आयपीएल 2025 मध्ये चेन्नई सुपर किंग्स (Chennai Super Kings) ची कामगिरी निराशाजनक झालीय. पाच वेळा विजेतेपद पटकावणाऱ्या या टीमनं पहिल्या 7 पैकी फक्त 2 सामने जिंकले आहेत. सीएसके सध्या पॉईंट टेबलमध्ये शेवटच्या क्रमांकावर आहे. पहिल्या 6 ओव्हरच्या पॉवर प्लेचा फायदा घेत हमखास सिक्स मारणाऱ्या खेळाडूची कमतरता सीएसकेला जाणवतीय. सीएसकेचा कॅप्टन महेंद्रसिंह धोनीची (MS Dhoni) ही डोकेदुखी आता संपणार आहे.
('NDTV मराठी' चं अधिकृत व्हॉट्सअॅप चॅनल जॉईन करा )
आक्रमक प्लेयरची एन्ट्री
सीएसकेच्या टीममध्ये दक्षिण आफ्रिकेचा आक्रमक बॅटर आणि मुंबई इंडियन्सचा माजी खेळाडू डेवाल्ड ब्रेविसची (Dewald Brevis) एन्ट्री झाली आहे. सीएसकेनं जखमी गुरजपनीत सिंहच्या जागी ब्रेविसचा समावेश केलाय.
2022 साली झालेल्या अंडर 19 वर्ल्ड कपमध्ये ब्रेविस पहिल्यांदा चर्चेत आला होता. त्या वर्ल्ड कपमध्ये त्यानं सर्वात जास्त रन केले होते. ब्रेविसची बॅटिंग पाहून त्याची तुलना दक्षिण आफ्रिकेचा महान क्रिकेटपटू एबी डीव्हिलियर्सची केली जाते. 'बेबी एबी' या नावानं तो क्रिकेट विश्वात प्रसिद्ध आहे.
( नक्की वाचा : IPL 2025 : वय वर्ष 17! एकाच मॅचमध्ये मारले होते 11 सिक्स! CSK चा नवा मुंबईकर उडवणार सर्वाची झोप )
ब्रेविस यापूर्वी मुंबई इंडियन्सकडून आयपीएल खेळलाय. त्यानं आयपीएलध्ये 10 सामन्यात 230 रन्स केले आहेत. मुंबई इंडियन्सच्याच MI केपटाऊनला दक्षिण आफ्रिकेतील T20 लीगचं विजेतेपद मिळवून देण्यात ब्रेविसची महत्त्वाची भूमिका होती. त्यानं फायनलमध्ये 18 बॉलमध्ये 38 रन काढले होते.
ब्रेविसनं आत्तापर्यंत 81 T20 मॅचमध्ये 1787 रन्स केले आहेत. 162 हा त्याचा सर्वोच्च स्कोअर आहे. CSA T20 चॅलेंज स्पर्धेत त्यानं ही खेळी केली होती. त्या खेळीत त्यानं 13 सिक्सर्सची बरसात केली होती.
आक्रमक खेळासाठी प्रसिद्ध असलेल्या ब्रेविसला कॅरेबियन प्रीमियर लीग (CPL) तसंच अमेरिकेतील मेजर लीगमध्येही खेळण्याचा अनुभव आहे. या वर्षी चांगल्या फॉर्मात असूनही तो आयपीएल 2025 पूर्वी झालेल्या मेगा ऑक्शनमध्ये अनसोल्ड ठरला होता. आता बदली खेळाडू म्हणून 2.2 कोटी रुपयांना त्याला सीएसकेनं करारबद्ध केलं आहे.
