Pune Leopard News: बिबट्याच्या मानवी वस्तीतील वावरामुळे संपूर्ण महाराष्ट्रात सध्या भीतीचे वातावरण आहे. मागील दोन दिवसांपासून बिबट्याचा एआय फोटो आणि व्हिडीओ सोशल मीडियावर व्हायरल होत असल्याने बारामतीतील स्थानिकांमध्येही भीतीचं वातावरण निर्माण झालंय. या अफवेच्या पार्श्वभूमीवर वनविभागाने पाहणी देखील केली. पाहणीदरम्यान शहरात बिबट्या असल्याचे कोणतेही पुरावे आढळले नसल्याचे वनविभागाने स्पष्ट केलंय.
शिंदे पार्क परिसरातील बिबट्याचा व्हायरल फोटो
27 नोव्हेंबर रोजी संध्याकाळी कसाबा भागातील शिंदे पार्क परिसरात शेतामध्ये बिबट्याचा वावर असल्याचा फोटो सोशल मीडियावर व्हायरल झाला. खबरदारी म्हणून स्थानिकांनी वनविभागाशी संपर्क साधला. स्थानिकांच्या तक्रारीनंतर वनविभागाची टीम आणि रेस्क्यू टीम घटनास्थळी दाखल झाली आणि पाहणीही केली. पण परिसरात कुठेच बिबट्याच्या पाऊलखुणा आढळल्या नाहीत. व्हायरल फोटोची सत्यता पडताळून पाहिली असता संबंधित फोटो एआय टुलच्या मदतीने तयार केल्याचे समजले.
(नक्की वाचा: Pune News: पुणेकरांची धाकधूक वाढली, त्या दहशतीमुळे घराबाहेर पडण्याचीही भीती; दैनंदिन जीवनावर मोठा परिणाम)
रिंग रोड परिसरातील बिबट्याचा व्हायरल फोटो
28 नोव्हेंबर रोजी रिंगरोड परिसरातील माजी नगरसेवक आबा बनकर यांच्या बंगल्याशेजारी बिबट्या (Bibtya Terror In Maharashtra) दिसल्याचे फोटो पुन्हा सोशल मीडियावर व्हायरल झाले. यावेळेसही तक्रारीनुसार वनविभागाने पाहणी केली. बिबट्याच्या वावराचे ठोस पुरावे मिळाले नाहीत. या प्रकरणातही व्हायरल फोटो एआय फोटो असल्याची माहिती समोर आली.
(नक्की वाचा: Pune News: मला माणसासारखं वागवलंच नाही, तरुणाने पुणे पोलिसांना दिला तळतळाट, VIDEOद्वारे समोर आणला क्रूर चेहरा)
अफवा पसरवू नका, वनविभागाचं आवाहनअफवा पसरू नका आणि खोटे फोटो सोशल मीडियावर शेअर करू नका, असे आवाहन वनअधिकाऱ्यांकडून करण्यात आले आहेत.
अफवांमुळे नागरिकांच्या भीतीमध्ये भर पडतेय आणि यामुळे सर्वसामान्यांच्या दैनंदिन जीवनावर परिणाम होत आहेत. लोकांनी घराबाहेर पडणं जवळपास बंद केलंय.
