Zakir Hussain : तबला वादक झाकीर हुसैन यांना दिग्गजांनी वाहिली श्रद्धांजली

प्रसिद्ध तबला वादक झाकीर हुसैन यांनी वयाच्या 73व्या वर्षी अखेरचा श्वास घेतला. सॅन फ्रान्सिस्कोमधील हॉस्पिटलमध्ये त्यांच्यावर उपचार सुरू होते. उपचारादरम्यान त्यांचे निधन झाले. Photo Credit : PTI

झाकीर हुसैन यांना कलाविश्वासह दिग्गज राजकीय नेते, मंत्र्यांनीही सोशल मीडियाद्वारे श्रद्धांजली वाहिली आहे. Photo Credit : Reuters

शास्त्रीय संगीताच्या विश्वात छाप सोडणारे उस्ताद झाकीर हुसैन यांच्या निधनाने खूप दु:ख झाले आहे, असे म्हणत संरक्षण मंत्री राजनाथ सिंह यांनी त्यांना श्रद्धांजली वाहिलीय. Photo Credit : Rajnath Singh X

जगप्रसिद्ध तबलावादक-पद्मविभूषण उस्ताद झाकीर हुसैन यांच्या निधनाच्या बातमीने दु:ख झाले आहे, अशा शब्दांत झारखंडचे माजी मुख्यमंत्री चंपई सोरेन यांनी 'X'पोस्टद्वारे श्रद्धांजली वाहिली. Photo Credit : Champai Soren X

हरियाणाचे माजी मुख्यमंत्री आणि काँग्रेस पक्षाचे ज्येष्ठ नेते भूपेंद्र सिंह हुड्डा यांनीही झाकीर हुसैन यांना श्रद्धांजली वाहिली आहे. Photo Credit : Bhupinder S Hooda X

भारतीय संगीताचे अद्वितीय रत्न, पद्मविभूषण पुरस्काराने सन्मानित महान तबला वादक उस्ताद झाकीर हुसेन यांच्या निधनाचे वृत्त अतिशय दुःखद आहे, असे म्हणत भीम आर्मीचे प्रमुख चंद्रशेखर आझाद यांनी झाकीर हुसैन यांना श्रद्धांजली वाहिली. Photo Credit : Chandra Shekhar Aazad X

"कलाविश्वाचा ताल चुकला" अशा शब्दांत उपमुख्यमंत्री एकनाथ शिंदे यांनीही झाकीर हुसैन यांना श्रद्धांजली वाहिली. Photo Credit : PTI भारतीय अभिजात संगीताचा समृध्द खजिना सातासमुद्रापार दोन्ही हातांनी उधळणारे प्रतिभावान संगीतकार आणि तबलावादक उस्ताद झाकीर हुसेन यांचे जाणे, संपूर्ण तालविश्वाचाच ताल चुकवणारे आहे. - उपमुख्यमंत्री एकनाथ शिंदे