- होलिका दहन हा सण नकारात्मकता आणि दुष्ट प्रवृत्तींचा त्याग करण्याचा आध्यात्मिक उत्सव मानला जातो
- पूजेसाठी आवश्यक साहित्यामध्ये लाकूड, कपूर, हळद, कुंकू, अक्षता, फुले, गूळ, खोबरे, तीळ, पाणी यांचा समावेश होतो
- संकल्प करताना मन एकाग्र करून नकारात्मकता नष्ट होण्याची आणि आरोग्य, सुख-समृद्धी लाभण्याची इच्छा व्यक्त करावी
Holi 2026 News: होलिका दहन म्हणजे आपल्या आयुष्यातील नकारात्मकता, वाईट सवयी आणि दुष्ट प्रवृत्तींचा त्याग करण्याचा एक आध्यात्मिक उत्सव आहे. विष्णू भक्त प्रल्हादांच्या अढळ श्रद्धेचा विजय आणि होलिका नामक असुरी शक्तीचा अंत, अशी या सणामागील पौराणिक पार्श्वभूमी आहे. होलिका दहन करण्याची योग्य पद्धत, पूजेसाठी कोणते साहित्य वापरावे आणि मुख्य म्हणजे संकल्प कसा करावा, याबाबत ज्योतिषाचार्य श्रीकेतन कुलकर्णी यांनी दिलेली माहिती जाणून घेऊया.
- ज्योतिषाचार्य श्रीकेतन कुलकर्णी
होलिका दहन संपूर्ण विधी (संकल्प सहित) – घरच्या घरी सोप्या पद्धतीने
होलिका दहन हा सण म्हणजे दुष्ट प्रवृत्तीचा नाश आणि भक्ती, श्रद्धा आणि सकारात्मक ऊर्जेचा विजय.
होलिका दहनाच्या पूजेसाठीचे आवश्यक साहित्य
- लाकूड / गोवऱ्या
- कापूर
- हळद, कुंकू, अक्षता
- फुले
- गूळ-खोबरे
- तीळ / जव / गहू
- नारळ (ऐच्छिक)
- पाणी भरलेले कलश
- अगरबत्ती / दीप
होलिका दहन पूजनपूर्व तयारी
- सूर्यास्तानंतर स्वच्छ जागी लाकूड रचून होलिका तयार करा.
- सर्व साहित्य जवळ ठेवा.
- पूर्व किंवा उत्तर दिशेकडे तोंड करून उभे राहा.
संकल्प (महत्त्वाचा भाग)
उजव्या हातात पाणी, अक्षता आणि फुल घ्या.
मन एकाग्र करून खालील संकल्प म्हणा:
“मम सर्व पापक्षयपूर्वक सर्वदुःखनिवारणार्थं, आयुरारोग्यऐश्वर्यवृद्ध्यर्थं,
श्री होलिका पूजनं करिष्ये।”
नंतर आपले नाव, गोत्र (माहिती असल्यास), आणि इच्छा मनात सांगा.
पाणी जमिनीवर सोडा.
सोप्या मराठीत संकल्प:
"माझ्या जीवनातील सर्व नकारात्मकता, अडथळे आणि दुःख दूर होवोत. आरोग्य, सुख-समृद्धी आणि शांती लाभो."
(नक्की वाचा: Happy Holi 2026 Wishes And Quotes25+: आयुष्यात येवो सुखाचे सप्तरंग, होळी सणानिमित्त प्रियजनांना पाठवा शुभेच्छा)
होलिका पूजन
हळद-कुंकू, अक्षता अर्पण करा.
फुले वाहा.
गूळ-खोबरे, तीळ अर्पण करा.
दीप आणि अगरबत्ती दाखवा.
मंत्र (11 वेळा)
“ॐ होलिकायै नमः”
शक्य असल्यास:
“ॐ श्री विष्णवे नमः” जप करा.
अग्नी प्रज्वलन
कापूर लावून होलिका प्रज्वलित.
अग्नीला नमस्कार करा.
मनोमन प्रार्थना करा की सर्व नकारात्मक शक्ती या अग्नीत नष्ट होवो.
प्रदक्षिणा
- होलिकेभोवती तीन किंवा सात प्रदक्षिणा घाला.
- प्रत्येक वेळी तीळ किंवा जव अग्नीमध्ये टाका.
- प्रत्येक प्रदक्षिणेत एक वाईट सवय सोडण्याचा संकल्प करा.
(नक्की वाचा: Holi 2026 Date: होळीची योग्य तारीख, शुभ मुहूर्त, तिथी काळ, होलिका दहनाची पूजा, पौराणिक कथा वाचा सविस्तर माहिती)
राखेचा उपयोग (दुसऱ्या दिवशी)
- राख कपाळावर लावा.
- थोडी राख घराच्या मुख्य दरवाजाजवळ ठेवा.
- शेतकरी वर्ग असल्यास शेतात टाकतात (समृद्धीसाठी).
विशेष पाच मिनिटांचा उपाय
होलिका पेटल्यानंतर
सात वेळा तीळ अग्नीत टाका आणि म्हणा: "नकारात्मकता नाशाय स्वाहा"
(Disclaimer: NDTV Marathi या माहितीची जबाबदारी घेत नाही किंवा दावाही करत नाही. अधिक माहितीसाठी संबंधित क्षेत्रातील तज्ज्ञांचा सल्ला घ्यावा.)
