Auto Drive Viral Video : सामान्य माणसाला संसाराचा गाडा हाकताना किती संघर्ष करावा लागतो, हे अनेकांना महितच आहे. आयुष्यात होणाऱ्या चढ-उतारांना सामोरे जाऊन ही माणसं कुटुंबीयांच्या पाठीशी खंबीरपणे उभी राहतात. खासगी कंपनीत म्हणजेच कॉर्पोरेटमध्ये काम करणाऱ्या लोकांनाही वेगवेगळ्या अनुभवांना सामोरं जावं लागतं. पण बंगळुरुतील एका सामान्य रिक्षाचालकाने असं काही केलं आहे,ज्यांचा व्हिडीओ पाहून अनेकांच्या भुवया उंचावल्या आहेत. राकेश असं या रिक्षाचालकाचं नाव असून त्याने इन्स्टाग्रामवर एक प्रेरणादायी व्हिडीओ शेअर केला आहे.
व्हिडीओ शेअर करत राकेशनं म्हटलंय की,कॉर्पोरेट नोकरी सोडून ऑटो-रिक्शा चालवण्याचा निर्णय घेतला. एक काळ असा होता जेव्हा स्वतःला खूप हरवल्यासारखं वाटत होतं.भयावह परिस्थिती असतानाही त्यावर मात करून योग्य मार्ग निवडला.पैसा महत्त्वाचा आहे,पण जीवनाचा खरा उद्देश शोधणे, हे त्यापेक्षाही महत्त्वाचं आहे. तुमच्यासमोर अनेक आव्हानं येतील, पण घाबरू नका आणि स्वत:ला ओळखण्याचं धैर्य ठेवा.
नोकरी सोडून रिक्षा चालवण्याचा निर्णय का घेतला?
बेंगळुरूतील ऑटोचालक राकेश यांनी आपल्या आयुष्यात केलेल्या बदलांबाबत इंस्टाग्रामवर पोस्ट शेअर केली आहे.पूर्वी ते कॉर्पोरेट नोकरी करत होते, पण आता ऑटो-रिक्शा चालवत आहेत.राकेश यांनी सांगितले की. एक वेळ अशी आली होती जेव्हा त्यांना वाटले की त्यांचे आयुष्य संपत आहे आणि त्यांना कोणताही मार्ग दिसत नव्हता.मात्र या भीतीवर मात करून त्यांनी आपल्या कम्फर्ट झोनच्या बाहेर पडण्याचा निर्णय घेतला.आयुष्य मला हरवू शकत नाही, मी येणाऱ्या प्रत्येक आव्हानाला सामोरे जाईन, असं त्यांचं म्हणणं आहे.
नक्की वाचा >> रॅपिडो बाईकवर प्रवासाला निघाली, तरुणीसोबत रस्त्यातच घडली भयंकर घटना..Viral Video पाहून सर्वच थक्क
व्हिडीओ व्हायरल होताच राकेशच्या निर्णयाचं नेटकऱ्यांकडून स्वागत
राकेश यांचा हा व्हिडिओ इंस्टाग्रामवर व्हायरल झाला आहे. व्हिडीओ पाहून यूजर्सने राकेशच्या या निर्णयाचं स्वागत केलं आहे. राकेशची स्टोरी ही खूप प्रेरणादायी असल्याचं काही नेटकऱ्यांचं म्हणणं आहे एका यूजरने म्हटलंय की, “मी एमबीए केले आहे आणि आता ड्रायव्हर आहे. तुमची कहाणी मी समजू शकतो.राकेश आपल्या अनुभवातून सांगतात की बदल भीतीदायक वाटतो,पण कधी कधी तोच बदल तुम्हाला खरा आनंद आणि समाधान देऊ शकतो.
