CM Ladki Bahin Yojna : ‘मुख्यमंत्री माझी लाडकी बहीण' योजनेमध्ये पारदर्शकता राखण्यासाठी महाराष्ट्र शासनाने एक महत्त्वाचा निर्णय घेतला आहे. या योजनेतील सर्व पात्र महिला लाभार्थ्यांसाठी ई केवायसी करणे बंधनकारक असणार आहे. सर्व लाभार्थी भगिनींनी आजपासून पुढील 2 महिन्यांच्या आत ही प्रक्रिया पूर्ण करावी लागणार आहे.
लाडकी बहीण लाभार्थी महिलांसाठी https://ladakibahin.maharashtra.gov.in या वेब पोर्टलवर ई-केवायसी सुविधा सुरू करण्यात आली आहे. महिला व बाल विकास विभागाने जारी केलेल्या शासन परिपत्रकानुसार, आधार कायद्यातील तरतुदींनुसार या योजनेच्या लाभासाठी आधार प्रमाणीकरण करणे आवश्यक आहे. यामुळे, आता या विभागामार्फत ई-केवायसीच्या माध्यमातून लाभार्थ्यांची पडताळणी आणि प्रमाणीकरण केले जाणार आहे.
(नक्की वाचा- Mumbai-Pune Highway: मुंबई-पुणे हायवेवर कशी होतेय फसवणूक? हा Insta Video बघाच; कमेंट्सही नक्की वाचा)
मुख्यमंत्री माझी लाडकी बहीण योजना : पारदर्शकतेला सर्वोच्च प्राधान्य !
— Aditi S Tatkare (@iAditiTatkare) September 18, 2025
मुख्यमंत्री माझी लाडकी बहीण योजनेतील सर्व लाभार्थी भगिनींसाठी https://t.co/gBViSYZxcm या वेब पोर्टलवर e-KYC सुविधा उपलब्ध करून देण्यात आली आहे. योजनेच्या सर्व लाभार्थी भगिनींनी आजपासून पुढील २ महिन्यांच्या आत…
या योजनेचा उद्देश राज्यातील महिलांना आर्थिक स्वातंत्र्य मिळवून देणे आणि त्यांचे आरोग्य व पोषण सुधारणे हा आहे. या योजनेअंतर्गत पात्र महिलांना थेट लाभ हस्तांतरणाद्वारे आर्थिक मदत दिली जाते.
शासनाच्या या नवीन निर्णयानुसार, चालू आर्थिक वर्षात हे परिपत्रक जारी झाल्यापासून 2 महिन्यांच्या आत ई-केवायसी पूर्ण करणे बंधनकारक आहे. ज्या लाभार्थ्यांनी या कालावधीत आधार प्रमाणीकरण केले नाही, ते पुढील कार्यवाहीसाठी पात्र ठरतील, असेही स्पष्ट करण्यात आले आहे.
तसेच, भविष्यात दरवर्षी जून महिन्यात ही ई-केवायसी प्रक्रिया 2 महिन्यांच्या कालावधीत पूर्ण करणे आवश्यक असेल. ही प्रक्रिया अत्यंत सोपी आणि सुलभ असून, ती भविष्यातील इतर शासकीय योजनांचा लाभ घेण्यासाठीही उपयुक्त ठरेल, असं महिला व बालविकास मंत्री अदिती तटकरे यांनी ट्वीट करत म्हटलं आहे.
Track Latest News Live on Marathi.NDTV.com and get news updates from India and around the world
