बँकेत किती पैसे जमा झाले? थर्ड अंपायरच्या निर्णयावर फॅन्स संतापले! कॅप्टननं व्यक्त केली जाहीर नाराजी

WI vs AUS, Umpiring Controversy : वेस्ट इंडिज विरुद्ध ऑस्ट्रेलिया यांच्यात बार्बाडोसमध्ये झालेल्या पहिल्या टेस्टमध्ये यजमान टीमचा 159 रन्सनं पराभव झाला. या टेस्टमध्ये दक्षिण आफ्रिकन थर्ड अंपायर एड्रियन होल्डस्टॉक यांनी दिलेल्या खराब निर्णयांमुळे वातावरण चांगलंच तापलं आहे. अंपायरच्या बँक खात्याची चौकशी करा, अशी मागणी फॅन्सकडून होतीय. तर वेस्ट इंडिजचा नवोदित टेस्ट कॅप्टन रोस्टन चेसनंही खराब अंपायरिंगवर जाहीर नाराजी व्यक्त केली. या संशयास्पद निर्णयाचा निकालावर परिणाम झाल्याचं त्यानं मॅचनंतर सांगितलं. 

('NDTV मराठी' चं अधिकृत व्हॉट्सअ‍ॅप चॅनल जॉईन करा )

कोणत्या निर्णयावर वाद?

वेस्ट इंडिज विरुद्ध ऑस्ट्रेलिया यांच्यातील बार्बाडोस टेस्टमधील दुसऱ्या दिवशी एक-दोन नाही तर चार निर्णयांवर आक्षेप घेतला जात आहे. यापैकी सर्वाधिक आक्षेप हा वेस्ट इंडिजचा बॅटर शाई होपला आऊट दिल्यानंतर झाला. होप 48 रन्सवर खेळत असताना ऑस्ट्रेलियन विकेट किपर ॲलेक्स कॅरी त्याचा कॅच घेतल्याचा दावा केला.

The first is not out and the other two are out

West Indies robbed in daylight by 3rd umpire Adrian Holdstock

Never seen worse umpiring decisions in the last 10 years or so with technology available

Unacceptable pic.twitter.com/6DSC9HM1OJ

— Middle Class Chandler (@MC_Chandler01) June 26, 2025

फील्ड अंपायर्सनी टीव्ही अंपायर होल्डस्टॉक यांच्याकडे तो रिव्ह्यू करण्यासाठी पाठवला, ज्यात रिप्लेमध्ये स्पष्ट दिसले की बॉल कॅरीच्या हातात असताना जमिनीला स्पर्श करत होता. पण त्यानंतरही होल्डस्टॉकनं होप आऊट असल्याचा निर्णय दिला. वेस्ट इंडिजचे कोच डॅरेन सॅमीनं या निर्णयावर ड्रेसिंग रुममध्ये जोरदार नाराजी व्यक्त केली. 

चेस काय म्हणाला? 

या मॅचनंतर बोलताना चेसनं खराब अंपायरिंगवर निराशा व्यक्त केली. तो म्हणाला, 'हा सामना माझ्या आणि संघासाठी निराशाजनक होता, कारण आम्ही ऑस्ट्रेलियाला तुलनेने कमी धावसंख्येवर बाद केले होते. आम्ही याबद्दल खूप आनंदी होतो. परंतु त्यानंतर सामन्यात अनेक संशयास्पद निर्णय झाले आणि त्यापैकी कोणताही आमच्या बाजूने गेला नाही. एक खेळाडू म्हणून, तुम्ही मैदानावर असता, तुम्ही आपले सर्वोत्तम देता, तुम्ही संघर्ष करता आणि त्यानंतर काहीही तुमच्या बाजूने होत नाही. हे त्रासदायक असते.'

( नक्की वाचा : IPL 2026 : 'या' 2 खेळाडूंच्या बदल्यात सीएसकेकडून खेळणार संजू सॅमसन! दोन्ही फ्रँचायझीमध्ये चर्चा सुरु )
 

चेसनं यावेळी काही महत्त्वाच्या निर्णयाचा उल्लेख केला. त्यामध्ये तो स्वत: आणि शाही होपच्या वादग्रस्त विकेटचा समावेश होता. 'मी आणि शाई होप चांगली बॅटिंग करत होतो आणि त्यानंतर आमच्याविरुद्ध काही संशयास्पद निर्णय झाले. यामुळे आम्ही ऑस्ट्रेलियाने केलेल्या एकूण धावसंख्येवर मोठी आघाडी घेण्यास अपयशी ठरलो. साहजिकच, त्या निर्णयांबद्दल कुणीही वाईट किंवा दुःखी वाटेल. तुम्ही जिंकण्यासाठी खेळत आहात, आपले सर्वोत्तम देत आहात आणि असे वाटते की प्रत्येकजण तुमच्या विरोधात आहे.'

या चुकांसाठी संबंधितांवर दंडात्मक कारवाई करावी, अशी मागणी चेसनं केली आहे. तो म्हणाला, 'हे निराशाजनक आहे, कारण खेळाडू म्हणून, जेव्हा आम्ही मोठी चूक करतो, तेव्हा आम्हाला कठोर शिक्षा केली जाते. परंतु मॅच अधिकाऱ्यांसोबत असे कधीच होत नाही. ते फक्त चुकीचे निर्णय घेतात किंवा संशयास्पद निर्णय घेतात आणि त्यांचे आयुष्य सुरु राहते. एक चुकीचा निर्णय एखाद्या खेळाडूचे करिअर घडवू किंवा बिघडवू शकतो, ' असं त्यानं सांगितलं.

( नक्की वाचा : IND vs ENG : पहिल्या टेस्टमधील पराभवानंतर टीम इंडियात बदल, 'या' खेळाडूची हकालपट्टी )
 

क्रिकेट फॅन्सनीही या निर्णयावर जोरदार नाराजी व्यक्त केली आहे.

I'm actually 100% serious this third umpire needs removing from this game NOW, Carey has so obviously grassed that and surprise surprise the Aussies are cheating, same old 👍

— Alasdair 🇳🇦🇳🇿 (@Alasdair333) June 26, 2025

This third umpire's bank statements need checking

— ⛷️ (@stokaljona) June 26, 2025

अंपायर्सना किती पैसे मिळाले? त्यांचं बँक खाते तपासा अशी मागणी युझर्सनं केली आहे.