Indira Ekadashi 2025: इंदिरा एकादशी व्रताची संपूर्ण पूजा विधी, शुभ मुहूर्त, कथा आणि धार्मिक महत्त्व

Indira Ekadashi Vrat 2025 Date and Puja Vidhi: भगवान विष्णू यांचा आशीर्वाद मिळवण्यासाठी प्रत्येक महिन्यातील कृष्णपक्ष आणि शुक्लपक्षाच्या तिथीला येणाऱ्या एकदशीचे व्रत करण्याची परंपरा हिंदू धर्मामध्ये आहे. भाद्रपद महिन्यातील कृष्णपक्ष तिथीला 'इंदिरा एकादशी' (Indira Ekadashi 2025) साजरी केली जाते. मान्यतेनुसार इंदिरा एकादशीचे व्रत केल्यास सर्व पाप नष्ट होतात आणि सर्व सुखांचा आनंद मिळतो तसेच वैकुंठ प्राप्त होते. सर्व इच्छा पूर्ण करणाऱ्या इंदिरा एकादशीचे व्रताची पूजा कशी करावी आणि शुभ मुहूर्त काय आहे, जाणून घ्या सविस्तर माहिती...

इंदिरा एकादशी व्रताचा शुभ मुहूर्त | Indira Ekadashi 2025 Shubh Muhurat

पंचांगातील माहितीनुसार भाद्रपद महिन्याची एकादशी तिथीस 17 सप्टेंबर रोजी मध्यरात्री 12.21 (AM) वाजता प्रारंभ होणार असून त्याच रात्री 11.39 वाजेपर्यंत तिथी समाप्त होईल. उदया तिथीनुसार 17 सप्टेंबर रोजी इंदिरा एकादशी साजरी केली जाईल. तर व्रताचे पारण 18 सप्टेंबर सकाळी 6.07 वाजेपासून ते सकाळी 8.34 वाजेपर्यंत केले जाऊ शकते. 

इंदिरा एकादशी पूजा विधी | Indira Ekadashi 2025 Puja Vidhi

इंदिरा एकादशीची व्रताची कथा 

भगवान श्रीकृष्ण यांनी अर्जुनास इंदिरा एकादशी कथा सांगून त्याचे महत्त्व सांगितले होते. पौराणिक कथेनुसार सतयुगामध्ये राजा इंद्रसेनचे महिष्मती नावाच्या नगरीवर राज्य होते. इंद्रसेन धर्मनिष्ठ राजा होता. एकेदिवशी नारद मुनी त्यांच्याकडे आले आणि सांगितले की, हे राजा एकादशी व्रत मोडल्याच्या पापामुळे तुमचे वडील यमलोकात आहे. जर तुम्ही इंदिरा एकादशीचे व्रत विधीवत केले तर त्याचे पुण्य लाभेल आणि वडिलांची मुक्तता होईल. यानंतर नारद मुनींनी सांगितलेल्या नियमांचे पालन करत इंद्रसेनने व्रत केले आणि त्यांच्या वडिलांना वैकुंठ लोक प्राप्त झाले. 

(Disclaimer: NDTV Marathi या माहितीची जबाबदारी घेत नाही किंवा दावाही करत नाही. अधिक माहितीसाठी संबंधित क्षेत्रातील तज्ज्ञांचा सल्ला घ्यावा.)