Cancer Risk: कॅन्सर या शब्दाचा उच्चार जरी केला तरी पोटात भीतीचा गोळा येतो. पण तुम्हाला माहीत आहे का, की आपल्या शरीरात या भयानक आजाराचे बीज पेरण्याचे काम आपण स्वतःच, आपल्या रोजच्या काही सवयींमधून कळत-नकळत करत असतो? अनेकदा आपण मानतो की कॅन्सर हा केवळ अनुवांशिक कारणांमुळे होतो, मात्र वैद्यकीय तज्ज्ञांनी आता एक अत्यंत धक्कादायक आणि डोळे उघडणारी माहिती सांगितली आहे.
आपण आपल्या रोजच्या जगण्यातील केवळ 3 सर्वात घातक सवयी सोडल्या, तर या आजाराचा धोका तब्बल 50% पेक्षा कमी केला जाऊ शकतो. सोशल मीडियावर प्रसिद्ध डॉक्टर अदितीज धामिजा यांनी एका विशेष व्हिडिओद्वारे या गंभीर विषयावर प्रकाश टाकला असून पुढील 5 वर्षांत या आजारापासून लांब राहायचे असल्यास कोणत्या गोष्टी तातडीने बदलाव्या लागतील, याची सविस्तर माहिती दिली आहे.
बैठी जीवनशैली आणि 13 प्रकारच्या कॅन्सरचे थेट कनेक्शन
आजच्या आधुनिक युगात बहुतांश लोकांचे काम हे संगणकासमोर तासनतास बसून म्हणजेच बैठे झाले आहे. व्यायामाचा अभाव किंवा शरीराची कोणतीही हालचाल न होणे ही केवळ लठ्ठपणाची सुरुवात नसते, तर तो थेट कॅन्सरला दिलेला सुखद निमंत्रण असतो. डॉक्टरांच्या मते, शारीरिक हालचाली पूर्णपणे थांबल्यामुळे शरीरात अनेक प्रकारचे आजार घर करतात. यामध्ये मधुमेह, उच्च रक्तदाब आणि हृदयविकाराचा झटका यांसारख्या गंभीर समस्या तर उद्भवतातच, पण त्यासोबतच तब्बल 13 वेगवेगळ्या प्रकारच्या कर्करोगांचा धोका प्रचंड पटीने वाढतो. त्यामुळे रोजच्या जीवनात किमान काही वेळ तरी शरीराला घाम गाळायला लावणे अत्यंत गरजेचे बनले आहे.
( नक्की वाचा : https://marathi.ndtv.com/lifestyle/weight-loss-journey-how-fitness-influencer-kajal-lost-36-kg-in-less-than-7-months-11601245Weight Loss: 101 किलोवरून थेट 65 वर; 7 महिन्यांत 36 किलो वजन कमी करण्याचं तरुणीनं सांगितलं गुपित )
जंक फूड आणि पॅकबंद पदार्थांतून शरीरात जाणारे विष
बाहेरील चमचमीत जंक फूड खाणे ही आजकालच्या तरुणांची जीवनशैली बनली आहे. मात्र, पॅकबंद स्वरूपात मिळणारे अन्नपदार्थ, ज्यामध्ये मोठ्या प्रमाणात अतिरिक्त मीठ, साखर आणि आरोग्यासाठी अत्यंत घातक असणारी चरबी वापरली जाते, ते शरीरासाठी संथ विषासारखे काम करतात.
बाजारात मिळणारे जंक फूड बनवण्यासाठी अनेकदा तेच तेच तेल वारंवार उकळवून वापरले जाते, ज्याला पुनर्वापर केलेले दूषित तेल म्हणतात. यामुळे अन्नामध्ये ट्रान्स फॅटचे प्रमाण प्रचंड वाढते आणि हेच ट्रान्स फॅट आपल्या शरीरातील निरोगी पेशींना आजारी पाडून कॅन्सरच्या दिशेने ढकलतात.
धूम्रपान आणि मद्यपानाचा विळखा; 70% पेक्षा जास्त घातक घटकांचा मारा
तरुण पिढीमध्ये सध्या धूम्रपान आणि मद्यपान करणे ही एक सामान्य फॅशन बनत चालली आहे. परंतु, ही सवय थेट मृत्यूच्या दारात नेणारी ठरत आहे. तज्ज्ञांच्या संशोधनातून असे समोर आले आहे की, तंबाखू आणि दारू बनवताना ज्या पदार्थांचा वापर केला जातो, त्यामध्ये तब्बल 70% पेक्षा जास्त असे घटक असतात जे शरीरात थेट कॅन्सर निर्माण करू शकतात.
या सवयींमुळे मानवी शरीरातील सर्वात महत्त्वाचे अवयव असलेले यकृत म्हणजेच लिव्हर आणि फुफ्फुसे पूर्णपणे निकामी होतात. जर तुम्ही तुमच्या दैनंदिन आयुष्यात या ३ चुका सतत करत असाल, तर तुम्ही स्वतःहून अत्यंत गंभीर आजारांना आमंत्रण देत आहात. जीवनशैलीत आजच छोटासा बदल करून हा धोका 50% पेक्षा कमी करणे आपल्याच हातात आहे.
इथे पाहा संपूर्ण VIDEO
( स्पष्टीकरण : या लेखीतील माहिती हे संबंधित तज्ज्ञाचे वैयक्तिक मत आहे. अधिक माहिती आणि मार्गदर्शनासाठी तुमच्या डॉक्टरांचा सल्ला घ्यावा. NDTV नेटवर्क याची जबाबदारी घेत नाही. )
