Reymond Founder vijaypat Singhania Death: देशातील प्रसिद्ध उद्योगपती रेमंडचे संस्थापक पद्मभूषण विजयपत सिंघानिया यांचे शनिवारी रात्री उशिरा मुंबईत निधन झाले. ते ८७ वर्षांचे होते. त्यांचे पुत्र आणि रेमंडचे सध्याचे अध्यक्ष गौतम सिंघानिया यांनी त्यांच्या निधनाची बातमी सांगितली. गौतम सिंघानिया यांनी एक्सवर पोस्ट करत "अत्यंत दुःखाने आणि जड अंतःकरणाने, आम्ही पद्मभूषण डॉ. विजयपत कैलाशपत सिंघानिया यांच्या निधनाचे वृत्त देत असल्याचे सांगितले.
Maharashtra Lockdown : महाराष्ट्रात लॉकडाऊन लागणार का? मुख्यमंत्री देवेंद्र फडणवीस म्हणाले...
रेमंडचे माजी अध्यक्ष विजयपत सिंघानिया यांचे निधन
रेमंड ग्रुपचे माजी प्रमुख आणि पद्मभूषण पुरस्कार विजेते विजयपत कैलाशपत सिंघानिया यांचे वयाच्या ८७ व्या वर्षी निधन झाले आहे. ते भारतीय उद्योग क्षेत्रातील एक दीर्घकाळचे प्रमुख व्यक्तिमत्व होते आणि त्यांनी रेमंड ग्रुपला एका पारंपरिक वस्त्रोद्योग कंपनीपासून जागतिक स्तरावर पोहोचवण्यात महत्त्वाची भूमिका बजावली. रेमंड ग्रुपचे सध्याचे अध्यक्ष आणि व्यवस्थापकीय संचालक, गौतम सिंघानिया यांनी 'एक्स' या सोशल मीडिया प्लॅटफॉर्मवर आपल्या वडिलांच्या निधनाची बातमी दिली. "अत्यंत दुःखाने आम्ही पद्मभूषण डॉ. विजयपत कैलाशपत सिंघानिया यांच्या निधनाची माहिती देत आहोत. ते एक दूरदर्शी नेते, परोपकारी आणि प्रेरणादायी व्यक्तिमत्व होते, ज्यांचा वारसा येणाऱ्या पिढ्यांना मार्गदर्शन करत राहील."
विजयपत सिंघानिया यांनी १९८० ते २००० या काळात रेमंड ग्रुपचे अध्यक्ष आणि व्यवस्थापकीय संचालक म्हणून काम पाहिले. त्यांच्या नेतृत्वाखाली, रेमंडने केवळ सुटिंगपुरते मर्यादित न राहता सिंथेटिक फॅब्रिक्स, डेनिम, स्टील, इंडस्ट्रियल फाइल्स आणि सिमेंट यांसारख्या क्षेत्रांमध्येही विस्तार केला. त्यांनी रेमंडला भारतातील सर्वात प्रतिष्ठित जीवनशैली आणि फॅब्रिक ब्रँडपैकी एक बनवले. विजयपत सिंघानिया यांनी अंदाजे १२,००० कोटी रुपयांची संपत्ती मागे ठेवली आहे. २०१५ मध्ये, त्यांनी आपल्या कंपनीतील ३७% हिस्सा मुलाच्या नावावर हस्तांतरित केला होता. त्यांचे पुत्र, गौतम सिंघानिया आता रेमंड कंपनीचे व्यवस्थापन पाहतात.
नक्की वाचा - Electricity Bill : 1 एप्रिलपासून विजेचं बिल कमी येणार? EV कार असणाऱ्यांनाही मोठा दिलासा
रेमंड ग्रुपचे प्रमुख म्हणून एक प्रदीर्घ प्रवास
विजयपत सिंघानिया यांनी रेमंडला भारतातील सर्वात प्रतिष्ठित जीवनशैली आणि फॅब्रिक ब्रँडपैकी एक म्हणून स्थापित केले. १९९४ मध्ये भारतीय हवाई दलाने त्यांना 'मानद एअर कमोडोर' या पदवीने सन्मानित केले. विमानचालन क्षेत्रातील योगदानाबद्दल त्यांना 'तेनझिंग नोर्गे राष्ट्रीय साहसी पुरस्कारा'नेही गौरविण्यात आले आहे. नोव्हेंबर २००५ मध्ये, वयाच्या ६७ व्या वर्षी, त्यांनी सुमारे ६९,००० फूट उंचीवर हॉट एअर बलून उडवून एक ऐतिहासिक कामगिरी केली.
