Highest Temperature Record in History: मे महिन्यातील उष्णता यंदा नागरिकांची अग्निपरीक्षा घेत आहे. महाराष्ट्रापासून ते दिल्ली, उत्तर प्रदेश, मध्य प्रदेशापर्यंत परिस्थिती अशी आहे की दुपारच्या वेळेस रस्त्यांवर शुकशुकाट असतो. अनेक शहरांमध्ये तापमान 45°Cच्या पार पोहोचले आहे, तर काही ठिकाणी यापेक्षाही अधिक तापमान आहे. शुक्रवारी (22 मे) चंद्रपूर जिल्ह्यातील ब्रह्मपुरी येथे 47.2 अंश सेल्सिअस इतक्या कमाल तापमानाची नोंद झाली आहे. विदर्भातील तीन जिल्ह्यांत रेड अलर्ट असतानाच सोमवारपर्यंत यवतमाळ, नागपूर, चंद्रपूर या जिल्ह्यांना ऑरेंज अलर्ट जारी करण्यात आला आहे.
हवामान तज्ज्ञांच्या म्हणण्यांनुसार, येत्या काही दिवसांत काही शहरांमध्ये तापमान 47°C च्या पार जाऊ शकते. पण तुम्हाला माहीत आहे का? देशात एकेकाळी तापमानाचा पारा 50 अंश सेल्सिअस पार गेला होता. चला जाणून घेऊया भारतातील इतिहासातील ती पाच सर्वात उष्ण वर्षे कोणती होती, जेव्हा सूर्य अक्षरशः आग ओकत होता आणि कोणत्या शहरांमध्ये त्याची तीव्रता मोठ्या प्रमाणात जाणवली होती.
भारताच्या इतिहासातील 5 सर्वात उष्ण वर्षे आणि शहरे
1. वर्ष 1956
आजपासून सुमारे 70 वर्षांपूर्वीही राजस्थान राज्याने अशी उष्णता पाहिली होती, जी लोक आजपर्यंत लक्षात ठेवतात. वर्ष 1956 मध्ये अलवरचे तापमान 50.6°C नोंदवले गेले होते. त्या काळात इतकी साधने उपलब्ध नव्हती, त्यामुळे लोकांच्या अडचणी अधिक वाढल्या होत्या.
(नक्की वाचा : Thane Cloudburst Like Rain: ठाण्यात ऐन कडक उन्हाळ्यात आभाळ फाटलं; मुरबाडमधील 'या' तीन ठिकाणी ढगफुटीसदृश पाऊस)
2. वर्ष 2016
भारताच्या हवामान इतिहासातील सर्वात भीषण नोंद वर्ष 2016 मध्ये झाली. राजस्थानच्या फलोदीमध्ये तापमान 51°C पर्यंत पोहोचले होते. हे आतापर्यंत देशात नोंदवले गेलेले सर्वोच्च तापमान मानले जाते. त्यावेळी रस्ते इतके तापले होते की बाहेर पडणे कठीण झाले होते.
3. वर्ष 2019
1 जून 2019 रोजी राजस्थानच्या चुरूमध्ये पारा 50.8°C नोंदवला गेला. हे देशाच्या इतिहासातील दुसरे सर्वाधिक तापमान होते. त्याच वर्षी जैसलमेरच्या रामगढ भागातही तापमान 50°C वर पोहोचले होते.
(नक्की वाचा :Super El Nino: विदर्भावर मोठं संकट? 37 % पाणी गायब होणार? जलसंपदा विभागाच्या त्या रिपोर्टनं सर्वांची उडवली झोप)
4. वर्ष 2024
वर्ष 2024 मध्ये पुन्हा एकदा राजस्थान आगीसारखे धगधगताना दिसले होते. फलोदीमध्ये तापमान 50°C पर्यंत पोहोचले होते. अनेक राज्यांमध्ये रेड अलर्ट जारी करावा लागला होता आणि लोकांना दुपारच्या वेळी घराबाहेर न पडण्याचा सल्ला देण्यात आला होता.
5. वर्ष 2022
यावेळी उत्तर प्रदेशातील बांदा चर्चेत आहे. मे 2026 मध्ये येथे 48.2°C तापमानाची नोंद झाली आणि हे जगातील सर्वात उष्ण ठिकाणांपैकी एक बनले. विशेष बाब म्हणजे बांदा सलग अनेक दिवसांपासून 46°C च्या वर राहिले आहे. यापूर्वी 15 मे 2022 रोजी येथे तापमान 49°C पर्यंत पोहोचले होते.
