Ganesh visarjan artificial pond : श्रीगणरायला निरोप देण्यासाठी विविध सोयी-सुविधांसह बृहन्मुंबई महानगरपालिका सज्ज झाली आहे. गेले दहा दिवस बाप्पाची मनोभावे पूजा-अर्चा केल्यानंतर आता त्याला निरोप देण्याची वेळ आली आहे. पर्यावरणदृष्ट्या लहान गणपतींला कृत्रिम तलावात विसर्जन करण्याच्या सूचना पालिकेकडून करण्यात आल्या आहेत. त्यानुसार पालिकेकडून तयारीही करण्यात आली आहे.
सार्वजनिक श्रीगणेशमूर्तीच्या विसर्जनासाठी मागील दोन महिन्यांपासून पालिकेकडून पूर्वतयारी करण्यात आली असून श्रीगणेश विसर्जनासाठी ७० नैसर्गिक स्थळं व सुमारे २९० कृत्रिम तलाव उपलब्ध आहेत.
२४५ नियंत्रण कक्ष कार्यरत...
निर्माल्य कलश, नियंत्रण कक्ष, निरीक्षण मनोरे, विद्युत व्यवस्था, रुग्णवाहिका इ. सुविधा सज्ज.
मूर्ती विसर्जनासाठी कृत्रिम तलावांना प्राधान्य द्यावे – नागरिक व मंडळांना आवाहन.
सुरक्षा व सुविधा व्यवस्थापन
चौपाट्यांवर वाहने अडकू नयेत म्हणून १,१७५ स्टील प्लेट
छोट्या मूर्ती विसर्जनासाठी - ६६ जर्मन तराफे
२,१७८ जीवरक्षक, ५६ मोटरबोटी तैनात
५९४ निर्माल्य कलश आणि ३०७ निर्माल्य वाहने
नियंत्रण आणि समन्वय
विभागीय समन्वयासाठी - २४५ नियंत्रण कक्ष
सुरक्षा देखरेखीसाठी - १२९ निरीक्षण मनोरे
विसर्जन स्थळी - ४२ क्रेन, २८७ स्वागत कक्ष
आरोग्य व प्रकाश व्यवस्था
२३६ प्रथमोपचार केंद्र
व ११५ रुग्णवाहिका.
रात्रीच्या विसर्जनासाठी - ६,१८८ फ्लडलाईट्स व १३८ सर्चलाईट्स
१९७ तात्पुरती शौचालयं
नक्की वाचा - Ganpati Visarjan LIVE Update:लालबागचा राजा चिंचपोकळी रेल्वे पुलावर कधीपर्यंत पोहोचेल, मार्ग अन् वेळापत्रक पाहा
तुमच्या भागातील कृत्रिम तलावं
२९० कृत्रिम तलावांची यादी www.mcgm.gov.in संकेतस्थळावर उपलब्ध आहे. यामध्ये गुगल मॅप लिंकसह उपलब्ध असेल. किंवा QR कोड स्कॅन किंवा BMC WhatsApp Chatbot: ८९९९२२८९९९ वरून माहिती घेऊ शकता.
नागरिकांना सूचना व आवाहन
विसर्जनस्थळी पावित्र्य व शिस्त राखावी.
बृहन्मुंबई महानगरपालिका व मुंबई पोलिसांच्या सूचना पाळाव्यात.
गर्दीत सतर्क राहावे, जबाबदारीने वागावे.
मत्स्यदंश व सागरी सुरक्षितता
ऑगस्ट-ऑक्टोबरमध्ये ‘ब्लू बटन जेलीफिश', ‘स्टिंग रे. यापासून सावध रहावे.
मत्स्यदंश झाल्यास वैद्यकीय कक्ष व १०८ रुग्णवाहिका उपलब्ध.
भरती-ओहोटी:
६ सप्टेंबर:
सकाळी ११.०९ – ४.२० मीटर भरती
सायंकाळी ५.१३ – १.४१ मीटर ओहोटी
रात्री ११.१७ – ३.८७ मीटर भरती
७ सप्टेंबर:
पहाटे ५.०६ – ०.६९ मीटर ओहोटी
सकाळी ११.४० – ४.४२ मीटर भरती
भाविकांसाठी महत्त्वाच्या सूचना
१. समुद्राच्या खोल पाण्यात जाऊ नका.
२. प्रशिक्षित कर्मचाऱ्यांची मदत घ्या.
३. काळोखाच्या जागी व निषिद्ध क्षेत्रात विसर्जन टाळा.
४. बुडणारी व्यक्ती दिसल्यास तात्काळ सूचना द्या.
५. अफवा पसरवू नका, विश्वासही ठेवू नका.
६. लहान मुलांची विशेष काळजी घ्या.
