'आयएनएस गुलदार' लवकरच देवगड तालुक्यातील विजयदुर्ग खाडीत आणली जाईल. या युद्धनौकेला शास्त्रीय पद्धतीने स्वच्छ केली जाईल. स्वच्छतेनंतर, ही निवृत्त युद्धनौका विजयदुर्ग खाडीत बुडवण्यात येईल. समुद्राच्या पाण्याखाली असलेल्या या युद्धनौकेचे प्रमाणित स्कुबा डायव्हरच्या माध्यमातून पर्यटकांना दर्शन घेता येणार आहे. ज्यांना स्कुबा डायव्हिंगची भीती वाटते, त्यांच्यासाठी MTDC एक पाणबुडी विकत घेणार आहे. मालवणच्या वेंगुर्ला जवळील निवती समुद्रात अंडरवॉटर म्युझियम आणि आर्टिफिशियल रीफसाठी भारतीय नौदलाची निवृत्त युद्धनौका MTDC ने मागितली होती.
('NDTV मराठी' चं अधिकृत व्हॉट्सअ‍ॅप चॅनल जॉईन करा )
भारतीय नौदलात 40 वर्षे सागरी सेवा दिलेल्या या युद्धनौकेला भारतीय नौदलाने कारवार नौदल तळावर MTDC कडे हस्तांतरित केले. छत्रपती शिवाजी महाराजांच्या आरमारी गनिमी काव्यासाठी मोक्याचे ठिकाण मानल्या जाणाऱ्या विजयदुर्ग खाडीत ही युद्धनौका बुडवण्यात येणार आहे. त्यानंतर पर्यटकांना समुद्राच्या आतून ही युद्धनौका पाहण्याची संधी मिळणार आहे, अशी माहिती महाराष्ट्र पर्यटन विकास महामंडळाचे व्यवस्थापकीय संचालक मनोजकुमार सूर्यवंशी यांनी NDTV ला दिली. मराठ्यांच्या अधिपत्यात तब्बल 105 वर्षे राहिलेल्या किल्ले विजयदुर्गचे ऐतिहासिक आणि सामरिक महत्त्व लक्षात घेऊनच हा प्रकल्प येथे राबवण्याचा निर्णय घेण्यात आला आहे.
ट्रेंडिंग बातमी - IND VS PAK: विराट वादळात पाकिस्तानचा धुव्वा! भारताचा दणदणीत विजय
105 वर्षे मराठ्यांच्या अधिपत्यात असलेला किल्ले विजयदुर्ग आणि त्याचे आरमारी साम्राज्य इतिहासाच्या पानावर अधोरेखित आहे. त्यामुळे हा प्रकल्प विजयदुर्गाच्या समुद्रात करण्याचा निर्णय घेण्यात आला. पंतप्रधान नरेंद्र मोदी यांनी देशातील 23 राज्यांमधील 40 पर्यटन प्रकल्पांना मंजुरी देत त्यासाठी निधी जाहीर केला होता. यामध्ये सिंधुदुर्ग जिल्ह्यातील आर्टिफिशियल रीफ आणि अंडरवॉटर म्युझियमचाही समावेश आहे.
भारतीय नौदलाची निवृत्त युद्धनौका 'आयएनएस गुलदार' ही सागरी क्षेत्रात उल्लेखनीय कार्य करुन सेवा निवृत्त झाली आहे. 12 जानेवारी रोजी, चार दशकांच्या गौरवशाली सेवेनंतर तिला नौदलातून कार्यमुक्त करण्यात आले. आपल्या सेवा काळात या जहाजाने अनेक सुरक्षा मोहिमा, मानवतावादी सहाय्य आणि आपत्ती निवारण कार्यात भाग घेतला आहे. ही युद्धनौका आतापर्यंत भारतीय नौदलाच्या अंदमान-निकोबार कमांडच्या ताब्यात होती. आता ती महाराष्ट्र पर्यटन विकास महामंडळ च्या स्वाधीन करण्यात आली आहे. युद्धनौकेच्या हस्तांतरणासाठी राज्य सरकारच्या पर्यटन विभागाने, केंद्रीय पर्यटन विभागासोबतच नौदलाच्या उच्चपदस्थ अधिकाऱ्यांनी गेले काही महिने प्रयत्न केले होते.
ट्रेंडिंग बातमी - IND Vs PAK: 'रनमशिन' विराटचा नवा विक्रम! सचिन तेंडुलकरसह दिग्गजांना धोबीपछाड
विजयदुर्ग परिसरात हा प्रकल्प का? असा प्रश्न ही सर्वांना पडला आहे. सोळाव्या शतकात छत्रपती शिवाजी महाराजांनी कल्याण येथे युद्धनौका बांधणीचा कारखाना उभारला होता. यामध्ये आरमारी युद्धनितीसाठी महाकाय गलबते, पडाव, पालव, गुराब, मचवा अशा असंख्य प्रकारच्या युद्धनौका बांधल्या जात होत्या. या नौकांसाठी अत्यंत सुरक्षित अशी विजयदुर्गच्या बाजूस असलेली वाघवटं खाडी निश्चित करण्यात आली होती. ही खाडी सुमारे 42 किलोमीटर लांब आणि 40-50 मीटर खोल आहे. नागमोडी वळण आणि खाडीच्या दोन्ही बाजूंना डोंगर असल्याने ती कोणत्याही वादळ-वाऱ्यांपासून नौकांसाठी सुरक्षित मानली जात असे. तसेच आरमारी गनिमी काव्यासाठीही हे मोक्याचे ठिकाण होते.
Track Latest News Live on Marathi.NDTV.com and get news updates from India and around the world
