बाबा सिद्दिकी यांच्या निधनाने राजकीय आणि सिनेसृष्टीवर शोककळा पसरली आहे. बाबा सिद्दिकी यांच्या हत्येची बातमी ऐकून सर्वांनाच धक्का बसला आहे. दसऱ्याच्या दिवशी संध्याकाळी बाबा सिद्दीकी यांच्यावर 3 शूटर्सनी एकामागून एक 6 गोळ्या झाडल्या. मुंबई पोलिसांना दोन शूटर्सना सापडले, तर तिसरा शूटर अद्याप फरार आहे. दरम्यान, अटक करण्यात आलेल्या दोन्ही शूटर्सच्या कुटुंबीयांचे जबाब समोर आले आहेत.
( 'NDTV मराठी' चं अधिकृत व्हॉट्सअ‍ॅप चॅनल जॉईन करा )
बाबा सिद्दिकींवर हल्ला करणारे शुटर्स कोण?
मीडिया रिपोर्ट्सनुसार, बाबा सिद्दीकी यांच्यावर गोळीबार करणाऱ्या तीन शूटर्सची ओळख पटली आहे. पहिला नेमबाज गुरमेल सिंग हा हरियाणाचा, तर दुसरा नेमबाज धर्मराज कश्यप हा उत्तर प्रदेशचा आहे. याशिवाय घटनेनंतर फरार झालेला तिसरा शूटर शिवकुमार उर्फ शिवा गौतम हा देखील उत्तर प्रदेशच्या कैसरगंजचा रहिवासी आहे.
(नक्की वाचा- Baba Siddique बाबा सिद्दीकींच्या हत्येसाठी कितीची सुपारी? प्रत्येकाला मिळणार होते...)
बाबा सिद्दीकी हत्याकांड : तीसरे आरोपी शिवा की मां ने NDTV से की बातचीत में क्या कहा... #BabaSiddique | #CrimeNews pic.twitter.com/4ysRTSfdTv
— NDTV India (@ndtvindia) October 13, 2024
गुरमेलच्या कुटुंबाचा त्याच्याशी 11 वर्षांपासून कोणताही संबंध नाही. गुरमेलच्या कुटुंबीयांचे म्हणणे आहे की, आम्ही 11 वर्षांपूर्वीच त्याच्याशी संबंध मोडले आहेत. तो जगला किंवा मेला तरी आम्हाला त्याच पर्वा नाही. गेल्या 4 महिन्यांपासून आम्ही त्याच्याशी बोललो नाही. 23 वर्षीय गुरमेल हा 11 वर्षांपूर्वी घर सोडून गेला होता. तेव्हापासून तो हरियाणातील आपल्या गावी परतला नाही.
हत्याकांड : दूसरे आरोपी की मां ने NDTV से की बात, सुनिए क्या कहा...#BabaSiddique | #CrimeNews pic.twitter.com/YNXtYa3ZhI
— NDTV India (@ndtvindia) October 13, 2024
(नक्की वाचा- Baba Siddiqui News : 48 वर्षे काँग्रेसमध्ये, 8 महिन्यांपूर्वी अजित पवार गटात प्रवेश; कोण होते बाबा सिद्दीकी?)
दुसरा आरोपी 19 वर्षीय धर्मराज कश्यप आहे. धर्मराज कश्यपच्या आईने याबाबत सांगितलं की, आमच्या माहितीनुसार तो पुण्यात भंगार विक्रेता म्हणून काम करत होता. तो मुंबईत आला हे आम्हाला माहीतच नव्हतं. होळीच्या दिवशी तो शेवटचा घरी आला होता. तेव्हापासून तो घरी परतलाच नाही. त्याचा कधी फोन देखील आला नाही. माझ्या मुलीची तब्येत खराब असताना त्याने 3000 रुपये पाठवले होते.
गुरमेल याच्यावर यापूर्वीही खुनाचा गुन्हा दाखल आहे. तर अन्य दोन आरोपींचा कोणताही गुन्हेगारी रेकॉर्ड अद्याप सापडलेला नाही, पोलीस त्याचा शोध घेत आहेत.
Track Latest News Live on Marathi.NDTV.com and get news updates from India and around the world
