Jannik Sinner Win Wimbledon 2025 : ‘विम्बल्डन’चा नवा किंग यानिक सिनर! विजेतेपदानंतर पैशांचा पाऊस, किती मिळाले बक्षीस?

 Jannik Sinner beats Carlos Alcaraz: वर्षातील तिसऱ्या ग्रँड स्लॅम विम्बल्डनच्या पुरुष एकेरीचा अंतिम सामना कार्लोस अल्काराझ आणि यानिक सिन्नर यांच्यात झाला. इटलीच्या सिन्नरने 24 वेळा ग्रँड स्लॅम विजेता नोवाक जोकोविचचा पराभव करून अंतिम फेरीत प्रवेश केला आणि तो अंतिम फेरीतही जिंकण्यात यशस्वी झाला. त्याने कार्लोस अल्काराझचा4-6, 6-4, 6-4, 6-4असा पराभव केला. यासह, तो पहिल्यांदाच विम्बल्डन जिंकण्यात यशस्वी झाला.

यानिक सिन्नरचा दमदार विजय

अंतिम सामन्यात सिन्नरने शानदार कामगिरी केली आणि तो टेनिस जगताचा उदयोन्मुख स्टार का मानला जातो हे दाखवून दिले. सामन्याच्या सुरुवातीला अल्काराझने पहिला सेट 6-4 असा जिंकून आघाडी घेतली, परंतु त्यानंतर सिन्नरने आपला खेळ बदलला आणि उर्वरित तीन सेटमध्ये त्याच्या दमदार सर्व्हिस आणि ग्राउंड स्ट्रोकने अल्काराझचा पराभव केला. यानिक सिन्नरने सलग तीन गेम जिंकून जेतेपद पटकावले. त्याच्या कारकिर्दीतील हा चौथा ग्रँड स्लॅम आहे.

S1NNER 🏆

World No.1 Jannik Sinner defeats Carlos Alcaraz to claim his first Wimbledon title 🇮🇹 pic.twitter.com/s9wjDI1gZS

— Wimbledon (@Wimbledon) July 13, 2025

सिन्नरचा अंतिम फेरीत पोहोचेपर्यंतचा प्रवास रोमांचक होता. उपांत्य फेरीत त्याने 24 वेळा ग्रँड स्लॅम विजेता नोवाक जोकोविचला हरवून अंतिम फेरीत प्रवेश केला, जो त्याच्यासाठी एक मोठा पराक्रम होता. जोकोविचविरुद्धच्या विजयामुळे सिनरला आत्मविश्वास मिळाला आणि त्याने अंतिम फेरीतही तोच फॉर्म कायम ठेवला. गेल्या वर्षी विम्बल्डन विजेता असलेल्या अल्काराजनेही उत्कृष्ट खेळ केला, परंतु सिनरची रणनीती आणि संयम त्याला मागे टाकले.

सिनरला इतके कोटींचे बक्षीस मिळाले

विम्बल्डन 2025 पुरुष एकेरी विजेतेपद जिंकल्याबद्दल यानिक सिनरलाही मोठी बक्षीस रक्कम मिळाली. यानिक सिनरला 3,000,000 पौंड देण्यात आले. जर भारतीय चलनात रूपांतरित केले तर ही रक्कम 34 कोटी रुपयांपेक्षा जास्त आहे. दुसरीकडे, कार्लोस अल्काराजलाही मोठी बक्षीस रक्कम देण्यात आली. त्याला उपविजेता म्हणून १,५२०,००० पौंड मिळाले, जे भारतीय रुपयांमध्ये सुमारे 17 कोटी रुपये आहे.