Operation Tiger LIVE: ऑपरेशन टायगर पूर्ण झाले असून ठाकरे गटाच्या सहा खासदारांची पत्रावर सही असल्याचा शिंदे गटाचा दावा. पण कायदेशीर बाबींची पूर्तता झाल्याशिवाय अधिकृत घोषणा 19 किवा 20 जूनला होणार आहे, अशी माहिती 'NDTV मराठी' ला सूत्रांनी दिली आहे.  

ठाकरे गटाच्या कायदेशीर हालचाली लक्षात घेऊन पुढची पावलं टाकण्यात येणार आहेत. त्यानंतरच याबाबत अधिकृत घोषणा होणार असल्याचं सूत्रांनी स्पष्ट केलंय. 

Operation Tiger LIVE: शिवसेना उबाठा पक्षातील खासदार फोडण्यासाठी राबवण्यात येत असलेलं ऑपरेशन टायगर यशस्वी झाल्याचा दावा यापूर्वी करण्यात आला होता. पण, ठाकरे गटानं हा दावा खोडत प्रतिदावा केला आहे.

शिवसेनेसोबत सहा खासदार नसल्याचा दावा ठाकरे गटाकडून करण्यात येत आहे. शिवसेना शिंदेसोबत गेल्याचा दावा होत असलेल्या  सहापैकी दोन खासदारांनी आपली आश्वासन पूर्ण झाली नाहीत त्यामुळे सहीच केली नसल्याची माहिती ठाकरे गटातील सुत्रांनी दिली आहे 

ठाकरेंच्या शिवसेनेनं सर्व खासदारांसाठी उद्याच्या बैठकीत उपस्थित राहण्यासाठी व्हीप जारी केला आहे. या बैठकीला किती आणि कोणते खासदार येणार यावरच याबाबतचं नेमकं चित्र स्पष्ट होणार आहे. 

Operation Tiger LIVE: राज्यातील ऑपरेशन टायगर यशस्वी झाल्याचा दावा करण्यात येत आहे. शिवसेना ठाकरे पक्षाचे नऊ पैकी सहा खासदार फुटल्याचं स्पष्ट झालंय. त्यानंतर आता मुंबई महापालिकेतही ठाकरे गटाला धक्का बसू शकतो, असे संकेत मिळत आहेत.

शिवसेना खासदार नरेश म्हस्के यांनी हा इशारा दिलाय. मुंबई महापालिकेत ठाकरेंचे 65 नगरसेवक आहे. उद्धव ठाकरे यांचे केवळ खासदारच नव्हे, तर आमदार, नगरसेवक आणि कार्यकर्तेही नाराज असून अनेक जण त्यांची साथ सोडत असल्याचा दावाच खासदार म्हस्केंनी केला.

Operation Tiger LIVE:'ऑपरेशन टायगर'मोहिमेचे प्रमुख शिल्पकार असलेल्या उपमुख्यमंत्री एकनाथ शिंदे यांनी एक महत्त्वाची सूचना दिली आहे. ऑपरेशन टायगरवर शिवसेनेत कोणीही बोलू नये, अशी सूचना शिंदे यांनी शिवसेनेचे सर्व मंत्री तसंच आमदारांना दिलीय.

लोकसभा अध्यक्ष ओम बिर्ला यांच्या कार्यालयातून उद्धव ठाकरे गटाच्या 6 खासदारांना वेगळा गट स्थापन करण्यासाठी मान्यता मिळाली आहे. त्यानंतर शिंदे यांनी हा आदेश दिलाय.

शिवसेनेचे सर्व खासदार, आमदार आणि मंत्री यांनी 'ऑपरेशन टायगर' बाबत माध्यमांशी संवाद साधू नये, अशी सक्त सूचना शिंदे यांनी दिली आहे. शिवसेना पक्षातील ठराविक नेतेच या विषयावर माध्यमांशी संवाद साधणार आहेत. 

Operation Tiger LIVE:शिवसेना उद्धव बाळासाहेब ठाकरे (उबाठा) पक्षातील खासदार फोडण्याबाबत राबवण्यात येत असलेले ऑपरेशन टायगर अखेर यशस्वी झालं आहे. उबाठा पक्षाचे नऊ पैकी सहा खासदार फुटले आहेत. या सहा खासदारांच्या गटाला लोकसभा सभापतींनी मान्यता दिल्याची माहिती आहे.

शिवसेना ठाकरे पक्षाकडं फक्त आता तीन खासदार आहेत. राजाभाऊ वाजे, अरविंद सावंत आणि अनिल देसाई हे तीनच खासदार आता ठाकरेंच्या पक्षात शिल्लक आहेत. 

Shivsena UBT PC: शिवसेना ठाकरे गटाच्या 6 खासदारांच्या कथित बंडखोरीच्या आणि एकनाथ शिंदेंच्या 'ऑपरेशन टायगर'च्या पार्श्वभूमीवर खासदार संजय राऊत यांनी पत्रकार परिषद घेऊन बंडखोरांना कडक इशारा दिला आहे.

पत्रकार परिषद संपताना अरविंद सावंत भडकले

उद्धव ठाकरे नेत्यांना वेळ देत नसल्याच्या प्रश्नावर संतापले

दावा करणाऱ्यांचं नाव घेऊनच बोला-अरविंद सावंत

दिल्लीतल्या पत्रकार परिषदेमध्येच वादावादी

पवनराजे निंबाळकर हत्या प्रकरणात काल निकाल होता, आमच्याकडे अशी माहिती आली की तुमच्या बाजूने निकाल हवा असेल तर आमच्या गटात सामील व्हा असा ओमराजेंवर दबाव टाकला, त्यामुळे दोन दिवस निकाल पुढे ढकलला गेला: शिवसेनेचे खासदार संजय राऊत यांचे मोठे विधान

सर्व खासदार आपल्यासोबत असल्याचे आदित्य ठाकरेंनी काल म्हटले, तरीही सावधगिरी बाळगण्याची गरज आहे: अरविंद सावंत, खासदार शिवसेना (UBT)

नागेश पाटील आष्टीकर हे ठरवून सगळ्यांना वेड्यात काढायचा प्रयत्न करत आहेत. त्यांना वाटते की ते सगळ्यात मोठे तीसमार खान आहेत. पण गेल्या दोन महिन्यांपासून त्यांच्या आणि संजय देशमुख यांच्या चाललेल्या जेवणावेळी अगदी परवाच्या रात्री ओव्हरस्मार्ट बनत त्यांनी मला आणि पक्ष नेतृत्वाला… https://t.co/lmbMhEvVYc

— SushmaTai Andhare (@andharesushama) June 17, 2026

खासदार संजय राऊत यांच्या पत्रकार परिषदेतील मुद्दे

आई-बाबा, साईबाबांच्या शपथा घेऊन निष्ठा टिकत नाही आपल्या बाबांचे, म्हणजे हिंदुह्रयसम्राट वंदनीय बाळासाहेब ठाकरे यांचे विचार जपले असते, तर उबाठावर निष्ठा गमावण्याची वेळच आली नसती.
बाकी जनाब संजय राऊत तुमची औकात जनतेनंच दाखवून दिली आहे. https://t.co/ZAZIZsYEJG

— Navnath Kamal Uttamrao Ban (@NavnathBanBJP) June 17, 2026

एकनाथ शिंदे यांचा 'ऑपरेशन टायगर' बाबत मुख्यमंत्री देवेंद्र फडणवीस यांच्याशी समन्वय

एकनाथ शिंदे यांनी काल मुख्यमंत्री फडणवीस यांच्याशी चर्चा करून दिल्ली गाठली : सूत्र 

दिल्लीत घडामोडीबाबत मुख्यमंत्री देवेंद्र फडणवीस यांच्यासोबत समन्वय साधून पुढची पावलं : सूत्र 

राज्याच्या राजकारणात चर्चेत असलेल्या कथित ‘ऑपरेशन टायगर’वर मंत्री गुलाबराव पाटील यांनी प्रतिक्रिया देताना शिवसेना ठाकरे गटाचे खासदार संजय राऊत यांच्यावर जोरदार निशाणा साधला आहे. ‘ऑपरेशन टायगर’बाबत मला कोणतीही माहिती नाही, असे स्पष्ट करताना त्यांनी संजय राऊत यांना ‘पांढऱ्या पायाचा माणूस’ म्हणत, त्यांनी सूत्रे हाती घेतल्यापासून संबंधित पक्षाची अधोगती सुरू झाल्याची टीका केली. तसेच संजय राऊत यांचा ‘पांढरा पाय काळा कसा होईल’ याकडे लक्ष दिले पाहिजे, अशा शब्दांत गुलाबराव पाटील यांनी सडकून टीका केली आहे.

ऑपरेशन टायगरच्या पार्श्वभूमीवर काही सनसनाटी विधाने ऐकायला येऊ लागली आहेत. भाजप आमदार आशिष देशमुख यांनी म्हटलंय की संजय राऊत यांना शिवसेना पक्षाचे आमदार खासदार काँग्रेसमध्ये विलीन करायचे होते. ठाकरेंच्या शिवसेनेसोबतच हाच प्लॅन शरद पवारांच्या राष्ट्रवादी काँग्रेससोबत होता आणि या विलीनीकरणानंतर शरद पवार यांना राज्यसभेतील विरोधी पक्षनेतेपद मिळेल आणि उद्धव ठाकरे प्रदेशाध्यक्ष होतील असं विधान देशमुख यांनी केले आहे. घडामोडींमुळे नाराज होऊनच ठाकरे गटाचे खासदार कदाचित लोकसभा अध्यक्षांना भेटण्यासाठी दिल्लीला आले असावेत असे देशमुखांचे म्हणणे आहे.

खासदार ओमराजे निंबाळकरांच्या शिवसेना प्रवेशाचा निर्णय झालेला नाही. तसे संकेतही ओमराजेंकडून मिळाले नाहीत असं स्पष्टीकरण धाराशिवचे ठाकरे सेनेचे शहर प्रमुख सोमनाथ गुरव यांनी दिलंय. मुलाची तब्येत बरी नसल्याने ओमराजे पुण्यातच असल्याचीही माहिती सोमनाथ गुरव यांनी दिलंय. 

ओमराजे निंबाळकरांच्या पक्षप्रवेशाबाबत तूर्तास कोणताही निर्णय झालेला नाही अशी माहिती सूत्रांनी दिलीय. पवनराजे निंबाळकरांच्या हत्याकांड निकालानंतरच ओमराजे पुढील दिशा ठरवणार असल्याची माहिती मिळतेय. पवनराजे निंबाळकर हत्याकाडांचा निकाल काल लागणार होता. मात्र हा निकाल आता 20 जूनला लागणार आहे. निकालाची तारीख लांबल्याने निंबाळकरांचा सध्या तरी कोणताही निर्णय झालेला नाही. मात्र पक्षप्रवेशाचा निर्णय हा निकालावरच अवलंबून असल्याची माहिती मिळतेय.

बंडखोर खासदारापैकी एकाला मिळणार मंत्रिपद? 

परभणीचे खासदार संजय ( बंडू ) जाधव यांना आश्वासन दिल्याची माहिती 

ठाकरेच्या खारदारांना प्रतिनिधित्व खासदार संजय (बंडू) जाधव यांनी केल्याची माहिती

उद्धव ठाकरेंच्या खासदारांचा शिवसेनेतला पक्षप्रवेश ठरला?

19 जूनला ठाकरेंच्या खासदारांचा शिवसेनेत प्रवेश?

शिवसेनेच्या वर्धापन दिनी होणार खासदारांचा पक्षप्रवेश?

ठाकरेंचे 6 खासदार शिवसेनेत करणार पक्षप्रवेश?

राज्याच्या राजकारणात पुन्हा मोठा राजकीय भूकंप होणार आहे. ठाकरे गटाचे 6 खासदार नॉट रिचेबल असून ते दिल्लीत दाखल झाल्याची माहिती मिळतेय. शिवसेनेकडून पुन्हा एकदा  'ऑपरेशन टायगर' राबवलं जात असल्याची चर्चा आहे. दिल्लीतल्या घडामोडींना वेग आल्यानंतर उपमुख्यमंत्री एकनाथ शिंदेसुद्धा रात्रीच दिल्लीला रवाना झाले. एकनाथ शिंदेंनी ठाकरेंच्या खासदारांसोबत दिल्लीत गुप्त बैठक घेतल्याचीही माहिती मिळतेय. या बैठकीला श्रीकांत शिंदेही उपस्थित होते अशी माहिती मिळतेय. ठाकरे गटाचे हे सर्व खासदार ओम बिर्ला यांची भेट घेण्याची शक्यता वर्तवली जात आहे. सूत्रांकडून मिळालेल्या माहितीनुसार, हे खासदार लोकसभेत आधी आपला एक स्वतंत्र गट स्थापन करण्याची प्रक्रिया पूर्ण करतील आणि त्यानंतर हा गट शिंदे यांच्या नेतृत्वाखालील शिवसेना पक्षात विलीन केला जाईल.

'गुवाहाटी'नंतर आता चलो दिल्लीचा अंक?

उद्धव ठाकरे यांचे 6 खासदार दिल्लीत, उपमुख्यमंत्री एकनाथ शिंदेही मध्यरात्री दिल्लीत-सूत्र

एकनाथ शिंदे यांचा दिल्लीतूनच रात्री राजस्थानचा दौरा-सूत्र

एकनाथ शिंदे यांची रात्रीच खासदारांसोबत गुप्त बैठक-सूत्र

राज्याच्या राजकारणात पुन्हा एकदा चलो गुवाहाटी नाट्याचा नवा अंक रंगताना दिसतोय. मात्र यंदा गुवाहाटीऐवजी चलो नवी दिल्ली हे नवं नाटक रंगणार आहे. ठाकरे गटाचे 6 खासदार नॉट रिचेबल असून ते दिल्लीत दाखल झाल्याची माहिती मिळतेय. शिवसेनेकडून पुन्हा एकदा  'ऑपरेशन टायगर' राबवलं जात असल्याची चर्चा आहे. दिल्लीतल्या घडामोडींना वेग आल्यानंतर उपमुख्यमंत्री एकनाथ शिंदेसुद्धा रात्रीच दिल्लीला रवाना झाले. एकनाथ शिंदेंनी ठाकरेंच्या खासदारांसोबत दिल्लीत गुप्त बैठक घेतल्याचीही माहिती मिळतेय. आज सकाळी ठाकरे सेनेचे खासदार वेगळा गट स्थापन करण्याचा दावा करू शकतात असा दावाही सूत्रांनी केलाय.

महाराष्ट्राच्या राजकारणात पुन्हा एकदा मोठ्या राजकीय भूकंपाची शक्यता निर्माण झाली आहे. ठाकरे गटाचे 6 खासदार 'नॉट रिचेबल' झाले असून, ते उपमुख्यमंत्री एकनाथ शिंदे यांच्या संपर्कात असल्याची माहिती आहे.