Rinku Singh Net Worth : कोलकाता नाईट रायडर्सचा खेळाडू रिंकू सिंह रविवारी सोशल मीडियावर ट्रेंड करत होता. कारण म्हणजे मछलीपूरच्या खासदार प्रिया सोराज यांच्याशी त्याचा साखरपुडा आणि लग्न होणार असल्याची पुष्टी झाली आहे. रिंकूची साखरपुडा या महिन्याच्या 8 तारखेला लखनौमधील हॉटेल ताजमध्ये होणार आहे. सायकलवरून प्रत्येक घरात गॅस सिलिंडर पोहोचवण्यापासून ते आज रिंकूने स्वतःसाठी जे स्थान मिळवले आहे तो एक प्रेरणादायी प्रवास आहे. सध्या रिंकू सिंहकडे किती संपत्ती पाहुयात.
बीसीसीआयने काही दिवसांपूर्वी जाहीर केलेल्या केंद्रीय करारात बोर्डाने रिंकूचा 'क' श्रेणीत समावेश केला आहे. त्याला बोर्डाकडून वार्षिक 1 कोटी रुपये मानधन मिळते. याशिवाय, त्याला प्रत्येक टी-20 सामना खेळण्यासाठी 3 लाख रुपये मानधन मिळते.
आयपीएलमधून आतापर्यंतची कमाई
रिंकूला केकेआरने 2018 मध्ये 80 लाख रुपयांना संघात सामील केले होते आणि 2021 पर्यंत त्याची ही फी होती. 2022 मध्ये ती आणखी कमी झाली. रिंकूचे वार्षिक उत्पन्न 80 लाख रुपयांवरून 55 लाख रुपयांवर आले. जे २2024 पर्यंत तसेच होते. परंतु गेल्या वर्षीच्या लिलावात केकेआरने त्याला 13 कोटी रुपयांच्या मोठ्या रकमेला संघात कायम ठेवले. आतापर्यंत रिंकूने आयपीएलमधून सुमारे 18 कोटी रुपये कमावले आहेत, ज्यात फी, रिटेन्शन बोनस, मॅच फी आणि पुरस्कार रक्कम यांचा समावेश आहे.
जाहिरातींमधून मिळणारे उत्पन्न
रिंकूने यावर्षी अनेक मोठ्या कंपन्यांसोबत करार केले. यामध्ये एमआरएफ, एसजी, सिएट टायर्स आणि जेबीएल इंडिया सारख्या मोठ्या कंपन्यांच्या नावांचा समावेश आहे. या कंपन्यांमधून रिंकू दरवर्षी 50-60 लाख रुपये कमावते.
रिअल इस्टेट आणि मालमत्तेत चांगली गुंतवणूक
कमाईसोबतच, रिंकूने त्याच्या अलीगढ शहरात रिअल इस्टेटमध्येही चांगली गुंतवणूक केली आहे. शहरातील ओझोन सिटीमध्ये त्यांच्या नावावर 200 यार्डचा प्लॉट आहे. तिथे तीन एकर शेती जमीन देखील खरेदी केली आहे. सध्या त्यांचे कुटुंब सर्व आधुनिक सुविधांनी सुसज्ज असलेल्या 3.5 कोटी रुपयांच्या बंगल्यात राहत आहे.
रिंकूकडे असलेली वाहने
रिंकूला गाड्यांचीही आवड आहे. त्याच्याकडे सुमारे सहा आलिशान गाड्या आहेत. रिंकूकडे फोर्ड एंडेव्हर (सुमारे 40 लाख रुपये), मारुती सुझुकी स्विफ्ट (सुमारे 8 लाख रुपये), टोयोटा इनोव्हा क्रेटा (सुमारे 25 लाख रुपये), महिंद्रा स्कॉर्पिओ (सुमारे 20 लाख रुपये), मारुती सुझुकी ब्रेझा (सुमारे 14 लाख रुपये) या कार आहेत. तर रिंकूकडे रॉयल एनफील्ड बुलेट देखील (सुमारे 2 लाख रुपये) आहे.
2018 मध्ये आयपीएलमध्ये सामील झाल्यापासून सुमारे 7 वर्षांच्या प्रवासात रिंकूने बरीच आर्थिक प्रगती केली आहे. रिंकूमध्ये अजूनही बरीच वर्षे क्रिकेट खेळणे बाकी आहे आणि येत्या काळात तो त्याच्या एकूण संपत्तीत आणखी भर घालेल यात शंका नाही.
