- डोंबिवलीत भाजप आणि शिवसेना कार्यकर्ते आमने सामने आले होते.
- विकास म्हात्रे त्यांना कार्यक्रमात येऊ देण्यात आले नाही, यावर शिवसेना कार्यकर्ते संतप्त झाले.
- भाजप प्रदेशाध्यक्ष रवींद्र चव्हाण यांच्या समोर शिवसेना कार्यकर्त्यांनी जोरदार घोषणाबाजी.
अमजद खान
डोंबिवलीतील कुंभार खान पाडा परिसरात गणेश घाट आणि रागाई मंदिर प्रवेशद्वाराच्या उद्घाटनावेळी भाजप आणि शिवसेना (शिंदे गट) कार्यकर्ते आमने सामने आले होते. यावेळी शिवसेनेच्या विकास म्हात्रे यांच्या बॅनर का झाकला गेला? त्यांना कार्यक्रमा ठिकाणी का येऊ देत नाही? या कारणावरून संतप्त शिवसेना कार्यकर्त्यांनी भाजपा प्रदेशाध्यक्ष रवींद्र चव्हाण यांच्या समोरच जोरदार घोषणाबाजी केली. त्यामुळे इथं तणावाचं वातावरण निर्माण झालं होतं. शिवाय गोंधळ ही निर्माण झाला. याच गडबडीत कसा- बसा लोकार्पण कार्यक्रम पार पडला. भाजपा मधून शिवसेनेत गेलेले विकास म्हात्रे यांच्या प्रभागात हा प्रकार झाला.
विकास म्हात्रे यांनी भाजपा प्रदेशाध्यक्ष रवींद्र चव्हाण यांच्यावर सडेतोड टीका केली आहे. त्यामुळे मोठी राजकीय खळबळ उडाली आहे. डोंबिवलीतील कुंभार खान गणेश घाट परिसरात गणेश घाटाच्या कमानीचे लोकार्पण कार्यक्रम होता. या कार्यक्रमासाठी जोरदार तयारी करण्यात आली होती. सर्वांना याचे आमंत्रण होते. यावेळी भाजपा प्रदेशाध्यक्ष रवींद्र चव्हाण यांच्या उपस्थितीत मनसेचे तीन माजी नगरसेवक यांनी भाजपा प्रवेश केला. हा कार्यक्रम पार पडल्यानंतर रवींद्र चव्हाण कार्यकर्त्यांसोबत गणेश घाट या ठिकाणी पोहोचले.
नक्की वाचा - Navneet Rana: नवनीत राणांचे पुरूषांबाबत वादग्रस्त वक्तव्य! म्हणाल्या ते रात्री उशिरा...
मात्र या ठिकाणी त्यांना शिवसेना कार्यकर्त्यांनी घोषणाबाजी करत रोखण्याचा प्रयत्न केला. पोलिसांनी कशीबशी परिस्थिती शांत केली. कार्यक्रमानंतर रवींद्र चव्हाण निघून गेले. ज्यावेळी रवींद्र चव्हाण कार्यक्रमासाठी होते त्याच दरम्यान विकास म्हात्रे यांच्या घरी विष्णूनगर पोलीस पोहोचले. पोलिसांनी विकास म्हात्रे यांच्यासोबत चर्चा केली. विकास म्हात्रे यांच्या म्हणणं आहे की कार्यक्रमाला गालबोट लागू नये यासाठी पोलीस माझ्या घरी आले होते. मात्र पोलिसांनी विकास म्हात्रे यांना एका प्रकारे नजर कैदेत ठेवले होते असा आरोप केला आहे.
कार्यक्रमादरम्यान शिवसेना आणि भाजप कार्यकर्ते आमने-सामने आल्यानंतर राजकीय आरोप प्रत्यारोप सुरू झाले आहे याबाबत विकास मात्रे यांच्या म्हणणे आहे की विकास कामांसाठी कोणत्याही प्रकारच्या राजकारण कोणी करू नये. रवींद्र चव्हाण यांनी सहकार्याची भावना ठेवली पाहिजे. एमएमआरडीएच्या निधीतून संबंधित काम झालं आहे. हा निधी मी आणला आहे. कार्यक्रमस्थळी लावण्यात आलेले माझे बॅनर झाकले गेले. त्यामुळे आमचे कार्यकर्ते संतप्त झाले. रविंद्र चव्हाण असं का करत आहेत असा प्रश्न ही त्यांनी केला. त्यामुळे सध्या डोंबिवलीतील राजकारण तापलं आहे.
Track Latest News Live on Marathi.NDTV.com and get news updates from India and around the world
