आधार कार्ड वापरकर्त्यांसाठी UIDAI कडून मोठी अपडेट समोर आली आहे. नोव्हेंबर 2025 पासून आधार अपडेट करण्याची प्रक्रिया अधिक सोपी, जलद आणि युजर-फ्रेंडली होणार आहे. आता अनेक कामांसाठी आधार सेवा केंद्रांवर प्रत्यक्ष जाण्याची आणि जास्त कागदपत्रे सादर करण्याची गरज राहणार नाही.
1 नोव्हेंबर पासून 3 महत्त्वाचे नियम
आधार अपडेट करणे झाले सोपे
आधारधारक आता आपले नाव, पत्ता, जन्मतारीख आणि संपर्क क्रमांक यांसारखे वैयक्तिक तपशील पूर्णपणे ऑनलाइन अपडेट करू शकतील. ही नवीन अपडेट प्रक्रिया आता पॅन कार्ड किंवा पासपोर्ट सारख्या संबंधित सरकारी नोंदींद्वारे डेटा व्हेरिफाय करेल. यामुळे अनेक कागदपत्रे अपलोड करण्याची किंवा केंद्रावर जाण्याची गरज कमी होईल.मात्र फिंगरप्रिंट्स, आयरिस स्कॅन किंवा फोटो यांसारख्या बायोमेट्रिक अपडेटसाठी मात्र अधिकृत आधार सेवा केंद्राला भेट देणे आवश्यक असेल.
आधार अपडेटसाठी नवीन शुल्क
UIDAI ने आधार अपडेटसाठी नवीन शुल्क रचना लागू केली आहे. डेमोग्राफिक तपशीलातील बदल करण्यासाठी 75 रुपये शुल्क आकारले जाईल. बायोमेट्रिक अपडेट यासाठी 125 शुल्क आकारले जाईल.
ऑनलाइन ऑक्युमेंट अपडेट करण्याची सुविधा 14 जून 2026 पर्यंत विनामूल्य राहील, त्यानंतर यालाही शुल्क लागू होईल. तसेच 5 ते 7 आणि 15 ते 17 वर्षे वयोगटातील मुलांना बायोमेट्रिक अपडेट विनामूल्य करण्याची सुविधा मिळेल.
(नक्की वाचा- Viral VIDEO: फोनवरचं बोलणं ऐकून Uber ड्रायवरने गाडी थांबवली अन्... तरुणीच्या आयुष्यभर लक्षात राहील असा क्षण)
आधार-पॅन लिंक करणे बंधनकारक
आधार आणि पॅन कार्ड लिंक करणे आता अनिवार्य करण्यात आले आहे. 31 डिसेंबर 2025 पर्यंत दोन्ही कागदपत्रे लिंक करणे आवश्यक आहे. अन्यथा, 1 जानेवारी 2026 पासून त्यांचे पॅन कार्ड निष्क्रिय केले जाईल. नवीन पॅन अर्जदारांनाही नोंदणीदरम्यान आधार ऑथेन्टिकेशन करणे आवश्यक असेल.
बँका आणि वित्तीय संस्थांना जलद, पेपरलेस आणि अधिक पारदर्शक ओळख पडताळणीसाठी ओटीपी, व्हिडिओ कॉल किंवा प्रत्यक्ष आधार कन्फर्मेशन यासारखे सोपे ई-केवायसी पर्याय वापरण्यास सांगितले आहे.
