हिंगोलीच्या औंढा नागनाथ तालुक्यातील गौकर्ण माळरानावर आषाढी एकादशीनिमित्त गौकर्ण महादेवाचे दर्शन घेण्यासाठी भाविकांनी मोठ्या प्रमाणात गर्दी केली होती, वन विभागाच्या आखत्यारीत असलेल्या उंच डोंगरावर गोकर्ण महादेवाचे मंदिर असून आषाढी एकादशीनिमित्त भाविक या ठिकाणी दरवर्षी दर्शनासाठी येत असतात याही वर्षी मोठ्या प्रमाणात भाविकांनी या ठिकाणी गौकर्ण महादेवाचे दर्शन घेतले आहे.. सदरील देवस्थान वन विभागाच्या आखत्यारीत येत असल्याने या ठिकाणी मोठ्या प्रमाणात वन विभागाचे अधिकारी आणि औंढा पोलीस  दलातील कर्मचाऱ्यांचा बंदोबस्त तैनात करण्यात आला होता.

अलिबाग तालुक्यातील वरसोली येथील आंग्रेकालीन विठ्ठल मंदिरात आषाढी एकादशी निमित्त विविध कार्यक्रमाचं आयोजन करण्यात आलं होतं पहाटेपासूनच भाविकांनी मंदिरात दर्शनासाठी गर्दी केली होती. गावोगावच्या दिंड्या मंदिरात दाखल झाल्या आहेत. मंदिरात विविध मंडळाची भजने दिवसभर सुरू होती.

वाशिम च्या संत गजानन महाराज संस्थान मधील विठ्ठल मंदिरासह जिल्ह्यातील विठ्ठल मंदिरांमध्ये आषाढी एकादशी निमित्त भाविकांनी दर्शनासाठी मोठी गर्दी केली आहे. या सर्व मंदिरात विठू नामाचा जयघोष होत असून भाविकांना साबुदाणा उसळ आणि इतर फराळी पदार्थ वाटल्या जात आहेत.आषाढी एकादशी निमित्त लहान थोरां मध्ये मोठा उत्साह दिसत आहे.

आज आषाढी एकादशीच्या दिवशी ओरोस नूतन सोसायटी   श्री विठ्ठल रखुमाई मंदिरात शाळकरी चिमुकल्यांनी एक अनोखी “मांदियाळी” भरवत भक्तिमय वातावरण निर्माण केले.  शाळांमधील विद्यार्थ्यांनी विठ्ठल आणि रखुमाईच्या वेशभूषा करून दिंडी व पालखी सोहळ्यात सहभाग घेतला ज्यामुळे ओरोस मंदिर परिसर विठ्ठल नामाच्या गजराने दुमदुमून निघाला. या सोहळ्यात ओरोस न्यू इंग्लिश स्कूल कुंज विहार शिशु वाटिका मधील चिमुकल्या बालकांचाही सहभाग होता ज्यामुळे या कार्यक्रमाला विशेष रंगत आली.  शाळांचे विद्यार्थी-विद्यार्थिनी मोठ्या संख्येने या विठ्ठल दिंडीत सहभागी झाले होते.तर

लहान मुलींनी डोक्यावर तुळशी वृंदावन घेतले होते तर लहान मुले वारकऱ्यांच्या वेशात टोपी आणि हातात भगवा ध्वज घेऊन आपल्या शाळेतून पालखीसोबत 

 विठ्ठल रखुमाई मंदिरात दाखल झाले.

जालन्यात आषाढी एकादशी निमित्त श्री आनंदी स्वामींची पालखी मिरवणूक निघाली आहे. प्रति पंढरपूर म्हणून जालन्याचे आनंदी स्वामी मंदिर ओळखले जाते. मागील सुमारे 300 वर्षांपासून दर आषाढी एकादशीला जालन्यात आनंदी स्वामींची पालखी मिरवणूक काढली जाते. आषाढी साठी जे भाविक पंढरपूर ला विठुरायाच्या दर्शनासाठी जाऊ शकत नाही. ते भाविक जालन्यात येऊन आनंदी स्वामींचे दर्शन घेतात. म्हणून जालन्याच्या आनंदी स्वामी मंदिराला प्रति पंढरपूर असे म्हटले जाते. आषाढी एकादशीच्या 7 दिवस आगोदर आनंदी स्वामी मंदिरात आषाढी सप्ताह आयोजित केला जातो. यावेळी आनंदी स्वामींनी 7 दिवस विविध देवी - देवतांचे रूप दिले जाते. त्यांनतर आषाढीच्या दिवशी जालन्यात आनंदी स्वामींची पालखी मिरवणूक काढली जाते. यावेळी नगर प्रदक्षिणा करून रात्री उशिरा ही पालखी मंदिरात दाखल होते. दरम्यान, आजही आषाढी निमित्त जालन्यात आनंदी स्वामींची पालखी मिरवणूक निघालीय. त्यामुळे जालना नगरीत उत्साहाचे वातावरण पहायला मिळत आहे. यावेळी भज गोविंद भज गोपाल, स्वामी आनंदी दीनदयाळच्या जय घोषणाने परिसर दुमदुमून गेला आहे.

संत शिरोमणी नामदेव महाराज यांचे जन्मस्थळ असलेल्या हिंगोलीच्या नरसी नामदेव येथे आज आषाढी एकादशीनिमित्त भाविकांनी संत नामदेव महाराजांच्या दर्शनासाठी सकाळपासूनच मोठ्या प्रमाणात गर्दी केली आहे.. आज सकाळी शासकीय महापूजा पार पडल्यानंतर मंदिर भाविकांसाठी खुले करण्यात आले आहे.. तर संत नामदेव महाराजांच्या मंदिर परिसरामध्ये भाविकांची मोठ्या प्रमाणात मांदियाळी पाहायला मिळाली आहे..

ज्यांना मोठ्या पंढरपूरला जाणे शक्य होत नसते असे शेतकरी वारकरी हे विठू नामाचा गजर करत आषाढी एकादशीला संभाजीनगरच्या प्रति पंढरपूर समजल्या जाणाऱ्या पंढरपुरामध्ये दर्शनासाठी येत असतात. पहाटेपासून विठुरायाच्या दर्शनासाठी मोठी गर्दी झाल्याचं पाहायला मिळत आहे. पंढरपूर वाळूज येथे श्री विठ्ठल-रुक्मिणी मातेच्या चरणी आषाढी एकादशी निमित्त पालकमंत्री संजय शिरसाट यांनी संपूर्ण  कुटुंबासह महापूजा करत दर्शन घेतले. आज दिवसभर पंढरपुरामध्ये भाविकांची मोठी गर्दी असते कुठल्याही अनुचित प्रकार घडू नये यासाठी पोलिसांकडून देखील संपूर्ण परिसरात मोठा बंदोबस्त लावण्यात आला आहे.

आषाढी एकादशीनिमित्त पैठण येथे संत एकनाथ महाराज समाधीचे दर्शन घेण्यासाठी भाविकांची गर्दी 

पहाटेपासुन दर्शनासाठी लांबच लांब रांगा लागल्याचे चित्र पाहिला मिळाले.

मंदिर परिसर भाविकांनी फुलून गेल्याचे पाहिला मिळाले

भानुदास एकनाथांचा जयघोषाने मंदिर परिसर दणाणुन गेला

एकादशीनिमित्त नाथ समाधी मंदिराला आकर्षक फुलांची आरस करण्यात आली.

आषाढी एकादशीनिमित्त भुसावळ रेल्वे स्थानकावरून पंढरपूर विशेष रेल्वे सोडण्यात आली केंद्रीय राज्यमंत्री रक्षा करते यांच्या हस्ते हिरवा झेंडा दाखवून ह्या विशेष रेल्वेचे पंढरपूरकडे प्रस्थान झाले. या विशेष रेल्वेने खानदेश विदर्भ व मध्य प्रदेशातील हजारो वारकरी हे आज आषाढी एकादशीनिमित्त पंढरपूर मध्ये दाखल होणार आहेत. दरम्यान भजन कीर्तनात तल्लीन झालेल्या वारकऱ्यांना विठुरायाच्या भेटीची आस लागली असून पंढरपूर कडे जात असताना मोठा उत्साह वारकरी व भाविकांमध्ये पाहायला मिळा

आषाढी एकादशीच्या निमित्ताने बीड जिल्ह्यातील  शाळांमध्ये राज्याचे प्रतीक असलेल्या पालखी दिंडी सोहळ्याचे आयोजन केले. आष्टी तालुक्यातील कडा येथील मोतीलाल कोठारी विद्यालय यांच्या विद्यार्थ्यांनी आषाढी पालखी दिंडी काढत रिंगण सोहळा साजरा केला. 

कडा शहरांमधून विद्यालयाच्या विद्यार्थ्यांनी सजवलेल्या रथामधून विठ्ठल रुक्मिणी यांच्या मूर्तीची पालखी दिंडी काढली. या पालखीमध्ये पंढरपूरच्या पांडुरंगासह संविधानाचे प्रतही ठेवण्यात आली होती. 

रथातील पालखी दिंडीचे पूजन करण्यात आल्यानंतर रिंगण सोहळा पार पडला. यावेळी विद्यार्थ्यांनी शिक्षकांनी फुगड्या खेळत रिंगण सोहळ्यांचा आनंद लुटला. त्यानंतर ही पालखी दिंडी ची गावातून प्रदक्षिणा काढण्यात आले.

आषाढी एकादशीच्या सोहळ्याची सुरुवात आज विठोबाच्या शासकीय महापुजेने झाली. पहाटे अडीच वाजता मुख्यमंत्री देवेंद्र फडणवीस यांनी मानाच्या वारकऱ्या सोबत विठ्ठलाची महापूजा केली. अन आषाढीच्या सोहळ्याला सुरुवात झाली. विठ्ठलाच्या शासकीय महापूजा नंतर NDTV मराठीच्या प्रेक्षकांना घरबसल्या विठ्ठल गाभाऱ्यातून दर्शन घडवत आहेत.

आषाढी एकादशीनिमित्त पांडुरंगाच्या गाभाऱ्यात तसेच मंदिराला आकर्षक फुलांची आणि फळांची सजावट करण्यात आली आहे यामध्ये झेंडू शेवंती जरबेरा मोगरा जाई तुळस आणि पाने अशा फुलांचा वापर करत तर सफरचंद डाळिंब पेरू चिकू संत्रा अशा फळांचा वापर करत मंदिर सजवण्यात आले आहे विठ्ठल मंदिराच्या गाभाऱ्यात आणि इतर परिसर देखील फुलांनी सजला आहे. 

आषाढी एकादशीचे  औचित्य साधून नाशिकच्या चांदवड येथील कलाशिक्षक देव हिरे यांनी चक्क जांभळाच्या फळावर अक्रेलिक रंग वापरून विठ्ठलाची सुंदर प्रतिमा साकारत  निसर्ग आणि भक्तीतल्या रंगांना एकत्र जुळवत.आगळ्या वेगळ्या विठ्ठल भक्तीचा आविष्कार साकारताना विठ्ठलाच्या चरणी श्रद्धा व्यक्त करतांना, एक तरी जांभळाचं झाड  लावावं हाच संदेश या चित्रामधून विठ्ठलभक्तांनी दिलाय .

रत्नगिरीतल्या देवरुख येथील रांगोळी कलाकार विलास रहाटे यांनी आषाढी एकादशी निमीत्त अनोख्या पद्धतीने श्री विठ्ठलाप्रति भक्तीभाव व्यक्त केला आहे. रहाटे यांनी पाण्याखाली श्री विठूरायची रांगोळी साकारली आहे. जुन्या पितळेच्या परातीत पाणी घेत या पाण्यात त्यांनी विठुरायाची रांगोळी साकारली आहे. एका तासात त्यांनी ही विठुरायाची रांगोळी साकारली आहे. तसेच यापूर्वी त्यांनी मोरपीसावर, तुळशीपत्रावर, सुपारीवर श्री विठ्ठलाचं रूप साकारलं आहे..

आषाढी एकादशीच्या अनुपम्य सोहळ्याला सुरुवात झाली. अन पंढरपुरातील चंद्रभागेच्या तीरावर लाखो वारकरी भक्तांच्या भक्तांचा महापूर आलेला दिसून येतो आहे. प्रत्येक भाविक हा मुखी विठ्ठल विठ्ठल नाव घेत चंद्रभागेच्या तीरावरवरून एकादशीच्या अनुपम्य सोहळ्यात सहभागी होत आहे.