Amul Store Business Idea: जर तुम्हीही नोकरीला कंटाळला असाल आणि स्वतःचा बिझनेस सुरु करण्याचा प्लॅन करत असाल तर अमूलने तुमच्यासाठी एक जबरदस्त ऑफर आणली आहे. ज्या अमूलचे दूध पिऊन तुम्ही मोठे झालात आता तेच अमूल तुम्हाला फ्रँचायझीद्वारे पैसे कमविण्याची संधी देत आहे. काय आहे अमूलची ऑफर? कशमी मिळवायची फ्रेंचायझी आणि तुम्ही किती नफा कमवू शकता? जाणून घ्या सविस्तर...
फक्त 2.6 लाखांमध्ये सुरुवात, काय आहे बिझनेस आयडिया?
आजकाल, एक साधी चहाची टपरी उघडण्यासाठी लाखो रुपये खर्च येतो, परंतु अमूलसोबत व्यवसाय सुरू करण्यासाठी मोठ्या रकमेची आवश्यकता नाही. तुम्ही २ लाख ते ६ लाख रुपयांच्या गुंतवणुकीसह तुमचे स्वतःचे आउटलेट उघडू शकता. अमूल दोन मुख्य प्रकारच्या फ्रँचायझी देते, ज्यामध्ये तुमच्या पसंतीचे आऊटलेट किंवा आईस्क्रीम स्कूपिंग पार्लर असे पर्याय आहेत.
अमूल आउटलेट: फक्त २ लाख ते २.६ लाख रुपये गुंतवा. १००-१५० चौरस फूट जागा आणि कामाला सुरुवात. यामध्ये २५,००० ची परतफेड करण्यायोग्य सुरक्षा ठेव, १ लाख नूतनीकरण खर्च आणि ७५,००० चा साहित्य खरेदीचा खर्च समाविष्ट आहे.
आईस्क्रीम स्कूपिंग पार्लर: दुसरा पर्याय म्हणजे आईस्क्रीम स्कूपिंग पार्लर: जर तुमच्याकडे ६ लाख आणि मोठी जागा असेल, तर तुम्ही लक्झरी आईस्क्रीम पार्लर उघडू शकता. यामध्ये ५०,००० सुरक्षिततेसाठी वापरले जातात आणि उर्वरित रक्कम दुकानाच्या सजावटीसाठी आणि यंत्रसामग्रीसाठी वापरली जाते.
VIDEO: रुम नव्हे डंपिग ग्राऊंड! गेमिंगच्या नादात तो 2 वर्ष बाहेर पडलाच नाही, खोलीची अशी भयाण अवस्था
उत्पन्न आणि नफा:
अमूलबद्दलची सर्वात चांगली गोष्ट म्हणजे तुम्हाला कोणतीही रॉयल्टी किंवा नफ्याचा वाटा द्यावा लागणार आहे. तुम्ही जितके जास्त विक्री कराल तितका जास्त नफा तुम्हाला मिळेल. शिवाय अमूलचा दावा आहे की जर तुमचे दुकान योग्य ठिकाणी असेल तर तुम्ही दरमहा ४०,००० ते १.५ लाख पर्यंत कमाई करू शकता.
उत्पादनांवर कमिशन:
दुधाचे पाऊच: २.५%
दुधाचे पदार्थ (पनीर, तूप, बटर): १०%
आईस्क्रीम: २०%
रेसिपी-आधारित वस्तू (शेक, सँडविच): ५०% पर्यंत
Kalyan News: 2 तरुणी 1 तरूण अन् दारू पार्टी! नशेत रस्त्यावरच जोरदार तमाशा, Video Viral
अमूल फ्रँचायझी कशी मिळवायची?
जर तुम्हाला अमूल फ्रँचायझी मिळवायची असेल, तर प्रक्रिया खूप सोपी आहे. अर्ज करण्यासाठी, फक्त अमूलच्या अधिकृत वेबसाइट www.amul.com ला भेट द्या. अमूलच्या नावाखाली तुमची फसवणूक करणाऱ्या अनेक बनावट वेबसाइट्स ऑनलाइन आहेत. अमूल कधीही ऑनलाइन नोंदणीच्या नावाखाली तुमच्याकडून पैसे मागत नाही. अर्ज करताना, तुमचे आधार कार्ड, पॅन कार्ड, दुकानाची कागदपत्रे किंवा भाडे करार आणि बँक तपशील मागितले जातील.
