NDTV Marathi Manch Conclave: विधानसभा निवडणुकीत घवघवीत यश मिळाल्यानंतर मुख्यमंत्री देवेंद्र फडणवीस, उपमुख्यमंत्री अजित पवार आणि एकनाथ शिंदे यांच्या महायुती सरकारला 100 दिवस पूर्ण झालेत. त्यासोबतच एनडीटीव्ही मराठीलाही एक वर्ष पूर्ण होत आहे. याचेच औचित्यसाधून एनडीटीव्ही मराठी मंच या कार्यक्रमाचे आयोजन करण्यात आले. या कार्यक्रमाला राज्याचे मुख्यमंत्री देवेंद्र फडणवीस यांनी हजेरी लावली. यावेळी बोलताना मुख्यमंत्र्यांनी विरोधकांची धाकधूक वाढवणारे सर्वात महत्वाचे विधान केले.
'NDTV मराठी' चं अधिकृत व्हॉट्सअ‍ॅप चॅनल जॉईन करा )
महाराष्ट्रात सध्या भाजप, शिवसेना शिंदे गट आणि राष्ट्रवादी अजित पवार गट असे तीन पक्षांचे सरकार आहे. तीन पक्षांचे सरकार चालवताना मोठी कसरत करावी लागते. तिन्ही नेत्यांमध्ये समन्वय नसल्याचा आरोपही विरोधक करत असतात. यावरुनच मुख्यमंत्री देवेंद्र फडणवीस यांनी महत्वाचे विधान केले तसेच विरोधकांना एक खणखणीत इशाराही दिला.
काय म्हणाले मुख्यमंत्री देवेंद्र फडणवीस?
'आम्ही तिघेही एकमेकांना कॉम्लिमेंट करतो. आम्ही तिघेही डायव्हर्स स्वभावाचे आहोत. कितीही वेगवेगळ्या प्रकारच्या बातम्या चालवल्या तरी आमचा समन्वय चांगला आहे. एकमेकांना सोबत घेऊन आम्ही काम करत आहोत. कोणासाठीही पॉलिटीकल स्पेस राहणार नाही, आम्ही तिघे मिळून सर्व सगळी राजकीय स्पेस व्यापून टाकणार आहोत. त्यामुळे कोणाकरिता काही स्पेस राहणार नाही, असे मुख्यमंत्री देवेंद्र फडणवीस म्हणाले.
तसेच 'अनेक चांगले लोक पक्षामध्ये येऊ इच्छित आहेत त्यांना आम्ही घेत आहोत. खरं म्हणजे आज आमचे विरोधक असलेल्या उबाठा असेल शरद पवारांची राका असेल, तिसरी काँग्रेस असेल या तिन्ही पक्षाकडून त्यांच्या नेत्यांना अपेक्षा दिसत नाहीत. भविष्य दिसत नाहीत. नेतृत्वाचा संघर्ष या पक्षांमध्ये दिसत आहे. त्यामुळे या नेत्यांना वाटत आहे की मुख्य प्रवाहात जावे, त्यासाठी नेते आमच्या पक्षात येत आहेत,' असेही मुख्यमंत्री देवेंद्र फडणवीस म्हणाले.
NDTV Marathi Manch: 'राज्यातील तपासणी लॅबबाबत कडक कायदा..' आरोग्यमंत्री प्रकाश आबिटकरांची मोठी घोषणा
दरम्यान, येत्या 15 मे पर्यंत आमच्या 100 दिवसांच्या कारभाराचा आणि ठरवलेल्या कामांबाबत सर्व विभागांचा निकाल लागणार आहे. सर्व विभागांचे निकाल त्यांच्या वेबसाईटवर दिसतील. तुम्ही काय ठरवलं आणि काय काम पूर्ण केलं हे सर्व विभागांच्या वेब साईटवर पाहायला मिळेल, असंही मुख्यमंत्री देवेंद्र फडणवीस यांनी म्हटले आहे.
Track Latest News Live on Marathi.NDTV.com and get news updates from India and around the world
