IMD Rain Forecast : मान्सून पुन्हा सक्रिय होणार; 12 जूननंतर या भागात मूसळधार पावसाचा अंदाज

Rain Alert : मे महिन्याच्या अखेरिस धुडघूस घालणाऱ्या पावसाने दडी मारली आहे. राज्यातील अनेक भागात पावसाचा रिपरिप थांबली आहे. यामुळे शेतीची कामे देखील खोळंबली आहे. मात्र भारतीय हवामान खात्याने (IMD) दिलेल्या ताज्या अंदाजानुसार, 29 मे 2025 पासून थांबलेला मॉन्सून 12 ते 18 जून दरम्यान पुन्हा सक्रिय होण्याची शक्यता आहे. 

('NDTV मराठी' चं अधिकृत व्हॉट्सअ‍ॅप चॅनल जॉईन करा )

बंगालच्या उपसागरात 12-13 जूनच्या सुमारास पावसासाठी पोषक वातावरण तयार होण्याचा अंदाज आहे. ज्यामुळे महाराष्ट्र, मध्य भारत आणि दक्षिण द्वीपकल्पीय भारतात जोरदार पाऊस पडण्याची अपेक्षा आहे. गेल्या काही वर्षांत मॉन्सूनच्या अनियमिततेमुळे शेतकऱ्यांना झालेल्या नुकसानीच्या पार्श्वभूमीवर हा अंदाज दिलासादायक आहे.

(नक्की वाचा-  Explainer: चिनाब रेल्वे पूलाचं स्वप्न अखेर पूर्ण! चीन-पाकिस्तानचं का वाढलं टेन्शन? वाचा संपूर्ण माहिती)

स्कायमेटचा अंदाज काय?

खासगी हवामान संस्था स्कायमेट वेदर सर्व्हिसेसने बंगालच्या उपसागरात पावसासाठी पोषक वातावरण तयार होण्याबाबत ठाम विश्वास व्यक्त केला. स्कायमेटचे अध्यक्ष जी. पी. शर्मा म्हणाले, "10 जूनपर्यंत पश्चिम-मध्य बंगालच्या उपसागरात चक्रीवादळीय स्थिती विकसित होईल, जे 48 तासांत बळकट होईल. यामुळे 11 जूनपासून आंध्र प्रदेश, तमिळनाडू, तेलंगणा, कर्नाटक आणि महाराष्ट्रात पावसाचा प्रभाव दिसेल. स्कायमेटने मॉन्सून पुनरुज्जनाचा कालावधी 12 ते 17 जून असा अंदाज वर्तवला आहे. 

5 Jun, Extended range forecast for rainfall next 4 weeks
Wk 1:likely below normal in most of India. No rainfall activity in NW India,Central India, Gujarat & Jharkhand.
Wk 2:likely below normal in NW India,E India,NE India. Above normal activity likely ovr Mah,KA, AP & Kerala
1/2 pic.twitter.com/HOkeM4c68i

— K S Hosalikar (@Hosalikar_KS) June 5, 2025

( नक्की वाचा : भारताचा जल प्रहार : वाढता उन्हाळा, सिंधूमधील पाणी कमी, पाकिस्तानवर येणार भयंकर संकट!)

IMD चा पुढील 4 आठवड्याचा अदांज

• पहिला आठवडा- भारतातील बहुतेक भागात सरासरीपेक्षा कमी पाऊस पडण्याची शक्यता. वायव्य भारत, मध्य भारत, गुजरात आणि झारखंडमध्ये पावसाची कोणतीही गतिविधी नाही. 
• दुसरा आठवडा- वायव्य भारत, पूर्व भारत, ईशान्य भारतात सरासरीपेक्षा कमी पाऊस पडण्याची शक्यता. महाराष्ट्र, आंध्र प्रदेश आणि केरळमध्ये सामान्यपेक्षा जास्त पाऊस पडण्याची शक्यता आहे. 
• तिसरा आठवडा - दक्षिण भारत आणि वायव्य भारतात पाऊस सामान्यापेक्षा कमी असण्याची शक्यता आहे. गुजरात, ओडिशा, दक्षिण छत्तीसगड, पश्चिम मध्यप्रदेश, गुजरात आणि विदर्भ येथे सरासरीपेक्षा जास्त पाऊसाचा अंदाज आहे. 
• चौथा आठवडा - भारतातील बहुतेक भागात सरासरीपेक्षा जास्त पाऊस असण्याची शक्यता आहे. गुजरात, कर्नाटकच्या किनारपट्टीवरील प्रदेश, महाराष्ट्रमध्ये सरासरीपेक्षा कमी असण्याची शक्यता आहे.