Ram Navami 2026 Horoscope: राम नवमीचा सण दरवर्षी मोठ्या उत्साहात साजरा केला जातो. हा दिवस श्रीरामांचा जन्मोत्सव म्हणून साजरा होतो. यंदा राम नवमीच्या तारखेबाबत लोकांमध्ये थोडा गोंधळ आहे, पण ज्योतिषशास्त्रानुसार 26 मार्च 2026 रोजी हा सण साजरा करणे अधिक शुभ मानले जात आहे. विशेष म्हणजे, या दिवशी अनेक दुर्मीळ ग्रहयोग जुळून आले आहेत, जे काही राशींसाठी अत्यंत लाभदायक ठरू शकतात.
कधी आहे राम नवमी? | When Is Ram Navami 2026
राम नवमी चैत्र महिन्याच्या शुक्ल पक्षातील नवमी तिथीला साजरी केली जाते. श्रीरामांचा जन्म दुपारी झाला होता, त्यामुळे 26 मार्च 2026 रोजी राम नवमी साजरी करणे अधिक शुभ मानले जात आहे. काही लोक उदयातिथीनुसार 27 मार्च रोजी देखील हा सण साजरा करतील.
राम नवमी दिवशी ग्रहांचा दुर्मीळ योग
- राम नवमीला यंदा अनेक महत्त्वाचे योग जुळून आले आहेत.
- शुक्र ग्रहाचा मेष राशीत प्रवेश होईल.
- गुरु आणि चंद्राच्या युतीमुळे गजकेसरी योग तयार होईल.
- गुरु आणि मंगळामुळे नवपंचम राजयोग जुळून येईल.
- काही राशींमध्ये त्रिग्रही योग देखील पाहायला मिळेल.
या योगांचा सकारात्मक प्रभाव विविध राशींवर दिसून येईल.
(नक्की वाचा: Ram Navami 2026: रामनवमीची घरामध्ये पूजा कशी करावी? व्रत नियम, रामरक्षा पठण, नैवेद्याबाबत सविस्तर माहिती वाचा)
'या' राशींना होणार मोठा फायदा
या राम नवमीला प्रामुख्याने खालील राशींसाठी काळ शुभ राहील:
- मेष
- वृषभ
- कन्या
या राशीच्या व्यक्तींना जुन्या समस्यांपासून सुटका मिळू शकते. कुटुंबात आनंदाचे वातावरण राहील आणि नात्यांमधील गोडवा वाढेल. नोकरीत पदोन्नती किंवा नवीन जबाबदारी मिळू शकते. व्यापारात लाभ होऊन आर्थिक स्थिती मजबूत होण्याची शक्यता आहे.
या राशींनाही मिळेल लाभ
मिथुन, तूळ, कुंभ, मकर आणि सिंह राशीच्या लोकांसाठी देखील सकारात्मक परिणाम दिसून येतील. तर दुसरीकडे वृश्चिक आणि मीन राशीच्या व्यक्तींनी थोडं सावध राहण्याची गरज आहे, विशेषतः आरोग्याच्या बाबतीत काळजी घ्यावी.
(नक्की वाचा: Happy Ram Navami 2026 Wishes 25+: रामाचा आदर्श, रामाची भक्ती! रामनवमीच्या प्रियजनांना पाठवा खास शुभेच्छा)
राम नवमीला करा हे उपाय
जर तुम्हाला प्रभू श्रीरामांची कृपा मिळवायची असेल, तर तुम्ही खालील उपाय करू शकता
- रामचरितमानस मधील 'बालकांडा'चे पठण करा.
- प्रभू रामांना तुळशीच्या पानांची माळ अर्पण करा.
- हनुमान चालीसाचे पठण करा.
या उपायांमुळे जीवनात सुख-शांती आणि सकारात्मक ऊर्जा प्राप्त होते.
(Disclaimer: NDTV Marathi या माहितीची जबाबदारी घेत नाही किंवा दावाही करत नाही. अधिक माहितीसाठी संबंधित क्षेत्रातील तज्ज्ञांचा सल्ला घ्यावा.)
