Mumbai Metro 3: मुंबईतील अंडरग्राऊंड मेट्रो कशी दिसते? पाहा PHOTOS
Mumbai First Underground Metro Line : मुंबईतील कुलाबा-वांद्रे-सिप्झ या मेट्रो 3 मार्गावरील पहिला टप्पा ऑक्टोबर महिन्यामध्ये प्रवाशांसाठी सुरू करण्यात येणार आहे.
-
मेट्रो-3 मार्गावरील पहिल्या टप्प्यामध्ये बीकेसी, वांद्रे कॉलनी, सांताक्रुझ मेट्रो, छत्रपती शिवाजी महाराज इंटरनॅशनल एअरपोर्ट टी 1, सहार रोड, छत्रपती शिवाजी महाराज इंटरनॅशनल एअरपोर्ट टी 2, मरोळ नाका, एमआयडीसी अंधेरी, सीप्झ, आरे आणि जेव्हीएलआर अशा 10 स्थानकांचा समावेश आहे.
-
मेट्रो 3 मुळे साडेचार लाख वाहनफेऱ्या दरदिवशी कमी होण्यास मदत होईल. तसेच 2031 पर्यंत ही संख्या साडेसहा लाखांपर्यंत जाण्याची शक्यता वर्तवण्यात येत आहे. त्यामुळे अडीच लाख लिटर इंधनाची बचत होणार आहे. त्याचप्रमाणे 2031 पर्यंत साडेतीन लाख लिटर इंधनाची बचत होण्यात मदत होईल.
