Ketan Aggarwal murder case : पुण्यातील अग्रवाल कुटुंबाचं दु:ख संपता संपत नसल्याचं चित्र आहे. अवघ्या २४ वर्षांच्या केतनच्या मृत्यूनंतर कुटुंबाला मोठा धक्का बसला. तरुण मुलगा गमावणं हा कोणत्याही आई-वडिलांसाठी मोठा आघात असतो. यादरम्यान अग्रवाल कुटुंबावर आणखी एक दु:खाचा डोंगर कोसळला आहे.
केतन अग्रवाल प्रकरणात आणखी एक दु:खद घटना समोर आली आहे. कुटुंबानुसार, केतन अग्रवालचे आजोबा देवीचंद अग्रवाल यांचं शनिवारी ४ जुलै रोजी निधन झालं. पुण्यातील ज्युपिटर रुग्णालयात त्यांचं निधन झालं. मिळालेल्या माहितीनुसार, शनिवारी सायंकाळी ९.४५ मिनिटांनी डॉक्टरांनी त्याला मृत घोषित केलं.
कुटुंबीयांनी दिलेल्या माहितीनुसार, नातवाच्या निधनाने आजोबांना मोठा धक्का बसला होता. त्यांना हा आघात सहन झाला नाही. ज्यात त्यांची तब्येत खालावत गेली. या घटनेनंतर कुटुंबावर मोठी शोककळा पसरली आहे.
