MNS MVA Morcha Live Updates: ' राज्यात मत चोर दिसेल तिथल्या तिथे लोकशाहीचा मार्गाने फटकावला पाहिजे, असं उद्धव ठाकरे यांनी सांगितलं. निवडणूक येईल तशी यांची दडपशाही सुरू होईल. कायदेशीर पुरावे घेऊन आम्ही कोर्टात जाणार जेव्हा कधी निकाल येईल तेव्हा बघू, ' असं उद्धव यांनी सांगितलं. निवडणूक आयोग लाचार झाला आहे, असा आरोप उद्धव यांनी केला.

MNS MVA Morcha Live Updates: काही दिवसांपूर्वी निवडणूक आयोगाची लोकं घरी आली होती, असा दावा उद्धव ठाकरे यांनी केला. सक्षम या  अ‍ॅप वरून अर्ज केला होता. माझ्या नावाने OTP काढण्याचा प्रयत्न झाला. 23 ऑक्टोबर 2025 रोजी अर्ज करण्यात आला.  मतदार यादीतून आमच्या घरातील चौघांची नावं बाद करण्याचा प्रयत्न केला गेला का? असा प्रश्न उद्धव यांनी विचारला. 

MNS MVA Morcha Live Updates:  संयुक्त महाराष्ट्राच्या लढ्यानंतर पहिल्यांदाच सगळ्या विरोधी पक्षांची एकजूट झाली आहे, असं उद्धव ठाकरे यांनी सांगितलं. आता जागे व्हा नाहीतर अ‍ॅनाकोंडा येईल मी अॅनाकोंडा बोललो कारण यांची भूक संपत नाही, पक्ष चोरला, सगळं घेतलं असा आरोप उद्धव यांनी केला. 

MNS MVA Morcha Live Updates:  राज ठाकरे नंतर या मोर्च्यात उद्धव ठाकरेंचे भाषण सुरु झाले. त्यांनी यावेळी सुरुवातीला आज फक्त ठिणगी पडली आहे, वणवा पेटायला वेळ लागणार नाही, अला इशारा सरकारला दिला. 

मुंबई उत्तर पूर्व - ९२९८३ दुबार मतदार

उत्तर मुंबई -  ६३७४० दुबार मतदार 

दक्षिण मुंबई -  ५०५६५ दुबार मतदार

नाशिक -  ९९६७३ दुबार मतदार 

मावळ -  १४५६३६ दुबार मतदार

सर्व पुरावे देऊनही जानेवारीमध्ये निवडणुका घेण्याचा हट्ट सुरु आहे. पाच वर्ष निवडणुका घेतल्या नाहीत तर आणखी एक वर्ष निवडणुका घेतल्या नाहीत तर काय फरक पडतो? असा प्रश्न राज यांनी विचारला. 

राज्यातील सत्तारुढ पक्षही बोगस मतदार याद्यांबद्दल बोलत आहेत. मतदार यादी साफ केल्यानंतरच मतदान घ्या, अशी मागणी राज यांनी केली. राज यांनी यावेळी वेगवेगळ्या लोकसभा मतदारसंघातील दुबार मतदारांची यादी वाचून दाखवली. 

मुंबईतील सत्याचा मोर्चा पार पडतोय. यामध्ये मनसे अध्यक्ष राज ठाकरे यांचे भाषण सुरु झाले आहे. निवडणुका घेण्याची घाई का करता असा प्रश्न त्यांनी भाषणाच्या सुरुवातीला विचारला.

मुंबईमध्ये निवडणूक आयोगाविरोधात महाविकास आघाडीने काढलेल्या सत्याचा मोर्चाला सुरुवात झाली आहे. मनसे अध्यक्ष राज ठाकरे, उद्धव ठाकरे, शरद पवार यांच्यासह काँग्रेसचे नेते या मोर्चामध्ये सहभागी झाले आहेत. 

मुंबईमध्ये निवडणूक आयोगाविरोधात महाविकास आघाडीने काढलेल्या सत्याचा मोर्चाला सुरुवात झाली आहे. मनसे अध्यक्ष राज ठाकरे, उद्धव ठाकरे, शरद पवार यांच्यासह काँग्रेसचे नेते या मोर्चामध्ये सहभागी झाले आहेत. 

मुंबईमधील सत्याचा मोर्चामध्ये सहभागी होण्यासाठी उद्धव ठाकरेही चर्चगेट परिसरात दाखल झाले आहेत. उद्धव ठाकरेंचा ताफा मेट्रो सिनेमाच्या इथून राज ठाकरेंच्या दिशेकडे रवाना झाला आहे. थोड्याच वेळात या मोर्चाला सुरुवात होणार आहे.

मुंबईतील मोर्चासाठी राज ठाकरे हे  हॉटेलवर दाखल झाले आहेत. तर आता उद्धव ठाकरेही मातोश्रीवरुन रवाना झाले आहेत. थोड्याच वेळात महाविकास आघाडीचा विराट मोर्चा निघणार आहे. 

मनसे अध्यक्ष राज ठाकरे यांचा रीतसर तिकीट काढून लोकल ट्रेन ने प्रवास. 

मनसेच्या पदाधिकाऱ्यांकडून राज ठाकरेंच्या प्रवासासाठी आधीच जवळपास 50 तिकीट काढण्यात आली होती.

सर्व तिकीट फर्स्ट क्लास ची काढण्यात आली होती. 

महाराष्ट्र नवनिर्माण रेल्वे कामगार संघटनेचे प्रमुख जितू पाटील यांच्या वरती रेल्वे तिकिटांची जबाबदारी देण्यात आली होती.

नवी मुंबई महानगरपालिकेच्या निवडणुका जवळ आल्या असतानाच मतदार यादीतील घोळ आणि दुबार नोंदीच्या मुद्द्यावरून महाविकास आघाडी आक्रमक झाली आहे.

 या पार्श्वभूमीवर नवी मुंबईतून जवळपास ३ हजार कार्यकर्ते आणि नागरिक “सत्याचा मोर्चा” काढण्यासाठी मुंबईकडे रवाना झाले आहेत.

राज्यभरातील विविध पक्षांचे नेते गेल्या काही महिन्यांपासून निवडणूक आयोगाचे लक्ष वेधण्याचा प्रयत्न करत आहेत. दुबार मतदार नोंदी, चुकीचे पत्ते आणि मतदारांची गैरहजेरी यासारख्या गंभीर तक्रारी असूनही, “निवडणूक आयोगाने डोळ्यावर पट्टी बांधली आहे”, अशी तीव्र टीका महाविकास आघाडीच्या नेत्यांकडून करण्यात येत आहे.

मोर्चासाठी निघण्यापूर्वी घाटकोपर मध्ये मनसैनिकांनी निवडणूक याद्या जाळल्या आहेत. घाटकोपर चे महाराष्ट्र नवनिर्माण विद्यार्थी सेनेचे सचिव अभिषेक सावंत यांच्या नेतृत्वात हे आंदोलन करण्यात आले. या वेळी निवडणूक आयोगाच्या निषेध करण्यात आला. आज यादी जाळून निषेध केला आहे, पुढे हे आंदोलन आणखी तीव्र करू अशी प्रतिक्रिया या वेळी अभिषेक सावंत यांनी दिली.

मनसे अध्यक्ष राज ठाकरे हे चर्चगेट स्थानकावर दाखल झाले आहेत. त्यांच्या स्वागतासाठी कार्यकर्त्यांनी मोठी गर्दी केली आहे. थोड्याच वेळात ते मोर्चाच्या ठिकाणी दाखल होतील. 

“महाविकास आघाडीला आगामी निवडणुकांमधील पराभवाचे कारण शोधायचे असल्यामुळेच आजचा मोर्चा काढण्यात आला आहे. उद्या निवडणुकीत पराभव झाल्यानंतर ‘कारण काय द्यायचं’ यासाठी हा सगळा खटाटोप सुरू आहे.

दुबार-तिबार नावे वगळण्यासाठी आम्ही अनेक वेळा निवडणूक आयोगाला सांगितले आहे. ही नावे कमी करा, अशी आमची सतत मागणी आहे. पण निवडणुकीच्या काळातच या विषयावर बोलून फक्त संभ्रम निर्माण करण्याचं काम विरोधक करत आहेत. अशा मोर्चाला राज ठाकरे जात आहेत, याचंही मला आश्चर्य वाटतं, असे म्हणत चंद्रशेखर बावनकुळे यांनी मविआवर निशाणा साधला आहे. 

मुंबईतील मोर्चासाठी राज ठाकरे निघाले.. दादरवरुन लोकलने रवाना! 12 नंतर उद्धव ठाकरे मातोश्रीहून मोर्चासाठी रवाना होतील

 मुंबईत निघणाऱ्या सत्याच्या मोर्चाच्या पार्श्वभूमीवर नाशिक मधून हजारोंच्या संख्येने मनसेचे पदाधिकारी नाशिकहून मुंबईच्या दिशेने रवाना झाले आहेत. हातात मनसेचे झेंडे,  वाहनांना स्टिकर आणि राज ठाकरे तुम आगे बढोच्या घोषणा देत हे पदाधिकारी निघाले आहेत.. 

कॅीग्रेसमध्ये कुणी टिकत नाहीये, 

शरद पवार गटात कुणी थांबायला तयार नाही,

राज ठाकरेंचा यशाचा सूर कधीच हरवलाय… 

आणि 

भाजपाच्या पाठीत खंजीर खुपसणाऱ्या उध्दव ठाकरेंनी विश्वास गमावलाय!

अशा, भरकटलेल्या, हतबल नेत्यांचा हा मोर्चा ‘सत्याचा’ नाही …

हा तर अपयशाच्या, 

नाकर्तेपणाच्या कबुलीचा मोर्चा!!

हा मोर्चा ऐतिहासिक.. संजय राऊतांची प्रतिक्रिया

 मुंबईत सत्याचा मोर्चा याच्यासाठी विविध भागातून मनसैनिक आणि शिवसैनिक येण्यास सुरुवात झाली आहे... पालघर मधील मनसैनिक ठाकरे बंधूंची एकजूट दाखवणार चित्र घेऊन आले