा करावा? शेफ रणवीर ब्रारने याबाबत सोशल मीडिया हँडलवर एक सोपी ट्रिक शेअर केली आहे.
रणवीर ब्रारने शेअर केलेला व्हिडीओ पाहा
शेफ रणवीरने काय ट्रिक शेअर केली आहे?
रणवीर ब्रारच्या मते, फ्लॉवर थेट कढईत टाकण्याऐवजी किंवा शिजवण्यापूर्वी ती काही काळ मिठाच्या पाण्यात भिजवून ठेवली पाहिजे. या छोट्याशा गोष्टीमुळे फ्लॉवरच्या आत लपलेली घाण आणि लहान कीटक बाहेर येण्यास मदत मिळू शकते. ही पद्धत अतिशय प्रभावी असून सहजरित्या अवलंबली जाऊ शकते.
(नक्की वाचा: Sarcopenic Obesity: सावध व्हा! लठ्ठपणाच नव्हे तर शरीरातील ही कमकुवत गोष्टही ठरू शकते डायबिटीजचा मुख्य कारण)
फ्लॉवर कसा स्वच्छ करावा?
- सर्वात आधी फ्लॉवरचे छोटे-छोटे तुकडे करा.
- एका मोठ्या भांड्यात पाणी घेऊन त्यात मीठ मिक्स करा. मीठ विरघळू द्यावे.
- कापलेले फ्लॉवरचे तुकडे मिठाच्या पाण्यात 10 ते 15 मिनिटांसाठी राहू द्या.
- थोड्या वेळानंतर फ्लॉवर त्याच पाण्यात हलक्या हाताने हलवा, जेणेकरून सर्व घाण बाहेर पडेल.
- फ्लॉवर बाहेर काढून स्वच्छ पाण्याने पुन्हा एकदा चांगल्या प्रकारे धुवून घ्या.
- या प्रक्रियेमुळे त्यातील लहान कीटक आणि घाण देखील निघून जाते.
(नक्की वाचा: Blanched Almond: सावधान! सालीसकट बदाम खाताय? उकडलेले बदाम खाल्ल्यास काय होईल? जाणून घ्या योग्य पद्धत आणि फायदे)
या पद्धतीने आणखी कोणती भाजी स्वच्छ करू शकतो?
शेफ रणवीर यांच्या मते, या ट्रिकने केवळ फ्लॉवरच नाही, तर ब्रोकोली आणि कोबी यासारख्या भाज्याही सहज स्वच्छ केल्या जाऊ शकतात. मिठाच्या पाण्यामुळे कीटक बाहेर काढणे सोपे होते, असे शेफचे म्हणणंय.
(Disclaimer: NDTV Marathi या माहितीची जबाबदारी घेत नाही किंवा दावाही करत नाही. अधिक माहितीसाठी संबंधित क्षेत्रातील तज्ज्ञांचा सल्ला घ्यावा.)
