Success Story: उज्जल भविष्यासाठी चांगल्या कॉलेजमध्ये शिक्षण घेणे किंवा उच्च पदवी असणे आवश्यक आहे, असं अनेकांना वाटते. मात्र आपल्याकडे कौशल्य असेल तर डीग्री न घेताही पैसा कमावतो येतो, अशीच एक थक्क करणारी सक्सेस स्टोरी सध्या सोशल मीडियावर व्हायरल होत आहे. ही कहाणी आहे १९ वर्षीय आयुष सिंगची. तुम्हाला हे जाणून आश्चर्य वाटेल की, अवघ्या १९ वर्षांच्या वयात आयुष दरमहा अंदाजे ₹१ कोटी कमावत आहे. काय आहे या मुलाच्या यशाचे सिक्रेट? वाचा सविस्तर...
आयुष सिंग कोण आहे?
टॉपमेटचे सह-संस्थापक आणि सीटीओ, दिनेश सिंग यांनी अलीकडेच लिंक्डइनवर एक पोस्ट शेअर केली आहे. या पोस्टमध्ये त्यांनी स्पष्ट केले आहे की, आयुष ना आयआयटी पदवीधर आहे, ना एमआयटी पदवीधर, ना तो श्रीमंत कुटुंबातून आलेला आहे. असे असूनही, त्याने तरुण वयात मोठे यश मिळवले आहे. कोविड-१९ महामारीच्या काळात आयुषने एआयच्या जगात प्रवेश केला. त्यावेळी तो फक्त १३ वर्षांचा होता.
कुटुंब आर्थिक अडचणींचा सामना करत होते, त्यामुळे त्यांनी घरातूनच ऑनलाइन शिक्षण सुरू केले. त्यांच्याकडे कोणतीही महागडी प्रणाली नव्हती. एका जुन्या लॅपटॉपच्या आणि इंटरनेटवर उपलब्ध असलेल्या मोफत सामग्रीच्या मदतीने, आयुषने मशीन लर्निंग आणि एआय (AI) शिकायला सुरुवात केली. हळूहळू, तो या क्षेत्रात इतका पारंगत झाला की लोक त्याच्या कामाची दखल घेऊ लागले.
MSRTC News: पर्यटकांसाठी खुशखबर! फक्त 110 रुपयात महाबळेश्वर सफर; 'लालपरी'ची भन्नाट ऑफर काय?
तरुण वयात मोठ्या संधी
एआय (AI) शिकल्यानंतर, आयुषला अनेक परदेशी स्टार्टअप्ससोबत काम करण्याची संधी मिळाली. दिनेश सिंग यांनी सांगितले की, जेव्हा तो फक्त १४ वर्षांचा होता, तेव्हा त्याने तयार केलेल्या एका शैक्षणिक अभ्यासक्रमाची एमआयटीने (MIT) जाहीरपणे शिफारस केली होती. यानंतर, त्याने एआय (AI) संबंधित अनेक मोठ्या प्रकल्पांवर काम केले. त्याने नॅचरल लँग्वेज प्रोसेसिंग (NLP), डेटा सायन्स आणि एमएलऑप्स (MLOps) यांसारख्या क्षेत्रांमध्ये अनुभव मिळवला. नंतर, त्याने 'अँटर्न' (Antern) नावाचा स्टार्टअप सुरू केला आणि 'सेकंड ब्रेन लॅब्स'चा (Second Brain Labs) सह-संस्थापकही बनला.
एआय (AI) शिकवून कोट्यवधींची कमाई
दिनेश सिंग यांच्या मते, आयुष बऱ्याच काळापासून भारतातील तरुणांना एआय (AI) चे प्रशिक्षण देत आहे. सुरुवातीला, आपल्या ज्ञानाचे व्यवसायात रूपांतर करणे त्याच्यासाठी सोपे नव्हते. पण नंतर, टॉपमेटच्या मदतीने, त्याने आपले एआय कोर्सेस आणि प्रशिक्षण कार्यक्रम अधिक लोकांपर्यंत पोहोचवण्यास सुरुवात केली. त्याच्या कार्यक्रमांना सकारात्मक प्रतिसाद मिळू लागला.
Track Latest News Live on Marathi.NDTV.com and get news updates from India and around the world
