Cab Driver Harassed Women: कल्पना करा की तुम्ही कॅब बुक करून कुठेतरी प्रवास करत आहात, आणि ड्रायव्हर तुमच्याशी चुकीच्या पद्धतीने बोलू लागतो आणि जर तुम्ही ऐकले नाही तर तुमचा मार्ग बदलण्याची धमकी देतो. जर असे कोणासोबत घडले तर घाबरणे स्वाभाविक आहे. असाच धक्कादायक प्रकार हैदराबादमधील एका महिलेसोबत घडला आहे. या महिलेने सोशल मीडियावर हा धक्कादायक प्रकार सोशल मीडियावर मांडला आहे, ज्यावर नेटकऱ्यांनी जोरदार प्रतिक्रिया दिल्यात.
तु मुस्लिम आहेस का?
ही महिला तिच्या एका मैत्रिणीच्या वाढदिवसाच्या पार्टीवरून घरी परतत होती. या प्रवासावेळी तिला कॅब चालकाचा धक्कादायक अनुभव आला. महिलेने लिहिले की ती कॅबमध्ये चढताच ड्रायव्हरने अचानक विचारले, "तू मुस्लिम आहेस का?" तिने "हो" असे म्हणताच ड्रायव्हरने तिचे कौतुक केले आणि म्हटले, "तू खूप सुंदर आहेस. सुरुवातीला ही एक कॉम्प्लिमेंट म्हणून महिलेने त्याकडे दुर्लक्ष केले, मात्र ही एका धोकादायक भेटीची सुरुवात होती.
VIDEO: रात्रीचे 11.45 वाजता बाईकची चेन तुटली, अंधारात 'ती' अन् रॅपिडो रायडर, पुढे जे घडलं...
काही मिनिटांनंतर, ड्रायव्हरने कॅब त्याच्या नियोजित मार्गावरून गाडी चौकीकडे वळवली. त्या महिलेला वाटले की हा एक शॉर्टकट असू शकतो, म्हणून तिने लगेच प्रतिक्रिया दिली नाही. पण नंतर ड्रायव्हर अचानक म्हणाला, "मॅडम, मला तुमच्याशी लग्न करायचे आहे, मला तुम्ही खूप आवडतात. धक्कादायक म्हणजे त्याने हा माझा एरिया आहे, इथून तुम्ही माघारी जाऊ शकत नाही, अशी धमकीही त्याने दिली.
रस्ता बदलला, धमकी दिली...
घाबरलेल्या महिलेने ताबडतोब तिचे लाईव्ह लोकेशन तिच्या मैत्रिणींना पाठवले आणि पोलिसांना संपर्क साधला. सुदैवाने, तिच्या एका मैत्रिणीने मीडियाशी संपर्क साधला, ज्याने लगेचच ही बाब अधिकाऱ्यांच्या लक्षात आणून दिली. पोलिसांनी कॅबचे लोकेशन ट्रॅक केले आणि एक टीम घटनास्थळी पोहोचली. महिलेला लवकरच कारमधून सुरक्षितपणे बाहेर काढण्यात आले आणि तिची सुरक्षितता सुनिश्चित करण्यात आली.
महिलेच्या पोस्टनुसार, ड्रायव्हरचे नाव शेख मुजाहिद होते, तो मूळचा बर्माचा असून गेल्या सहा वर्षांपासून हैदराबादमध्ये राहत होती. महिलेने चिंता व्यक्त केली की अनेक बाहेरील आणि बेकायदेशीर लोक सरकारी अनुदानाचा वापर करून सहजपणे टॅक्सी आणि ऑटो खरेदी करत आहेत. तिने म्हटले आहे की असे ड्रायव्हर्स महिलांचे ठिकाण, घराचे पत्ते आणि कार्यालये सहजपणे जाणून घेतात, ज्यामुळे धोका आणखी वाढतो.
Virat Kohli: विराटच्या स्वागतासाठी आलेला निळ्या सुटातील 'तो' कोण? तुम्ही ओळखलं का?
