DiGiMHADA Mobile App: सर्वसामान्यांचे घराचे स्वप्न पूर्ण करणाऱ्या महाराष्ट्र गृहनिर्माण व क्षेत्र अधिकारिणीने (म्हाडा) आता डिजिटल क्रांतीच्या दिशेने मोठे पाऊल टाकले आहे. म्हाडाच्या सेवा अधिक पारदर्शी आणि गतिमान करण्यासाठी 'डिजीम्हाडा' (DiGiMHADA) या मोबाईल ॲपचे लोकार्पण करण्यात आले आहे. म्हाडाचे उपाध्यक्ष तथा मुख्य कार्यकारी अधिकारी संजीव जयस्वाल यांच्या हस्ते वांद्रे येथील मुख्यालयात या ॲपचा शुभारंभ करण्यात आला.
म्हाडा झालं डीजिटल!
प्रशासकीय दिरंगाई आणि एजंटांचा सुळसुळाट मोडीत काढण्यासाठी म्हाडाने हे पाऊल उचलल्याचे दिसते. या ॲपमुळे घरांच्या लॉटरीपासून ते थेट तक्रार निवारणापर्यंतच्या सर्व प्रक्रिया आता अर्जदाराच्या हातातील मोबाईलमध्ये बंदिस्त झाल्या आहेत. "नागरिक केंद्रित प्रशासन ही काळाची गरज असून, डिजीम्हाडाच्या माध्यमातून आम्ही म्हाडा आणि जनता यांच्यातील भिंत पाडण्याचा प्रयत्न केला आहे," असे मत संजीव जयस्वाल यांनी यावेळी व्यक्त केले.
Shocking story: खतरनाक प्लॅनिंग, खतरनाक उलगडा! ज्याला मेहूणा समजला तोच बायकोचा नवरा निघाला
विशेष म्हणजे, या ॲपमध्ये माहिती अधिकार (RTI) अंतर्गत अर्ज करण्याची सुविधाही देण्यात आली आहे, ज्यामुळे म्हाडाच्या कारभारात अधिक पारदर्शकता येईल. म्हाडाने नागरिकांच्या सोयीसाठी अधिकृत व्हॉट्सअॅप सेवा देखील सुरू केली आहे. नागरिक 9326258911 वर कॉल करून या व्हॉट्सअॅप सेवेशी कनेक्ट होऊ शकतात. या सेवेमुळे त्यांना म्हाडाशी संबंधित प्रश्नांची उत्तरे त्वरित मिळू शकतील आणि आवश्यक फॉर्म आणि अर्ज डाउनलोड करता येतील. म्हाडाच्या जवळजवळ सर्व सेवा एकाच डिजिटल प्लॅटफॉर्मवर उपलब्ध करून देण्यासाठी डिजीम्हाडा अॅप विकसित करण्यात आले आहे. हे अॅप नागरिकांना विविध सेवा प्रदान करेल.
कोणकोणत्या सेवा ऑनलाईन मिळणार?
- घरांच्या लॉटरीसाठी अर्ज करणे
- ई-बिलिंग सेवा
- सार्वजनिक सेवा हमी कायद्याअंतर्गत सेवा
- म्हाडा अधिकृत सूचना
- तक्रार निवारण पोर्टल
- ई-लिलाव
- ऑटो डीसीआर परवानगी प्रणाली
- कंत्राटदार नोंदणी
- म्हाडा प्रकल्पांची माहिती
- ब्लॉग आणि लेख
Jishnu Dev Varma: कोण आहेत जिष्णू देव वर्मा? महाराष्ट्राचे नवे राज्यपाल म्हणून झाली नियुक्ती
या अॅपचे प्रमुख वैशिष्ट्य म्हणजे म्हाडाच्या गृहनिर्माण योजनांशी संबंधित संपूर्ण प्रक्रिया आता डिजिटल असेल. घरांच्या लॉटरीची माहिती, ऑनलाइन नोंदणी, आवश्यक कागदपत्रे अपलोड करण्यासाठी, अर्जाची स्थिती तपासा, हे वेळेवर अचूक आणि प्रमाणित माहिती प्रदान करेल आणि नागरिकांना फसव्या माहितीपासून वाचवेल. तसेच या अॅपने सुरक्षित लॉगिन प्रणाली आणि प्रमाणित डिजिटल प्रक्रिया लागू केली आहे, ज्यामुळे नागरिकांच्या वैयक्तिक माहितीची संपूर्ण सुरक्षा सुनिश्चित होते. अॅपमध्ये लॉग इन करण्यासाठी मोबाईल नंबर आणि ओटीपी वापरून नोंदणी आवश्यक आहे.
Track Latest News Live on Marathi.NDTV.com and get news updates from India and around the world
