Petrol Diesel Price Hike: मध्य पूर्वेतील संघर्ष आणि आंतरराष्ट्रीय बाजारपेठेत कच्च्या तेलाच्या वाढत्या किमतींमुळे सर्वसामान्य माणसाला आज मोठा धक्का बसला आहे. आज (15 May) पहाटे पेट्रोल-डिझेलचे नवीन दर जाहीर झाले आहेत. तेल कंपन्यांनी पेट्रोल आणि डिझेलच्या दरात (Petrol Diesel Price Today) मोठी वाढ केली आहे, यामुळे सामान्य जनतेच्या खिशावरील अतिरिक्त ताण वाढला आहे. देशातील प्रमुख शहरांमध्ये आज पेट्रोल आणि डिझेलच्या किमतीत 3 रुपयांपासून ते 3.60 रुपये प्रति लिटरपर्यंत वाढ झाल्याचे पाहायला मिळाले.
अशा परिस्थितीत जर तुम्ही गाडीची टाकी फुल करण्याचा विचार करत असाल तर त्यापूर्वी आज तुमच्या शहरात 1 लिटर पेट्रोल आणि डिझेलचे नवे दर काय आहेत? याबाबत माहिती जाणून घेऊया...
तुमच्या शहरात आज पेट्रोलचे नवीन दर काय आहेत? (Petrol Price Today)
आज पेट्रोलच्या किमतीत झालेल्या वाढीनंतर महानगर आणि प्रमुख शहरांमधील नवीन दर खालीलप्रमाणे आहेत:
- मुंबई: मुंबईत पेट्रोल 3.10 रुपयांनी महाग होऊन 106.64 रुपये प्रति लिटरवर पोहोचले आहे.
- नवी दिल्ली: पेट्रोलच्या दरात 3.00 रुपयांची वाढ झाली असून, आता येथे एक लिटर पेट्रोलसाठी 97.77 रुपये मोजावे लागत आहेत.
- कोलकाता: येथे पेट्रोल सर्वाधिक महाग झाले आहे. 3.29 रुपयांच्या वाढीसह आता नवीन दर 108.74 रुपये प्रति लिटर झाला आहे.
- चेन्नई: चेन्नईतही 3.10 रुपयांची वाढ झाली असून आता किंमत 103.90 रुपये प्रति लिटर आहे.
- बंगळुरू: पेट्रोलच्या दरात 3.21 रुपयांची वाढ झाली असून, आता येथील दर 106.17 रुपये आहे.
- नोएडा आणि गुरुग्राम: दिल्लीला लागून असलेल्या नोएडामध्ये पेट्रोल 98.04 रुपये (3.30 वाढ) आणि गुरुग्राममध्ये 98.29 रुपये (2.99 वाढ) प्रति लिटर मिळत आहे.
- भुवनेश्वर: येथे 3.60 रुपयांच्या सर्वात मोठ्या वाढीसह पेट्रोल 104.57 प्रति लिटर झाले आहे.
Photo Credit: NDTV Marathi
डिझेलच्या किमतीतही वाढ, तपासा ताजे दर (Diesel Price Today)
- मुंबई: मुंबईत डिझेलचे दर 3.11 रुपयांनी वाढून 93.14 रुपये प्रति लिटर झाले आहेत.
- नवी दिल्ली: डिझेल 3.00 रुपयांनी महाग होऊन आता 90.67 रुपये प्रति लिटरवर विकले जात आहे.
- कोलकाता: कोलकात्यात डिझेलचे दर 3.11 रुपयांनी वाढले असून नवीन दर 95.13 रुपये आहेत.
- चेन्नई: डिझेल 3.08 रुपयांच्या वाढीसह 95.47 रुपये प्रति लिटरवर पोहोचले आहे.
- नोएडा: नोएडामध्ये डिझेलच्या दरात 3.50 रुपयांची मोठी उसळी आली असून, किंमत 91.31 रुपये प्रति लिटर झाली आहे.
- बंगळुरू: बंगळुरूमध्ये डिझेल 3.11 रुपयांनी महाग होऊन 94.10 प्रति लिटरवर आहे.
- भुवनेश्वर: भुवनेश्वरमध्ये डिझेलमध्ये 3.56 रुपयांची वाढ झाली असून, आता नवा भाव 96.11 रुपये प्रति लिटर आहे.
Track Latest News Live on Marathi.NDTV.com and get news updates from India and around the world
