- इराणच्या माध्यमांनी अमेरिकेची अत्याधुनिक एफ-35 आणि एफ-15ई लढाऊ विमाने पाडल्याचा दावा केला आहे
- अमेरिकेने एफ-15ई विमान सुरक्षित असल्याचे स्पष्ट केले आहे. मात्र एफ-35 विमानाबाबत काही सांगितले नाही
- इराणने अमेरिकेच्या पायलटला बंदी केली असल्याची माहिती दिली आहे
इराण आणि अमेरिका यांच्यातील तणाव शिगेला पोहोचला आहे. इराणच्या प्रसारमाध्यमांनी अमेरिकेची दोन अत्याधुनिक लढाऊ विमाने F-35 आणि F-15E पाडल्याचा खळबळजनक दावा केला आहे. इतकेच नव्हे तर, रिव्होल्युशनरी गार्ड्सनी एफ-35 विमानाचा पायलट इराणच्या हद्दीत उतरल्यानंतर त्याला बंदी बनवल्याचेही वृत्त 'तसनीम' या वृत्तसंस्थेने दिले आहे. या दाव्यांवर अमेरिकेने आपली भूमिका स्पष्ट करताना एफ-15 ई विमान सुरक्षित असल्याचे म्हटले असून इराणचा दावा फेटाळला आहे.
मात्र, अत्यंत प्रगत मानल्या जाणाऱ्या एफ-35 विमानाबाबत अमेरिकेने अद्याप मौन बाळगले आहे. जर इराणचा दावा सत्य ठरला, तर अमेरिकेच्या लष्करी तंत्रज्ञानावर आणि 'अपराजेय' असण्याच्या प्रतिमेवर मोठे प्रश्नचिन्ह उपस्थित होऊ शकते. पायलट ताब्यात असल्याच्या वृत्तामुळे दोन्ही देशांमध्ये पडद्यामागून हालचाली सुरू झाल्याची चर्चा आहे. अमेरिकेला आपला पायलट सार्वजनिकरीत्या शत्रूच्या ताब्यात असल्याचे स्वीकारणे जड जाऊ शकते. अशा परिस्थितीत, ट्रम्प प्रशासनावर युद्ध थांबवण्यासाठी दबाव आणण्यासाठी इराण या परिस्थितीचा 'बार्गेनिंग चिप' म्हणून वापर करण्याची शक्यता नाकारता येत नाही.
एफ-35 हे जगातील सर्वात प्रगत आणि महागड्या विमानांपैकी एक मानले जाते. आतापर्यंत कोणत्याही युद्धात अमेरिकेचा पायलट अशा प्रकारे बंदी बनवण्यात आलेला नाही. जर ही बातमी खरी असेल, तर हा अमेरिकेसाठी सर्वात मोठा झटका मानला जाईल. अमेरिकेने आपले एक विमान सुरक्षित असल्याचे म्हटले असले तरी, दुसऱ्या विमानाबाबतची शांतता संशयाला जागा देत आहे. पायलटला सोडवण्यासाठी आता दोन्ही देशांत गुप्तपणे चर्चा सुरू असल्याचं सांगितलं जात आहे. ट्रम्प सरकारवर युद्ध संपवण्यासाठी इराण या पायलटचा वापर करून दबाव टाकू शकतो. जर ही चर्चा यशस्वी झाली, तर हे भीषण युद्ध लवकरच संपण्याची चिन्हे आहेत.
एफ-22 रॅप्टरनंतर एफ-35 हे अमेरिकेचे सर्वात शक्तीशाली विमान मानले जाते. या विमानाला पाडणे हे तांत्रिकदृष्ट्या अत्यंत कठीण काम आहे. अमेरिकेने एफ-15 ई बाबतचा दावा फेटाळला असला तरी एफ-35 बाबत अद्याप कोणतीही अधिकृत माहिती दिलेली नाही. जर ही घटना घडली असेल, तर अमेरिकेच्या हवाई दलाच्या वर्चस्वाला हे मोठे आव्हान ठरेल. पायलटच्या मुद्द्यावरून दोन्ही देशांमध्ये राजनैतिक पातळीवर चर्चा सुरू असल्याचे संकेत मिळत आहेत. दोन्ही बाजूंनी यावर सार्वजनिक भाष्य टाळणे, हे तणाव कमी करण्याच्या प्रयत्नांचा भाग असू शकते. इराण या परिस्थितीचा वापर करून युद्धविरामासाठी ट्रम्प प्रशासनाकडे आपली मागणी लावून धरू शकतो.
