मनोज जरांगे-पाटील यांच्या नेतृत्वाखालील मराठा आरक्षणासाठीच्या मुंबईतील आंदोलनाला मुंबई पोलिसांनी मुदतवाढ दिली आहे. या मराठा क्रांती मोर्चाला आझाद मैदानावर आणखी एक दिवस थांबण्याची परवानगी मिळाली आहे. आज (शनिवार, 30 ऑगस्ट) या आंदोलनाचा दुसरा दिवस आहे. 

मराठा आरक्षणाच्या मागणीवर आझाद मैदानावर उपोषण करणारे मराठा नेते मनोज जरांगे पाटील यांच्याशी शिंदे समिती पुन्हा चर्चा करणार आहे. या दोघांमधील पहिली बैठक निष्फळ झाली होती. त्यानंतर शिंदे समितीनं या विषयावर राज्य सरकारनं नेमलेल्या उपसमितीची चर्चा केली. या चर्चेनंतर शिंदे समिती पुन्हा एकदा जरांगे पाटील यांच्याशी चर्चा करणार आहे 

मनोज जरांगे पाटील आणि शिंदे समिती यांच्यातील चर्चा निष्फळ ठरली. मराठा आरक्षणासाठी जरांगे पाटील यांच्या आझाद मैदानावर सुरु असलेल्या आंदोलनाचा आज दुसरा दिवस आहे. यावेळी न्या. शिंदे यांनी जरांगे यांची भेट घेतली. या भेटीनंतर कोणत्याही तोड्याविना ते माघारी परतले. मनोज जरांगे पाटील हे आंदोलनावर ठाम आहेत. त्यामुळे आता सरकारच्या पुढील भूमिकेकडं लक्ष लागलंय.

राज्य सरकारकडं निर्णय घेण्यासाठी आणखी 5-7 दिवस आहेत. त्या कालावधीमध्ये मागणी पूर्ण करा. अन्यथा पोराबाळांसह मुंबईत येऊ असा इशारा जरांगे पाटील यांनी दिला. 

मराठवाड्यातील सर्व मराठा हे कुणबी आहेत. मराठवाड्यातील सर्व मराठा हे सरसकट कुणबी करा, अशी मागणी मनोज जरांगे पाटील यांनी केली आहे. 

न्या. शिंदे यांनी मनोज जरांगे पाटील यांची भेट घेतली. त्या भेटीमध्ये त्यांनी ही मागणी केली. 

सहकार मंत्री बाबासाहेब पाटील यांचा मुलगा सुरज पाटील यांनी मनोज जरांगे यांच्या आंदोलनाला पाठिंबा देत असल्याची पोष्ट करत चलो मुंबईचा नारा दिला होता. आता मनोज जरांगे यांची आझाद मैदानावर भेट घेतल्याचा फोटो टाकत "गरजवंत मराठ्यांच्या लढ्यात आम्ही मनोजदादा जरांगेसोबत" असा उल्लेख केला आहे. 

मंत्रिमंडळ उपसमितीचा निरोप घेऊन विभागीय आयुक्त विजय सुर्यंवंशी आणि माजी न्यायमूर्ती शिंदे हे मनोज जरांगे यांच्याकडे भेटीस जाणार 

जरांगे यांच्या भेटी दरम्यान या खालील विषयावर होणार चर्चा 

मराठा आंदोलनात दाखल झालेले गुन्हे मागे घेण्याबाबत सरकार सकारात्मक 

गंभीर गुन्हे वगळता आंदोलनात दाखल झालेले गुन्हे माघारी घेण्याची सरकारची तयारी 

आंदोलनादरम्यान मृत्यूमुखी पडलेल्यांच्या वारसांना आर्थिक मदतीसोबतच सरकारी नोकरीमध्ये सामावून घेण्याबाबत सरकार सकारात्मक 

विभागीय आयुक्त आणि न्यायमूर्ती शिंदे याबाबत जरांगे यांच्या सोबत चर्चा करणार

मराठा आंदोलकांच्या आरोग्याची काळजी घेण्यासाठी महापालिकेने 4 वैद्यकीय पथके आणि 2 रुग्णवाहिका आझाद मैदान परिसरात तैनात केल्या आहेत. याव्यतिरिक्त आंदोलकांसाठी तात्पुरती प्रसाधनगृहेही उभारण्यात आली आहेत, जेणेकरून स्वच्छतेचा प्रश्न निर्माण होणार नाही.

मराठा आंदोलकांनी समृद्धी महामार्ग बंद पाडला

छत्रपती संभाजीनगरमधील समृद्धी महामार्गाच्या जांबरगाव टोल नाक्यावर वाहनांच्या रांगा

समृद्धी महामार्गावर 3 किलोमीटरपर्यंत वाहनांच्या रांगा

वैजापूर पोलीस घटनास्थळी दाखल

पोलिसांकडून मराठा आंदोलकांची समज काढण्याचा प्रयत्न सुरू

उपमुख्यमंत्री एकनाथ शिंदे केंद्रीय गृहमंत्री शाहांच्या भेटीला

अमित शाह आणि एकनाथ शिंदे यांच्यात सह्याद्री अतिथीगृहावर चर्चा 

राज्याला अस्थिर करण्याचे काम सरकारमधील मंत्र्यांकडून होऊ नये, अशी आमची अपेक्षा आहे. मुख्यमंत्र्यांना राजकारण करायचे आहे, आरक्षण द्यायचे नाही,' असा थेट आरोपही मनोज जरांगे पाटील यांनी केला.

गोरगरीब मराठ्यांचा सन्मान करा, त्यांचा अपमान करू नका. एकाचे आरक्षण काढून दुसऱ्याला देऊ शकत नाही. आम्ही दुसऱ्याचे काढून आम्हाला द्या, असे म्हणत नाही. त्यामुळे असा गैरसमज महाराष्ट्रात पसरवू नका, असं मनोज जरांगे पाटील यांनी स्पष्ट केले. 

पुण्यात ओबीसी समाजाची महत्त्वाची बैठक 

मनोज जरांगे यांनी सुरू केलेल्या आंदोलनाच्या पार्श्वभूमीवर ओबीसी समाजाची बैठक

ओबीसी समाज बैठकीतून आंदोलनाची दिशा ठरवणार 

मनोज जरांगे पाटील यांच्या आझाद मैदानातील आंदोलनानंतर ओबीसी आक्रमक 

 लक्ष्मण हाके, मंगेश ससानेंसह राज्यातील सर्व ओबीसी कार्यकर्ते बैठकीला येणार

राज्यात मराठा आरक्षणासाठी मनोज जरागे उपोषणाला बसले आहेत तर मराठा ओबीसीत घेण्यास ओबीसींचा विरोध आहे 

 सरकार मनोज जरांगे यांची झुंडशाही पुढे झुकत असल्याचा आरोप ओबीसी कार्यकर्त्यांनी केला आहे

 झुंडशाहीला झुंडशाहीने उत्तर द्यावं लागेल अशा प्रतिक्रिया ओबीसी बांधवांनी दिल्या आहेत यासाठी आंदोलनाची दिशा आज या बैठकीत ठरणार आहे

सोलापूर राष्ट्रीय महामार्गावर भीषण अपघात

भरधाव कंटेनरने सहा जणांना चिरडले

चार जणांचा जागीच मृत्यू, दोन गंभीर

देवदर्शनाला पायी जात असताना कंटेनरने चिरडले

नामलगाव फाट्यावर घडली घटना

जखमींवर जिल्हा रुग्णालयात उपचार सुरू

ट्युशनवरून परत येताना ट्रकमध्ये सापडल्याने झालेल्या अपघातात विद्यार्थ्याचा मृत्यू

वर्ध्याच्या रामनगर परीसरातील भगतसिंग चौकात घडली दुर्दैवी घटना

आरुष मांडवे वय 15 वर्ष असे मृतक विद्यार्थ्यांचे नाव

 जळगाव जिल्ह्यातील यावल तालुक्यातल्या फैजपूर येथील बेपत्ता तरुणाचा गावानजीक विहिरीत मृतदेह आढळला असून या घटनेमुळे फैजपुर शहरात खळबळ उडाली आहे. इस्माईल आलम शेख असे मृत तरुणाचे नाव असून गेल्या दोन दिवसापासून हा तरुण बेपत्ता असल्याने कुटुंबियांकडून तरुणाचा शोध घेतला जात होता. दरम्यान घटनेची माहिती मिळताच पोलिसांनी घटनास्थळी धाव घेत पंचनामा करून तरुणाचा मृतदेह शवविच्छेदनाकरिता भुसावळ ट्रामा केअर सेंटर मध्ये हलवला आहे. तरुणाच्या मृत्यूचे कारण अद्याप अस्पष्ट असून याबाबत पोलिसांकडून शोध घेतला जात आहे.

 जळगाव जिल्ह्यातील यावल तालुक्यातल्या फैजपूर येथील बेपत्ता तरुणाचा गावानजीक विहिरीत मृतदेह आढळला असून या घटनेमुळे फैजपुर शहरात खळबळ उडाली आहे. इस्माईल आलम शेख असे मृत तरुणाचे नाव असून गेल्या दोन दिवसापासून हा तरुण बेपत्ता असल्याने कुटुंबियांकडून तरुणाचा शोध घेतला जात होता. दरम्यान घटनेची माहिती मिळताच पोलिसांनी घटनास्थळी धाव घेत पंचनामा करून तरुणाचा मृतदेह शवविच्छेदनाकरिता भुसावळ ट्रामा केअर सेंटर मध्ये हलवला आहे. तरुणाच्या मृत्यूचे कारण अद्याप अस्पष्ट असून याबाबत पोलिसांकडून शोध घेतला जात आहे.

मनोज जरांगेंच्या मागणीविरोधात ओबीसी महासंघाचा एल्गार, राष्ट्रीय ओबीसी महासंघ आजपासून नागपुरात साखळी उपोषण सुरु करणार