Bridegroom Returned 31 Lakh Dowry: अनेकदा एखाद्या लग्नात असा एखादा क्षण येतो, ज्यामुळे केवळ कुटुंबाचाच नाही तर संपूर्ण समाजाचा दृष्टिकोन बदलण्याची ताकद असते. उत्तर प्रदेशातील मुजफ्फरनगरमध्ये एका लग्नात असंच काहीसं घडलं आहे. या नवरदेवाने प्रेम, इज्जत आणि माणुसकी या गोष्टी हुंड्याहून मोठ्या मानल्या. अनेकदा सकारात्मक बदल शांतपणे उचललेल्या पावलांनाही होऊ शकतो, हे या घटनेने स्पष्ट होतं.
लग्नातील भावुक करणारा क्षण (groom returns dowry)
लग्नात नवरीच्या मंडळींकडून नवऱ्याला औक्षण केलं जात होतं. यावेळी त्यांनी एका ताटात ३१ लाख रुपये रजून ठेवले होते. नवरी आदिती सिंह हिच्या वडिलांचं कोरोनामध्ये निधन झालं. यानंतर खूप कष्ट करून मुलीच्या लग्नासाठी ही रक्कम जमा करण्यात आली होती. नवरदेवाला पैशांनी भरलेलं ताट देण्यासाठी पुढे करण्यात आलं. त्यावेळी नवरदेव अवधेश राणा याने वाकून पैशांनी भरलेल्या ताटाकडे पाहिलं आणि हसून असे काही शब्द उच्चारले ज्यानंतर संपूर्ण मंडपात शांतता पसरली. नवरदेव म्हणाला, यावर माझा हक्क नाही. ही आदितीच्या वडिलांच्या आयुष्यभराची कमाई आहे. मी है पैसे घेऊ शकत नाही. त्याचे हे शब्द ऐकून नवरीकडील मंडळी स्तब्ध झाली. यानंतर हळूहळू मंडपातील वातावरणचं बदलून गेलं. कोणी टाळ्या वाजवत नवरदेवाचं कौतुक केलं. हा क्षण म्हणजे वर्षानुवर्षे सुरू असलेल्या हुंडा या कुप्रथेवर थेट प्रहार होता.
नक्की वाचा - Marriage : लग्नाच्या झगमगाटात आदर्श कहाणी, एक रुपयाही खर्च नाही; 2 न्यायाधीशांनी अस्सं दिलं एकमेकांना वचन
नवरीच्या चेहऱ्यावर आनंद...
नवरदेवाच्या कुटुंबाने मुलाच्या निर्णयाचं समर्थन केलं. यानंतर लग्नाचं वातावरण अधिक आनंददायी झालं. नवरीच्या पाठवणीची वेळ आली तेव्हा अदितीच्या चेहऱ्यावरील आनंदावरुन लक्षात येतं की तिला फक्त नवराच नाही तर तिचा आदर करणारं कुटुंब सापडलं आहे. गावकऱ्यांनी म्हटलं क, अवधेशने हात जोडून हुंड्याचे पैसे परत केले, हा विषय केवळ जिल्हाच नाही तर देशभरात चर्चेत आहे. हे केवळ लग्न नाही तर हुंड्याच्या दृष्ट प्रथेला प्रत्युत्तर आहे. अवधेश-अदिती जोडपे आता फक्त पती-पत्नी नाही तर समाजाला एक नवीन दिशा दाखवणारे उदाहरण आहे.
