45,000 Bananas Smuggling: नेपाळच्या लुंबिनी प्रांतात सुमारे 27.8 लाख रुपयांच्या केळ्यांची तस्करी केल्याप्रकरणी दोन भारतीय तरुणांना अटक करण्यात आली आहे. सीमा शुल्क न भरता पिकअप व्हॅन आणि बाइकच्या मदतीने ही केळी नेपाळमध्ये आणण्यात आली होती. पोलिसांनी बर्दिया जिल्ह्यातील एका गोदामावर छापा टाकून हजारो डझन कच्चे केळी जप्त केली आहेत.
हजारो डझन केळ्यांची तस्करी
नेपाळच्या लुंबिनी परिसरात सुमारे 27.8 लाख रुपये किमतीच्या जवळपास 45,000 केळ्यांची कथित स्वरूपात तस्करी केल्याप्रकरणी सोमवारी (8 जून) दोन भारतीय नागरिकांना अटक करण्यात आली.
उत्तर प्रदेशातील दोन तरुणांना अटक
पोलिसांनी दिलेल्या माहितीनुसार, उत्तर प्रदेशचे रहिवासी असलेले कलीम खान (वय 20 वर्ष) आणि रिझवान अन्सारी (वय 22 वर्ष) या दोघांना सीमा शुल्क (कस्टम ड्युटी) न भरता बेकायदेशीर मार्गाने केळी या हिमालयी देशात आणल्याच्या आरोपाखाली अटक करण्यात आली आहे.
एका मोहिमेदरम्यान पोलिसांनी बर्दिया जिल्ह्यातील एका भाड्याच्या गोदामातून 3,790 डझन कच्ची केळी जप्त केली. पोलिसांनी या मालाची तस्करी करण्यासाठी वापरण्यात आलेल्या दोन पिकअप व्हॅन आणि एक बाइकही जप्त केली आहे.
(नक्की वाचा : IPS Riti Raj: अल्पवयीन मुलं, बनावट बिलं आणि काळे धंदे! लेडी सिंघमची मर्दानी कारवाई, सेक्स रॅकेटचा केला पर्दाफाश)
पोलिसांच्या म्हणण्यानुसार, तस्करी करून आणलेल्या या केळ्यांची किंमत सुमारे 44.4 लाख नेपाळी रुपये (भारतीय चलनानुसार जवळपास 27.8 लाख रुपये) आहे. जप्त करण्यात आलेली केळी बर्दिया येथील राजापूर सीमा शुल्क कार्यालयाकडे सुपूर्द करण्यात आली आहेत.
(Content Source PTI)
