टीम इंडियाचा लेग स्पिनर युजवेंद्र चहल (Yuzvendra Chahal) आणि त्याची पत्नी धनश्री वर्मा (Dhanashree Verma) यांच्यात घटस्फोट होणार असल्याची सध्या चर्चा सुरु आहे. या दोघांनीही एकमेकांना सोशल मीडियावर अनफॉलो केलंय. तसंच काही पोस्टमधून त्याबाबतचे संकेत दिले आहेत. त्यापाठोपाठ टीम इंडियाकडून खेळलेल्या आणखी एका क्रिकेटपटूचा घटस्फोट होणार असल्याची चर्चा सध्या सुरु झाली आहे.
('NDTV मराठी' चं अधिकृत व्हॉट्सअ‍ॅप चॅनल जॉईन करा )
टीम इंडियाचा मिडल ऑर्डरमधील बॅटर मनिष पांडेच्या घटस्फोटाची चर्चा सध्या सुरु आहे. चहल आणि धनश्री किंवा यापूर्वी हार्दिक आणि नताशा यांच्या घटस्फोटाशी चर्चेला सुरुवात झाली होती, तशीच मनिष पांडेच्या घटस्फोटाची चर्चा सुरु झाली आहे.
मनिष आणि त्याची पत्नी अर्शितानं इन्स्टाग्रामवर एकमेकांना अनफॉलो केलं असल्याचं वृत्त माध्यमांनी दिलं आहे. मॉडेल आणि अभिनेत्री असलेल्या अर्शिता शेट्टीबरोबर मनिषचं डिसेंबर 2019 मध्ये लग्न झालं होतं. गेल्या वर्षी जूनपासून अर्शिताच्या सोशल मीडियावर मनिषचा एकही फोटो नाही. तर मनिषनं देखील सोशल मीडियावरुन अर्शिताचे फोटो डिलिट केले आहेत. गेल्या काही दिवसांपासून ते दोघं एकत्रही दिसले नव्हते.
विराटशी जवळचं नातं
विराट कोहलीच्या नेतृत्त्वाखाली टीम इंडियानं अंडर 19 वर्ल्ड कप जिंकला होता. त्या टीमचा मनिष सदस्य होता. विराट आणि मनिष रॉयल चॅलेंजर्स बंगळुरुकडून एकत्र खेळले आहेत. या दोघांनी आरसीबीकडूनच आयपीएलमध्ये पदार्पण केलं. मनिष पांडे आयपीएलमध्ये सेंच्युरी करणारा पहिला भारतीय आहे. कर्नाटकच्या रणजी टीमचाही तो कॅप्टन होता. पण, त्याची आंतरराष्ट्रीय कारकिर्द फार बहरली नाही.
( नक्की वाचा : घटस्फोटाच्या चर्चेत Yuzvendra Chahal च्या पोस्टमधून भविष्याचे संकेत! म्हणाला, खरं असेल किंवा..)
मनिषनं टीम इंडियाकडून 29 वन-डे आणि 39 T20 मॅच खेळल्या आहेत. तो 2021 साली शेवटचा आंतरराष्ट्रीय सामना खेळला होता. मनिष वेगवेगळ्या आयपीएल टीमकडूनही खेळला आहे. तो आगामी सिझनमध्ये कोलकाता नाईट रायडर्सकडून खेळणार आहे. त्याचा क्रिकेट कारकिर्दीमध्येही बॅड पॅच सुरु आहे. यावर्षीच्या विजय हजारे ट्रॉफीसाठी निवडलेल्या कर्नाटक टीममध्ये त्याचा समावेश नव्हता.
