मुंबईतील दादर रेल्वे स्टेशनजवळ पार्किंगमध्ये उभ्या असलेल्या वाहनांना आग लागली आहे. दादर रेल्वे स्टेशनच्या 12 क्रमांकाच्या प्लॅटफॉर्मला लागून असलेल्या पार्किंगमधील वाहनांना ही आग लागली होती. या आगीत 10 ते 12 वाहनं जळाल्याची माहिती आहे. या वाहनांना आग कशी लागली हे अद्याप स्पष्ट झालेलं नाही.  या दुर्घटनेत कोणतीही जीवित हानी झाली नसल्याचं वृत्त आहे. अग्निशमन दल घटनास्थळी दाखल झाले आहे. 

राज्य सरकारनं मंगळवारी (2 सप्टेंबर 2025) मराठा आरक्षणाबाबत एक GR काढला आहे. या जीआरबाबत ओबीसी नेत्यांनी नाराजी व्यक्त केली आहे. या संपूर्ण प्रकरणावर राज्यातील महत्त्वाचे ओबीसी नेते आणि मंत्री छगन भुजबळ यांनी पहिली प्रतिक्रिया दिली आहे.

'GR मध्ये समाविष्ट करण्यात आलेल्या शब्दावरून संभ्रम आहे , आमच्या नेत्यांशी निश्चित चर्चा करून उच्च न्यायालयात जाण्याची देखील तयारी आहे. या प्रकरणात कुणी उपोषण करत आहे. कुणी आंदोलन करत कागद फाडत आहेत. हे करु नका, अशी माझी विनंती आहे, असं भुजबळांनी स्पष्ट केलं. 

आम्ही OBC वर आम्ही अन्याय होऊ देणार नाही. अन्याय होत असेल तर आमची तयारी उच्च न्यायालयात जाण्याची आहे. या प्रकरणात अभ्यास आणि चर्चा करायला आणखी 2 दिवसांचा कालावधी लागेल. सर्वांनी उपोषण थांबावावं आणि उपोषण सोडावं, असं आवाहन भुजबळ यांनी केलं. 

मनसे अध्यक्ष राज ठाकरे हे मुख्यमंत्री देवेंद्र फडणवीस यांचे शासकीय निवासस्थान असलेल्या 'वर्षा' बंगल्यावर दाखल झाले आहेत. ठाकरे यावेळी मुख्यमंत्र्यांच्या घरातील गणपतीचे दर्शन घेणार आहेत. मनोज जरांगे पाटील यांनी मराठा आरक्षणासाठी मुंबईतील आझाद मैदानात आंदोलन केलं होतं. या आंदोलनानंतर दोन्ही नेत्यांची ही पहिलीच भेट आहे. त्यामुळे या भेटीनंतर राज काय बोलणार याकडं सर्वांचं लक्ष लागलंय. 

कुडाळ नगरपंचायतमधील भाजपच्या आठपैकी 6 नगरसेवकांना शिस्तभंगाचे कारण देत पक्षानं निलंबन केलं आहे. बाबत भाजप जिल्हाध्यक्ष प्रभाकर सावंत यांनी जिल्हाधिकाऱ्यांना पत्र पाठवलं आहे. हे नगरसेवक पक्षविरोधी कारवाई करीत असल्याने त्यांच्यावर पक्षातर्फे निलंबनाची कारवाई करण्यात येत आहे असे या पत्रात स्पष्ट करण्यात आलं आहे. भाजपाच्या या कारवाईमुळे कुडाळमध्ये खळबळ उडालीय. 

 या 6 नगरसेवकांनी गेल्या अनेक महिन्यांपासून भाजपच्या कोणत्याही अधिकृत बैठका, सभा अथवा कार्यक्रमांना अनुपस्थित राहणे, वारंवार इतर राजकीय पक्षांच्या व्यासपीठावर उपस्थित राहणे असे करून पक्षशिस्तभंग केला आहे असे जिल्हाध्यक्ष प्रभाकर सावंत यांनी पत्रात स्पष्ट केले आहे .

मराठा आरक्षणासंबंधात GR काढल्यानंतर नाराज झालेल्या ओबीसींचे मन वळवण्यासाठी राज्य सरकारनं प्रयत्न सुरु केले आहेत.  ओबीसींसाठी स्वतंत्र मंत्रिमंडळ उपसमिती स्थापन करण्यात आल्याची माहिती विश्वसनीय सुत्रांनी दिली आहे.

चंद्रशेखर बावनकुळे या समितीचे अध्यक्ष असतील. तर,  छगन भुजबळ, गणेश नाईक, गुलाबराव पाटील, संजय राठोड, पंकजा मुंडे, अतुल सावे, दत्तात्रय भरणे हे या समितीचे सदस्य असतील. 

या समितीमध्ये भाजपाचे 4 तर शिवसेना आणि राष्ट्रवादीचे प्रत्येकी 2 सदस्य आहेत.  ओबीसींच्या सामाजिक, शैक्षणिक आणि आर्थिक स्थितीबाबत कार्यक्रम, योजनांबाबत ही समिती कामकाज करणार आहे

मराठा आरक्षणासाठी राज्य सरकारनं काढलेल्या GR विरोधात ओबीसी नेते आक्रमक झाले आहेत. या जीआरच्या विरोधात पुण्यातील महात्मा फुले वाड्यात ओबीसी नेत्यांचं मौन आंदोलन सुरु झालं आहे. या आंदोलनाच्या वेळी ओबीसी नेते लक्ष्मण हाके यांनी राज्य सरकारचा GR फाडला. 

ओबीसी समाजावर अन्याय होत असल्याची भूमिका घेत छगन भुजबळ यांचा मंत्रिमंडळ बैठकीवर बहिष्कार

भुजबळांच्या नाराजीनंतर राष्ट्रवादी काँग्रेस पक्षातील वरिष्ठ नेत्यांची तातडीची बैठक

राष्ट्रवादी काँग्रेस पक्षाच्या महत्वाच्या नेत्यांची दुपारी २ वाजता देवगिरी या सरकारी निवासस्थानी बैठक

उपमुख्यमंत्री अजित पवार यांच्या उपस्थितीत प्रदेशाध्यक्ष सुनील तटकरे आणि पक्षाचे राष्ट्रीय कार्याध्यक्ष प्रफुल पटेल बैठकीला उपस्थित राहणार

महायुतीत मंत्री भुजबळ यांनी आक्रमक पवित्रा घेतल्यानंतर संभाव्य अडचणी लक्षात घेत बैठक होतं असल्याची सूत्रांची माहिती

मंत्री भुजबळ यांनी पक्षाच्या प्री कॅबिनेट बैठकीत ओबीसी आरक्षण प्रश्नी होतं असलेल्या अन्यायाबाबत उघड भूमिका घेतल्यानंतर वरिष्ठ नेत्यांच्या पार पडणाऱ्या बैठकीला विशेष महत्व

राज्य सरकारने काल काढलेल्या जीआरनंतर ओबीसी नेते आक्रमक

राज्य सरकारच्या निषेधार्थ ओबीसी नेते पुण्यातील महात्मा फुले वाड्यात निषेध आंदोलन करणार

लक्ष्मण हाके, मंगेश ससाने मृणाल ढोले पाटील आणि इतर ओबीसी नेते तोंडावर काळी पट्टी बांधून निषेध आंदोलन करणार 

थोड्याच वेळात आंदोलनाला सुरुवात होणार

ओबीसी मंत्रिमंडळ उपसमिती आजच गठीत होणार

आजच GR काढला जाणार

मंत्रिमंडळ बैठकीत मोठा  निर्णय

मराठा आरक्षणाचा GR काढण्यामागे देवेंद्र फडणवीस यांचा मोठा वाटा -विखे पाटील

मनोज जरांगे यांनी पुन्हा अभ्यासकांची बैठक बोलावली 

उद्या गॅलक्सी रुग्णालयात जरांगे अभ्यासकांची बैठक घेणार 

हैदराबाद गॅजेट जीआरवर अभ्यासकांशी जरांगे चर्चा करणार 

अनेक अभ्यासकांनी जीआरवर हरकती घेतल्या आहेत 

होणारा विरोध पाहता जरांगे घेणार बैठक

नंदुरबारच्या तळोदा तालुक्याच्या वाल्हेरी येथून येणाऱ्या बसला अपघात झाला आहे.  सकाळच्या सत्रातील शाळेत येणारे विद्यार्थी मोठे संख्येने या बसमध्ये होते. ७५ च्या जवळपास विद्यार्थी होते यातील चार विद्यार्थी गंभीर जखमी असून त्यांना तळोदा येथील खाजगी रुग्णालयात उपचारासाठी दाखल करण्यात आला आहे. तर किरकोळ जखमी असलेल्या विद्यार्थ्यांना तळोदा उपजिल्हा रुग्णालयात उपचारासाठी दाखल करण्यात आला आहे.  बस चालक मद्यधुंद अवस्थेत असल्याने बसवरील नियंत्रण सुटल्याने बस अपघात झाल्याचा आरोप प्रवाशांनी केला आहे. 

sg

तारापूर MIDC मध्ये  भंगार माफीयांचा उच्छाद

बँकेने जप्त केलेल्या कंपन्यांवर भंगार माफी यांचा डल्ला

भंगार चोराला फिल्मी स्टाईलने पाठलाग करून पोलिसांनी पकडले

भंगार चोराला पकडतानाचा थरार NDTV मराठीच्या कॅमेऱ्यात कैद

ठाण्यात कासारवडवली परिसरातील एका शेतजमिनीत उघड्या खड्ड्यात दोन अज्ञात व्यक्तींचे मृतदेह आढळून आल्याने परिसरात एकच खळबळ उडाली

35 वर्षीय महिलेचा आणि तीन वर्षाच्या बालिकेचा मृत्यू झाला 

अडीच फूट खोल शेत जमिनीचा हा खड्डा आहे...

स्थानिकांना या खड्ड्यात दोन मृतदेह तरंगताना दिसल्याने स्थानिकांनी याबाबत माहिती कासारवडवली पोलिसांना दिली

डॉ बबनराव तायवाडे, ओबीसी महासंघाचे राष्ट्रीय अध्यक्ष

जो शासन निर्णय काढण्यात आला आहे, त्या निर्णयाचा आम्ही अभ्यास केला, कार्यकर्त्यांसोबत चर्चा केली 

काढलेल्या GR मध्ये जे सांगण्यात आले आहे, त्यावरून आमचे समाधान आहे, समाजाचे नुकसान झालेले नाही. आतापर्यंत प्रचलित असलेल्या पद्धतीनुसारच जात प्रमाणपत्र देण्याची तरतूद या GR मध्ये आहे..

आम्ही आज कायदेतज्ज्ञांशी चर्चा करू, त्यानंतर आम्ही आमच्या आंदोलन आणि साखळी उपोषण बद्दल अंतिम निर्णय घेऊ..

मराठा आंदोलकांवर गुन्हे दाखल करण्याच सत्र सुरूच

गैरकायद्याची मंडळी जमवल्या प्रकरणी तसेच दमदाटी केल्याप्रकरणी गुन्हे दाखल 

मरीन ड्राईव्ह पोलीस ठाणे आणि डोंगरी पोलीस ठाण्यात गुन्हे दाखल

मराठा आंदोलकांविरोधात आत्तापर्यंत अनेक गुन्हे दाखल 

बहुतांश मागण्या मान्य झाल्यानंतर मनोज जरांगे पाटील यांनी आमरण उपोषण मंगळवारी सोडलं

मनोज जरांगे पाटील यांनी उपोषण सोडताच हजारोंच्या संख्येने मुंबईत आलेले मराठा बांधव माघारी फिरले