Lizard Repellent Plants: उन्हाळा आणि पावसाळ्याच्या दिवसांत घराच्या भिंती, खिडक्या आणि गॅलरीमध्ये पाल दिसणे ही सामान्य गोष्ट आहे. बहुतेक लोक पालीला घाबरतात आणि तिला दूर पळवण्यासाठी वेगवेगळे उपाय करतात. जर तुम्हीही या समस्येने त्रस्त असाल तर तुम्ही अशी काही झाडे लावू शकता ज्यांच्या तीव्र सुगंधामुळे पाली दूर राहतात. या झाडांमुळे पालींची समस्या पूर्णपणे दूर होणार नसली तरी पालींना तुमच्या घरापासून दूर ठेवण्यास नक्कीच मदत करू शकतात.
1. लॅव्हेंडरचे झाड
मिळालेल्या माहितीनुसार, जर तुमच्याही घरात पालींचा त्रास असेल तर तुम्ही लॅव्हेंडरचे झाड लावू शकता. लॅव्हेंडर तीव्र आणि मनमोहक सुगंधासाठी ओळखले जाते. याचा वास अनेक लहान कीटक आणि काही प्राण्यांना आवडत नाही. याच कारणामुळे हे झाड गॅलरीत लावण्याचा सल्ला दिला जातो.
2. रोझमेरी
रोझमेरीच्या पानांमधून येणारा तीव्र सुगंध पालींना आकर्षित करत नाही. हे झाड घराचे सौंदर्य वाढवण्यासोबतच स्वयंपाकघरातही उपयोगी पडते.
(नक्की वाचा: Clove Water Benefits: सकाळी रिकाम्या पोटी 21 दिवस लवंगचे पाणी प्यायल्यास काय होईल? जाणून घ्या 4 मोठे फायदे)
3. पुदिना आणि तुळस
पुदिन्याचा सुगंध आणि तुळशीचा नैसर्गिक सुगंध अनेक लहान कीटकांना दूर ठेवण्यास मदत करतो. पाली या कीटकांच्या मागेच येतात, त्यामुळे ही झाडे लावल्याने त्यांचा वावर कमी होऊ शकतो.
4. लेमनग्रास
लेमनग्रासचा लिंबासारखा तीव्र सुगंध कीटकांना दूर ठेवण्यास मदत करतो. हे झाड सूर्यप्रकाश असलेल्या ठिकाणी लावल्यास चांगले परिणाम मिळू शकतात.
(नक्की वाचा: Emotional Video: मेलेल्या पिल्लाला पाठीवर घेऊन समुद्रात भटकतेय डॉल्फिन; ड्रोन VIDEO पाहून डोळे पाणावतील)
5. झाडांसोबत स्वच्छताही आहे महत्त्वाची
गॅलरी आणि घराच्या आसपास स्वच्छता ठेवा. कचरा जमा होऊ देऊ नका, खाण्याचे पदार्थ उघडे ठेवू नका आणि भिंतींच्या भेगा बंद करा. या उपायांसोबत झाडांचा वापर केल्यास पाली घरात येण्याची शक्यता बऱ्याच अंशी कमी होऊ शकते.
(Disclaimer: NDTV Marathi या माहितीची जबाबदारी घेत नाही. अधिक माहितीसाठी तज्ज्ञ/डॉक्टरांचा सल्ला घ्यावा.)
Track Latest News Live on Marathi.NDTV.com and get news updates from India and around the world
