Republic Day 2026 Speech In Marathi: 26 जानेवारी हा दिवस भारताच्या इतिहासातील अत्यंत गौरवशाली दिवस आहे. 1950 साली याच दिवशी भारताचे संविधान लागू झाले. आपल्या संविधानाने प्रत्येक भारतीयाला समान अधिकार, स्वातंत्र्य आणि कर्तव्ये दिली. हा दिवस केवळ उत्सव साजरा करण्यासाठी नसून आपल्या स्वातंत्र्यसैनिकांच्या बलिदानाची आठवण ठेवून देशासाठी जबाबदार नागरिक होण्याची शपथ घेण्याचा आहे. प्रजासत्ताक दिन आपल्यात राष्ट्रप्रेम, एकता आणि संविधाननिष्ठा जागवतो. प्रजासत्ताक दिनानिमित्त तुमची मुलं भाषण स्पर्धेमध्ये सहभागी होणार असतील तर हा लेख तुमच्यासाठी फायदेशीर ठरू शकतो. याद्वारे तुम्हाला तुमच्या मुलांसाठी जबरदस्त भाषण तयार करण्यासाठी मदत मिळेल. भाषणांची 10 उदाहरणं नक्की पाहा...
प्रजासत्ताक दिन 2026 भाषण | Republic Day 2026 Speech | Republic Day 2026 10 Speech In Marathi
Republic Day 2026 Speech 1: प्रजासत्ताक दिन 2026: संविधानाचा विजय
आदरणीय प्रमुख पाहुणे, मान्यवर शिक्षक आणि माझ्या प्रिय देशवासियांनो,
आज आपण सर्वजण भारताचा प्रजासत्ताक दिन मोठ्या अभिमानाने साजरा करत आहोत. 26 जानेवारी 1950 रोजी भारताने स्वतःचे संविधान स्वीकारून खऱ्या अर्थाने लोकशाही प्रजासत्ताक राष्ट्र म्हणून नवी ओळख निर्माण केली. स्वातंत्र्य मिळाल्यानंतर देशासमोर अनेक आव्हाने होती, पण डॉ. बाबासाहेब आंबेडकर यांच्या नेतृत्वाखाली तयार झालेल्या संविधानाने देशाला मजबूत पाया दिला. समानता, स्वातंत्र्य, न्याय आणि बंधुता ही मूल्ये आपल्या संविधानाची खरी शक्ती आहेत. आजच्या दिवशी आपण संविधानाचा सन्मान करण्याचा आणि त्यातील आदर्श आचरणात आणण्याचा संकल्प केला पाहिजे. हाच प्रजासत्ताक दिनाचा खरा अर्थ आहे.
Republic Day 2026 Speech 2: स्वातंत्र्यापासून प्रजासत्ताकापर्यंतचा प्रवास
माझ्या प्रिय मित्रांनो,
भारताचा स्वातंत्र्यलढा हा त्याग, बलिदान आणि संघर्षाची महान गाथा आहे. अनेक वर्षांच्या गुलामगिरीनंतर 15 ऑगस्ट 1947 रोजी आपण स्वातंत्र्य मिळवले, पण 26 जानेवारी 1950 रोजी आपण प्रजासत्ताक झालो. या दिवशी भारताने स्वतःचे कायदे स्वतः ठरवण्याचा अधिकार प्राप्त केला. हजारो स्वातंत्र्यसैनिकांचे बलिदान, महापुरुषांचे विचार आणि जनतेचा संघर्ष यामुळेच हा दिवस आपल्यासाठी पवित्र आहे. या वारशाचे जतन करणे ही आपली जबाबदारी आहे.
आदरणीय पाहुणेमंडळी आणि शिक्षकांना माझा नमस्कार,
भारतीय संविधान हे जगातील सर्वात विस्तृत आणि लोकशाही मूल्यांनी परिपूर्ण संविधान आहे. ते प्रत्येक नागरिकाला समान अधिकार देते आणि कोणत्याही प्रकारचा भेदभाव नाकारते. संविधान आपल्याला केवळ अधिकार देत नाही, तर कर्तव्यांची जाणीवही करून देते. जबाबदार नागरिक बनणे, कायद्याचा आदर करणे आणि समाजात समतेचा संदेश देणे हीच संविधानाची खरी अंमलबजावणी आहे. आपण संविधान जपले तरच लोकशाही टिकेल. आजच्या प्रजासत्ताक दिनी आपण नवभारत घडवण्याची शपथ घेऊया. असा भारत जिथे अन्याय, भेदभाव आणि भ्रष्टाचार नसेल. जिथे प्रत्येक नागरिकाला सन्मान, सुरक्षितता आणि संधी मिळेल. आपल्या कृतीतून देशप्रेम दाखवूया. लहान पावलेही मोठा बदल घडवू शकतात.
उपस्थित आदरणीय शिक्षक आणि माझे मित्र
भारत हा तरुणांचा देश आहे. आपल्या देशातील तरुणाईत अमर्याद ऊर्जा, कल्पकता आणि क्षमता आहे. शिक्षण, संशोधन, क्रीडा, तंत्रज्ञान आणि उद्योग या क्षेत्रात तरुणांनी पुढाकार घेतला तर भारत निश्चितच प्रगतीच्या शिखरावर पोहोचेल. मात्र त्यासाठी शिस्त, प्रामाणिकपणा आणि राष्ट्रप्रेम आवश्यक आहे. आजच्या तरुणांनी देशाच्या उज्ज्वल भविष्यासाठी स्वतःला घडवले पाहिजे. दुसरीकडे आपण शांततेत जीवन जगतो कारण आपल्या सीमेवर आपले सैनिक अहोरात्र पहारा देतात. कठीण परिस्थितीतही ते देशासाठी आपले प्राण अर्पण करतात. त्यांचा त्याग आणि शौर्य हे प्रत्येक भारतीयासाठी प्रेरणास्थान आहे. सैनिकांच्या बलिदानाची जाणीव ठेवून देशासाठी प्रामाणिकपणे काम करणे हीच त्यांना खरी श्रद्धांजली आहे.
(नक्की वाचा: Happy Republic Day 2026 Wishes Quotes: भारताची खरी ओळख विविधतेत एकता, प्रजासत्ताक दिनाच्या हार्दिक शुभेच्छा!)
Republic Day 2026 Speech 5: एकता, अखंडता आणि बंधुता | Prajasattak Din Marathi Bhashanआदरणीय शिक्षक आणि माझ्या मित्रांनो,
भारताची खरी ओळख म्हणजे त्याची विविधता आणि त्यातील एकता. वेगवेगळ्या धर्मांचे, भाषांचे आणि संस्कृतींचे लोक एकत्र राहतात, हीच भारताची ताकद आहे. मतभेद असू शकतात, पण मनभेद नसावे. एकमेकांचा आदर, सहिष्णुता आणि बंधुता या मूल्यांवरच भारताची लोकशाही उभी आहे. ही एकता टिकवणे हे प्रत्येक भारतीयाचे कर्तव्य आहे. दुसरीकडे महिला सक्षमीकरणाशिवाय राष्ट्राची प्रगती अपूर्ण आहे. आज भारतीय महिला प्रत्येक क्षेत्रात आपले सामर्थ्य सिद्ध करत आहेत. शिक्षण, विज्ञान, क्रीडा, प्रशासन आणि संरक्षण क्षेत्रात महिलांनी देशाचा गौरव वाढवला आहे. महिलांना समान संधी आणि सन्मान देणे म्हणजेच देशाच्या प्रगतीचा वेग वाढवणे होय.
(Disclaimer: NDTV Marathi या माहितीची जबाबदारी घेत नाही किंवा दावाही करत नाही. अधिक माहितीसाठी संबंधित क्षेत्रातील तज्ज्ञांचा सल्ला घ्यावा.)
