वाल्मीक कराड याच्यावर परवा रात्रीपासून उपचार सुरू आहेत. जिल्हा रुग्णालयाच्या 45 क्रमांकाच्या वाड मध्ये वाल्मीक कराडवर उपचार सुरू आहेत. या वॉर्डत पोलीस बंदोबस्त देखील तैनात करण्यात आलेला आहे. या वार्डात रुग्णालय प्रशासनाचे सीसीटीव्ही नाहीत मात्र पोलीस प्रशासनाने सीसीटीव्हीची तात्पुरती व्यवस्था केल्याची समजते

शिवसेना नेते आणि राज्याचे उद्योग मंत्री उदय सामंत यांनी आज ठाकरेंच्या शिवसेनेला धक्का दिला आहे. काही दिवसांपूर्वी उबाठाचे रत्नागिरी तालुकाप्रमुख प्रदीप उर्फ बंड्या साळवी यांनी राजीनामा दिला होता. आज बंड्या साळवी यांच्यासह काही उबाठाचे पदाधिकारी, यांच्यासह शेकडो कार्यकर्त्यांनी उबाठाला जय महाराष्ट्र करत शिवसेनेत प्रवेश केला.. मंत्री उदय सामंत आणि आमदार किरण सामंत यांच्या उपस्थितीत या सर्वानी रत्नागिरी येथे भव्य कार्यक्रमात प्रवेश केला. उपविभाग प्रमुख दत्ता तांबे, विभाग प्रमुख अप्पा घाणेकर, पंचायत समिती सदस्य अभय खेडेकर, विभाग प्रमुख महेंद्र झापडेकर आदींनी शिंदे सेनेत पक्षप्रवेश केला..

चंद्रपूर जिल्हा मध्यवर्ती सहकारी बँकेत सुरू असलेल्या नोकर भरतीत आरक्षण डावलल्याचा आरोप करीत उमेदवारांनी आज मोर्चा काढला. जिल्हा बँकेत भरावयाच्या सुमारे साडेतीनशे पदांच्या भरतीची प्रक्रिया वादग्रस्त ठरली आहे. परीक्षेच्या पहिल्याच पेपरला तांत्रिक अडचण आल्याने पेपर रद्द करावा लागला. बँक संचालकांनी पैसे घेवून आधीच उमेदवार निश्चित केल्याचा आरोपही झाला. या संपूर्ण भरती प्रक्रियेत आरक्षण डावलण्यात आल्याचा आरोप करीत सामाजिक कार्यकर्ता मनोज पोतराजे यांनी बँकेच्या मुख्यालयापुढे आमरण उपोषण सुरू केले आहे. 

चंद्रपूर जिल्हा मध्यवर्ती सहकारी बँकेत सुरू असलेल्या नोकर भरतीत आरक्षण डावलल्याचा आरोप करीत उमेदवारांनी आज मोर्चा काढला. जिल्हा बँकेत भरावयाच्या सुमारे साडेतीनशे पदांच्या भरतीची प्रक्रिया वादग्रस्त ठरली आहे. परीक्षेच्या पहिल्याच पेपरला तांत्रिक अडचण आल्याने पेपर रद्द करावा लागला. बँक संचालकांनी पैसे घेवून आधीच उमेदवार निश्चित केल्याचा आरोपही झाला. या संपूर्ण भरती प्रक्रियेत आरक्षण डावलण्यात आल्याचा आरोप करीत सामाजिक कार्यकर्ता मनोज पोतराजे यांनी बँकेच्या मुख्यालयापुढे आमरण उपोषण सुरू केले आहे. 

श्रीक्षेत्र त्रंबकेश्वर येथे संत निवृत्तीनाथ महाराज मंदिराचे देखील केंद्रीय मंत्री अमित शहा यांनी दर्शन घेतलं..

आज लाखो वारकरी त्रंबक नागरिक दाखल झाले असून उद्या संत निवृत्तीनाथ महाराज समाधी यात्रा सोहळा आहे. तत्पूर्वी केंद्रीय गृहमंत्री अमित शहा उपमुख्यमंत्री एकनाथ शिंदे,मंत्री चंद्रशेखर बावनकुळे मंत्री गिरीश महाजन केंद्रीय मंत्री मधुकर मोहोळ हे देखील त्यावेळी उपस्थित होते

यावेळी मंदिर परिसरात पोहोचल्यानंतर त्यांनी मराठी वेशभूषा असलेली गांदी टोपी देखील परिदांन करून दर्शन घेतले आणि वारकऱ्यांसोबत चर्चा केली. उद्या होणाऱ्या उत्सव सोहळ्याच्या त्यांनी शुभेच्छा दिल्या. यावेळी मंदिर परिसरातून आमचे प्रतिनिधी किशोर बेलसरेने घेतलेला एक आढावा..

कर्जत तालुक्यातील मिरजगाव येथे क्रांती चौकात 

नाशिक सोलापूर एस टी ने घेतला पेट...

एसटी मधील तांत्रिक बिघाडाणे एसटीने पेट घेतल्याचे लक्षात येताच चालकाने आणि वाहकाने गाडीतील प्रवाशांना उतरून दिल्याने पुढील अनर्थ टाळला...

संपूर्ण एसटी बस जळून खाक... कर्जत नगरपरिषदचे अग्निशामक दल आग विजवण्यासाठी तातडीने मिरजगाव येथे रवाना..

मिरजगाव पोलीस घटनास्थळी दाखल..

आगीमुळे गाडीचे पाठीमागील बाजूचे टायर फुटले...

महिनाअखेरपर्यंत काँग्रेस प्रदेशाध्यक्ष ठरणार

२७ जानेवारीला राहुल गांधींच्या महु दौ-यानंतर कॉग्रेस प्रदेशाध्यक्षपदाची घोषणा होणार

27 जानेवारीला बाबासाहेब आंबेडकर यांच्या महु या जन्मस्थळी संविधान बचाव सभा घेणार आहेत

नाना पटोले यांनी स्वत:च कॉग्रेस प्रदेशाध्यक्षपद सोडण्याची इच्छा व्यक्त केलीय

काँग्रेसचा नवा प्रदेशाध्यक्ष कोण असणार याबद्दल अनेक तर्क वितर्क लावले जात आहेत

 त्यातच आता काँग्रेस प्रदेशाध्यक्षपदासाठी दोन नावांमध्ये रस्सीखेच सुरु आहे

काँग्रेस हायकमांडकडून सध्या अमित देशमुख आणि सतेज पाटील या दोन नेत्यांच्या नावाचा प्रदेशाध्यक्षपदासाठी विचार सुरु आहे

अमित देशमुख आणि सतेज पाटील अशा दोन नावांची चर्चा

राम गोपाल वर्मा यांना अंधेरी मॅजिस्ट्रेट कोर्टाचा दणका 

तीन महिने कोठडी आणि लाखांचा दंड अशी शिक्षा सुनावली 

अंधेरी मॅजिस्ट्रेट कोर्टाने दिला  आदेश  

हा संपूर्ण खटला सात वर्ष चालू होता . 2018 पासून हा खटला सुरू होता 

चेक बाऊन्स झाल्या प्रकरणी त्यांच्यावर खटला चालवण्यात येत होता.

महेश चंद्र मिश्रा आसे याचिका कर्त्याचे नाव आहे. 

महेश चंद्र मिश्रा हे हार्ड डिस्क सप्लायर म्हणून काम करत होते 

अनेक वेळा सांगून देखील रांगोपाल वर्मा यांनी त्यांना पैसे दिले नाही. जो चेक दिला तो त्यानंतर बाउन्स झाला 

यामुळे मिश्रा यांनी थेट कोर्टात जाण्याचा निर्णय घेतला 

मिश्रा यांचे वकील राजेश कुमार पटेल यांनी हा खटला चालवला

राम गोपाल वर्मा यांना तीन महिन्यांची कोठडी आणि 3 लाख 72 हजार 219 रुपये दंड ठोठावण्यात आला आहे.

 भंडाऱ्याच्या जवाहरनगर येथील ऑर्डनन्स फॅक्टरीमध्ये ब्लॉस्ट झाला. फॅक्टरीच्या आर के ब्रांच शेक्शन मध्ये हा ब्लॉस्ट झाल्याची प्राथमिक माहिती आहे. साबुदाण्यासारखा कच्चा माल जो आरडीएक्स बनवण्यासाठी वापरला जातो, त्यामध्ये हा प्लॉट झाल्याची प्राथमिक माहिती समोर येत आहे. या दुर्घटनेत किती लोकांचा मृत्यू किंवा अपघातग्रस्त झालेत अद्याप याची माहिती कळू शकलेली नाही.

 अमित शहा हे देशाचे गृहमंत्री आहेत सहकार खात त्यांच्याकडे आहे. ओझर नाशिक येथे येऊन ते त्रंबकेश्वर येथे जाणार आहेत. अमित शहा साहेब हे सुद्धा त्या ठिकाणी येत आहेत तो कार्यक्रम पाहणार आहेत आणि त्याची नोंद घेणार आहेत. मला सुद्धा त्यांचं काम बघायचे. म्हणून मी जातोय, तेथे राजकारणाची काही चर्चा होणार आहेत का? करणार आहेत का? अशा काही बातमी येतात फार काही तथ्य आहेत किंबहुना तथ्य नाहीच असे मला वाटते.. असे म्हणत छगन भुजबळ यांनी भाजप प्रवेशाच्या चर्चांवर स्पष्टीकरण दिलं आहे. 

 उद्धव ठाकरे बिनडोक राजकारणी आहेत. प्रतिमा मलीन झाल्यावरही, जनतेचा कौल विरोधात गेल्यावरही खरंतर एखाद्या नेत्यांकडून 13 खासदार आणि 50 आमदार निघून जातात.  तरी त्यांना जाग येत नाही, त्यांचा नेतृत्व कोणीच मान्य करायला तयार नाही म्हणून खासदार आमदार सोडून गेले, खासदार आमदारांचे त्यांचा कुठलाही संपर्क नव्हता.  त्यांचे लोक सोडून गेल्यावर भाजपला दोष देतात.अमित शाह यांच्यावर टीका करतात, त्यांनी आत्मपरीक्षण करायला पाहिजे, असे म्हणत चंद्रशेखर बावनकुळेंनी संताप व्यक्त केला आहे.

- गटबाजीमुळे नाशिकच्या स्थानिक मनसे नेत्यांवर राज ठाकरे नाराज 

- मनसेची नाशिक शहर आणि जिल्ह्याची कार्यकारणी बरखास्त करण्याची शक्यता

- राजीनामे दिलेल्या नाराज पदाधिकारी आणि कार्यकर्त्यांसोबत काल राज ठाकरेंनी साधला संवाद

- स्थानिक नेत्यांबाबत कार्यकर्ते पदाधिकाऱ्यांनी  राज ठाकरेंकडे केल्या अनेक तक्रारी

- विधानसभा निवडणुकीनंतर राज ठाकरेंचा पहिलाच दोन दिवसीय नाशिक दौरा

- आज दुसऱ्या दिवशी देखिल पदाधिकाऱ्यांशी ते चर्चा करण्याची शक्यता

 शालेय पोषण आहारासाठी वापरला जाणाऱ्या तांदूळ व इतर साहित्य मध्ये माती , किडे , आळ्या आढळून आले आहेत. त्यामुळे सांगोल्या तालुक्यातील कमलापूर येथील गोदामातील संपूर्ण तांदूळ इतर साहित्यांचा माल गटशिक्षणाधिकाऱ्यांनी सील केला आहे. नितीन रणदिवे आणि होणार समाजाने प्रशासनास गोदामातील तांदूळ इतर साहित्य मध्ये किडे माती असल्याचे उघडकीस आणून दिले. यानंतर तात्काळ प्रशासनाने तपासणी करत सांगोला तालुक्यातील कमलापूर येथील गोदाम सील केले आहे.. यानंतर या गोदामाची देखभाल करणाऱ्या ठेकेदारावर कडक कारवाई करण्याची मागणी आता नितीन रणदिवे होलार समाजाकडून करण्यात येत आहे.

चाकण पोलिस स्टेशनच्या हद्दीत, औद्योगिक परिसरात असलेल्या महावितरणच्या विद्युत रोहित्रामधून कॉपर वायर चोरी करणाऱ्या आरोपींना चाकण पोलिसांच्या गुन्हे शाखेने बेड्या ठोकल्यात. या प्रकरणी चाकण पोलिसांत या आरोपींच्या विरोधात भारतीय विद्युत कायदा कलम 136 नुसार गुन्हा दाखल करत आरोपी मोहंमद तौफिक अजम अली शेख, रज्जिउद्द्दिन वारीस अली खान, सैराज अहमद हमीद उल्ला शेख, मोहंमद आसिफ अब्दुल अलीम अन्सारी , शकील मोहंमद वलास्मा चौधरी सर्व राहणार कुदळवाडी चिखली यांना अटक केलीय, त्यांच्या ताब्यातून 5 लाख 80 हजार रुपयांचा मुद्देमाल ही जप्त करण्यात आला आहे. आरोपींना अटक केल्याने चाकण पोलिस स्टेशन मधील दाखल कॉपर चोरीच्या 5 गुन्ह्याची उकल झाली आहे.

उल्हासनगरात वीजबिल थकलेल्या ग्राहकाची वीज कापण्यासाठी गेलेल्या महावितरणच्या तंत्रज्ञाला मारहाण झाली होती. यानंतर या तंत्रज्ञावरच संबंधित ग्राहकाने विनयभंगाचा गुन्हा दाखल केला होता. याचा निषेध करण्यासाठी अंबरनाथ डिव्हिजनमधील महावितरण कर्मचाऱ्यांनी कामबंद आंदोलन केलं.

 उल्हासनगर कॅम्प नंबर ४ भागात महावितरणकडून २५ हजार थकबाकी असलेल्या ग्राहकाचा वीजपुरवठा खंडित करण्यात आला. त्यामुळं संबंधित ग्राहकानं महावितरणच्या तंत्रज्ञाला मारहाण केली. याप्रकरणी विठ्ठलवाडी पोलीस ठाण्यात शासकीय कामात अडथळा तसेच कर्मचाऱ्याला मारहाण प्रकरणी ग्राहकावर याच्यावर गुन्हा दाखल झाला. मात्र या घटनेनंतर दुसऱ्या दिवशी महावितणाचे कर्मचारी इलमोद्दीन शेख यांच्यावर विनयभंगाचा गुन्हा दाखल करण्यात आला. यामुळे संतापलेल्या महावितरण कर्मचाऱ्यांनी आंदोलनाचा पवित्रा घेतला. अंबरनाथ डिव्हिजनमध्ये महावितरणच्या सर्व कर्मचाऱ्यांनी काम बंद आंदोलन पुकारत या गोष्टीचा निषेध केला.

अमरावती जिल्ह्यात फेब्रुवारी महिन्यात 111 ग्रामपंचायतच्या पोटनिवडणूक..

131 ग्रामपंचायत सदस्य तर पाच थेट सरपंचाची होणार निवड होणार...

अमरावती जिल्ह्यात वर्षभरापासून रखडल्या होत्या ग्रामपंचायतच्या पोटनिवडणुका..

ग्रामपंचायत सदस्यांचे निधन, अपात्रता, राजीनामा यामुळे झाले होते पद रिक्त..

सुरुवातीला लोकसभा आणि विधानसभा निवडणुकीमुळे या निवडणुकांना स्थगिती देण्यात आली होती.

परंतु आता दोन्ही निवडणुका नंतर ग्रामपंचायत पोटनिवडणुकीचा हा मार्ग मोकळा झाला आहे..

पोट निवडणुकांचा 10 फेब्रुवारीपर्यंत होणार कार्यक्रम जाहीर..

पालघर जिल्ह्यातील दुर्गम आदिवासी भाग असलेल्या मोखाडा तालुक्यात डेंग्यु आणि चिकणगुण्याचे रूग्ण आढळल्याने आरोग्य यंत्रणा खडबडून जागी झाली आहे. मोखड्यातल्या डोल्हारा गावात डासांचा प्रादुर्भाव वाढला असून या गावात डेंग्युचे  4  तर चिकणगुण्या बाधित 9  रुग्ण आढळून आले आहेत. येथील नागरीकांना थंडी, ताप, हात, पाय, डोके दुखणे अशा तक्रारी जानवू लागल्या होत्या. त्यानुसार त्यांचे रक्त नमुने डहाणू येथील प्रयोग शाळेत पाठवले होते. रक्त तपासणी अहवाल  काल प्राप्त झाला असून त्यामध्ये  4  जणांना डेंग्यू आणि  9  ज्यांना चिकणगुण्याची लागण झाल्याचे आढळून आले आहेत. 

शिवसेना ठाकरे गटाच्या जिल्हाप्रमुखांची उद्या शिवसेना भवन, दादर येथे बैठक...

राज्यातील सर्व जिल्हाप्रमुखांना बैठकीला शिवसेना भवन येथे उपस्थित राहण्याचे आदेश... 

जिल्हाप्रमुखांना उद्धव ठाकरे मार्गदर्शन करणार 

आज पार पडलेल्या मेळाव्या नंतर दुसऱ्याच दिवशी जिल्हा प्रमुखांची बैठक 

उद्या 12 वाजता शिवसेना भवन इथे जिल्हाप्रमुखांची उद्धव ठाकरेंसोबत बैठक

 केंद्रीय सहकार व गृहमंत्री अमित शाह आज नाशिक जिल्हा दौऱ्यावर असून बारा ज्योतिर्लिंगापैकी आद्यपीठ म्हणून ओळख असणाऱ्या त्र्यंबकेश्वर महादेवाचे ते दर्शन घेतील त्यानंतर मालेगाव तालुक्यातील अजंग गावी माजी सैनिकांनी सुरु केलेल्या व्यंकटेश्वरा फार्मला ते भेट देणार आहेत. फार्मला सहकार मेळावा घेत शेतकऱ्यांशी देखिल ते संवाद साधतील. 

दरम्यान कसा असणार आजचा अमित शाह यांचा नाशिक जिल्हा दौरा बघुयात -

सकाळी 10.45 - अहमदाबादहून BSF विमानाने नाशिककडे प्रस्थान 

सकाळी 11.45 - नाशिक एअरपोर्टवर आगमन आणि त्र्यंबकेश्वरकडे BSF हेलिकॉप्टरने रवाना 

दुपारी 12.20 ते 12.35 - त्र्यंबकेश्वर महादेव मंदिरात पूजा आणि दर्शन 

दुपारी 12.45 - त्र्यंबकेश्वरहून BSF हेलिकॉप्टरने मालेगावकडे प्रवासाला सुरुवात 

दुपारी 1.30 - मालेगाव हेलीपॅडवर आगमन आणि अजंग गावाकडे रास्तेमार्गे रवाना 

दुपारी 1.40 ते 2.55 - अजंग गावच्या वैंकटेश्वरा फार्मला भेट आणि सहकार मेळाव्याला संबोधन 

दुपारी 3.10 - मालेगावहून BSF हेलिकॉप्टरने नाशिक एयरपोर्टकडे प्रस्थान 

दुपारी 3.40 - नाशिक एयरपोर्टहून BSF विमानाने मुंबई एयरपोर्टकडे उड्डाण

सैफ अली खानवर हल्ला करणारा आरोपी मोहम्मद शरीफुल इस्लाम शहजादल आज करणार न्यायालयात हजर.

शहजादची पाच दिवसांची पोलीस कोठडी संपल्याने  वांद्रे पोलिस आज त्याला करणार न्यायालयात हजर .

पाच दिवसाच्या कोठडीत पोलिसांनी बांगलादेशातील दस्तावेज, हल्ल्यातील चाकूचे तुकडे, सिम कार्ड, मोबाईल आणि काही पुरावे जप्त केले.

पोलीस कोठडी वाढवण्यासाठी पोलिसांची मागणी होणार की न्यायालयीन कोठडी सुनावली जाणार, याकडे लक्ष.