Lungi ngidi Injury: मैदानात भयंकर घडलं! लुंगी एनगिडीची दुखापत किती गंभीर? प्रकृतीबाबत सर्वात मोठी अपडेट समोर

Lungi Ngidi Injury Update: शनिवारी आयपीएलच्या मैदानात मोठी दुर्घटना घडलीय दिल्ली कॅपिटल्स आणि पंजाब किंग्स यांच्यातील सामन्यात दिल्लीचा गोलंदाज लुंगी एनगिडी क्षेत्ररक्षण करताना जमिनीवर पडला आणि गंभीर जखमी झाला. त्याला रुग्णवाहिकेतून मैदानाबाहेर न्यावे लागले. या धक्कादायक घटनेने क्रिडाविश्वात खळबळ उडाली असून क्रिडाप्रेमींसह खेळाडू लुंगी एनगिडीच्या प्रकृतीबाबच चिंता व्यक्त करत आहेत. आता त्याच्या प्रकृतीबाबत महत्त्वाची अपडेट समोर आली आहे. 

IPL 2026 : मैदानात अनर्थ घडला, पण पुढच्या 11 मिनिटांत जे झालं तो चमत्कारच! एन्गिडीसाठी दिल्ली पोलिसांनी...

लुंगी एनगिडीच्या प्रकृतीबाबत सर्वात मोठी अपडेट! 

आयपीएलने दिलेल्या माहितीनुसार, "पंजाब किंग्सविरुद्धच्या सामन्यादरम्यान झेल घेण्याचा प्रयत्न करताना दिल्ली कॅपिटल्सचा 30 वर्षीय गोलंदाज लुंगी एनगिडीचे डोके जमिनीवर आदळले. डोकेदुखी आणि मानदुखीची तक्रार केल्यानंतर त्याला रुग्णवाहिकेने रुग्णालयात नेण्यात आले. एनगिडीची प्रकृती स्थिर असून त्याला लवकरच रुग्णालयातून डिस्चार्ज देण्यात येईल."

दिल्ली कॅपिटल्सचे क्रिकेट संचालक, वेणुगोपाल राव यांनी सांगितले की, पंजाब किंग्सविरुद्धच्या आयपीएल सामन्यादरम्यान वेगवान गोलंदाज लुंगी एनगिडीला झालेली डोक्याची दुखापत गंभीर नाही. या दक्षिण आफ्रिकी खेळाडूला रुग्णवाहिकेतून मैदानाबाहेर नेण्यात आले आणि त्यानंतर तपासणीसाठी करोल बाग येथील मॅक्स हॉस्पिटलमध्ये दाखल करण्यात आले.

Indian Premier League 2026 | Delhi Capitals (DC) fast bowler Lungi Ngidi was stretchered off into an ambulance and taken off the field after suffering a head injury in the team's match against Punjab Kings (PBKS) at the Arun Jaitley Stadium in Delhi.

(Source: ANI Picture… pic.twitter.com/bDsgOaayS6

— ANI (@ANI) April 25, 2026

पंजाब किंग्सच्या डावाच्या तिसऱ्या षटकात, मिड-ऑफला प्रियांश आर्याचा झेल घेण्याच्या प्रयत्नात एनगिडी मागे पडला आणि त्याचे डोके जमिनीवर जोरात आदळले. त्याने तात्काळ आपले डोके धरले आणि तो जमिनीवर झोपला, त्यानंतर वैद्यकीय पथक तात्काळ मैदानावर पोहोचले. खेळ सुमारे १५ मिनिटे थांबवण्यात आला. एनगिडीला स्ट्रेचरवरून रुग्णवाहिकेत नेण्यात आले. खेळाडू, प्रशिक्षक आणि वैद्यकीय कर्मचारी सर्वजण चिंतेत दिसत होते.

IPL 2026: एकाही भारतीयाला जे जमलं नाही, ते KL Rahul नं करून दाखवलं; 18 वर्षात पहिल्यांदाच असं घडलं

पंजाब किंग्सचा लेग-स्पिनर युझवेंद्र चहलनेही चिंता व्यक्त केली आणि एनगिडी लवकर बरा व्हावा अशी सदिच्छा व्यक्त केली. मी त्यावेळी वरच्या मजल्यावर बसलो होतो. साहजिकच, कोणाला दुखापत होणे वाईट आहे, विशेषतः डोक्याला झालेली दुखापत, जी नेहमीच खूप धोकादायक असते. आशा आहे की तो लवकर बरा होईल, कारण मला वाटते की काल एका नेट बॉलरला चेंडू लागला आणि तिला रुग्णालयात नेण्यात आले. त्यामुळे, जेव्हा अशा गोष्टी घडतात, तेव्हा साहजिकच सर्वांना वाईट वाटते. तो लवकर बरा होऊन पुन्हा मैदानावर परतावा, एवढीच आमची इच्छा आहे.