देवा राखुंडे, पुणे:
Pune Girl Kidnapping Case Update: पुण्याच्या भिगवण बाजारपेठेतून 21 वर्षीय तरुणीचे अपहरण झाल्याने जिल्ह्यात एकच खळबळ उडाली आहे. या घटनेनंतर हिंदुत्ववादी संघटनांनी आक्रमक भूमिका घेत जनआक्रोश मोर्चा आयोजित केला आहे, तसेच भिगवण बंदची हाकही देण्यात आली आहे. एकीकडे अपहरण प्रकरणाने मोठा तणाव पाहायला मिळत असतानाच पोलिसांच्या तपासातून अपहरण करणारे आरोपी आणि तरुणीचे खळबळजनक कनेक्शन समोर आले आहे.
नेमकं काय आहे प्रकरण?
पुण्याच्या भिगवणमधून काल मंगळवारी दुपारी चर्चा सुमारास एका 21 वर्षीय तरुणीचे दोन तरुणांनी अपहरण केले. मुलगी आई आणि भावासोबत बाजारात आली असतानाच डोळ्यात चटणी टाकून तिला पळवण्यात आले. याप्रकरणात आता मोठी अपडेट समोर आली असून पिडीत मुलगी आणि आरोपी एकमेकांना ओळखत असल्याची माहिती पोलिसांनी दिली आहे. तसेच या घटनेप्रकरणी जहीर हारुन शेख आणि आयन हारुन शेख या दोघांविरोधात भिगवण पोलिसात अपहरणाचा आणि जबरी चोरीचा गुन्हा दाखल करण्यात आला आहे.
Pune News: एका घटनेने खळबळ! महामार्गावर जाळपोळ, कडकडीत बंद, जनआक्रोश मोर्चा, पुण्यात असं काय घडलं?
आरोपी आणि पिडीतेची ओळख..
अपहरण झालेल्या मुलीचे आणि मुलाचे घर शेजाशेजारी आहे. दोघांच्यात एक महिनाभरापासून फोनवर बोलणे सुरु होते. ते वेगवेगळ्या धर्माचे असले तरी त्यांची बालपणापासूनची ओळख आहे. त्यांचे कॉल तसेच टेक्स्ट मेसेज हाती लागले आहेत. पोलिसांनी दोघांचेही फक्त 1 महिन्याचे डिटेल मागवले होते. त्यामध्ये ही माहिती समोर आली आहे. या गुन्ह्याच्या तपासकामी पोलिसांनी सहा पथके रवाना केली आहेत.पोलिसांनी 165 किलोमीटरचा रूट मॅप केला आहे.
याप्रकरणात कोणीही चुकीच्या गोष्टी करु नये. कोणताही धार्मिक ते निर्माण होऊ नये याची खबरदारी प्रत्येकाने घ्यावी.कोणत्याही प्रकारचे मोर्चे काढू नयेत. या सर्व प्रकरणाचे सत्य समोर येईल, पोलीस त्याचा तपास करणार आहेत. असे आवाहन पोलिसांकडून करण्यात आले आहे. जर कुणी अशा पद्धतीचे वर्तन केलं तर त्यांच्यावर देखील गुन्हा दाखल करण्यात येईल असा इशाराही पोलिसांनी दिला आहे.
