Neral Matheran Mini Train: माथेरान या लोकप्रिय थंड हवेच्या ठिकाणाला नेरळ शहराशी जोडणारी प्रसिद्ध टॉय ट्रेन गुरुवारी, ६ नोव्हेंबर २०२५ पासून पुन्हा सुरू झाली आहे. पावसाळ्यामुळे सुरक्षेच्या कारणास्तव जून ते ऑक्टोबर या कालावधीत ही सेवा बंद ठेवण्यात आली होती, ज्यामुळे पर्यटकांची प्रतीक्षा अखेर संपुष्टात आली आहे, अशी माहिती अधिकाऱ्यांनी दिली.
माथेरानमध्ये पावसाळ्यात मुसळधार पाऊस पडतो. गेल्या पावसाळ्यात या २१ किलोमीटर लांबीच्या नेरळ-माथेरान ट्रेन लाईनवर भूस्खलन ट्रॅकचे नुकसान आणि बंधारे वाहून गेल्याच्या घटना घडल्या होत्या. त्यामुळे खबरदारीचा उपाय म्हणून जूनच्या पहिल्या आठवड्यापासून ही सेवा थांबवण्यात आली होती. जरी नेरळ ते माथेरानची मुख्य सेवा बंद होती, तरीही हिल स्टेशनच्या प्रवेशद्वाराजवळील अमन लॉज आणि दस्तुरी पॉइंट दरम्यानची शटल सेवा मात्र नियमित सुरू होती.
(नक्की वाचा- Beed News: मनोज जरांगे पाटील यांच्या हत्येचा कट; बड्या राजकीय नेत्याचं कनेक्शन उघड)
कसे असेल वेळापत्रक? Neral Matheran Train Timetable
मध्य रेल्वेने मंगळवारी एका प्रसिद्धीपत्रकात म्हटले आहे की, नेरळ-माथेरान नॅरो गेज कॉरिडॉरवरील सेवा ६ नोव्हेंबरपासून पुन्हा सुरू होतील. नेरळ आणि माथेरान येथून दररोज प्रत्येकी दोन अशा चार सेवा सुरू होतील. नेरळहून माथेरानला जाणारी पहिली ट्रेन सकाळी ८:५० वाजता सुटेल आणि सकाळी ११:३० वाजता तिच्या गंतव्यस्थानी पोहोचेल.
दुसरी ट्रेन सकाळी १०:२५ वाजता सुटेल आणि माथेरानला दुपारी १:०५ वाजता पोहोचेल. या गाड्या माथेरानहून अनुक्रमे दुपारी २:४५ आणि ४ वाजता निघतील आणि नेरळला संध्याकाळी ५:३० आणि ६:४० वाजता पोहोचतील. मध्य रेल्वेने सांगितले की, चारही सेवा एकूण सहा डब्यांसह धावतील, ज्यामध्ये तीन द्वितीय श्रेणी आणि दोन द्वितीय श्रेणी-सह-सामान व्हॅन असतील.
Pune News: रिंग रोडच्या नियोजनासाठी MSRDC ला हवीत पुण्यातील ही 74 गावं, तज्ज्ञांनी व्यक्त केली चिंता
पहिली सेवा विस्टाडोम कोचसह आणि दुसरी सेवा प्रथम श्रेणी कोचसह धावेल. प्रसिद्धीपत्रकानुसार, सोमवार ते शुक्रवार माथेरान आणि अमन लॉज दरम्यान दोन्ही दिशांना सहा शटल सेवा धावतील आणि शनिवार आणि रविवारी आठ सेवा धावतील. माथेरानची अर्थव्यवस्था (Economy) या 'टॉय ट्रेन'वर अवलंबून असल्याने, सेवा पूर्ववत झाल्यामुळे स्थानिक व्यापारी आणि पर्यटकांमध्ये आनंदाचे वातावरण आहे.
