Shocking! रॉयल लग्नात रॅपिडो ड्रायव्हरने खर्च केले 331 कोटी? ED ला लागली खबर अन्....

Crime News : राजस्थानमधील उदयपूर येथे झालेल्या एका शाही लग्नाने संपूर्ण देशाचं लक्ष वेधून घेतलं आहे. हे लग्न भव्य तर होतंय मात्र या लग्नातील खर्चाचा धक्कादायक आकडा समोर आला आहे. ईडीच्या तपासानुसार, रॅपिडो ड्रायव्हरच्या बँक खात्यातून ३३१ कोटी रुपयांचे व्यवहार करण्यात आले होते आणि ही संपूर्ण रक्कम लग्नावर खर्च करण्यात आली होती. सर्वात महत्त्वाचे म्हणजे ड्रायव्हरला या पैशांबाबत काहीच माहिती नव्हती.

काय आहे नेमकं प्रकरण?

नोव्हेंबर २०२४ मध्ये राजस्थानमधील ताज अरावली रिसॉर्टमध्ये झालेल्या लग्नासाठी एका रॅपिडो रायडरच्या बँक खात्याचा वापर करण्यात आला होता. ईडीच्या तपासात असेही उघड झाले की मनी लाँड्रिंग प्रकरणात एका रॅपिडो रायडरचे खाते तयार करण्यात आले होते आणि त्यात ३३१ कोटी रुपयांचे 'म्यूल अकाउंट' जमा करण्यात आले होते. हे पैसे व्हीआयपी लग्नासाठीही वापरले जात असल्याचा संशय आहे. ईडीने  1xBet बेकायदेशीर बेटिंग अॅपशी जोडलेल्या एका मोठ्या मनी लाँड्रिंग नेटवर्कचा पर्दाफाश केला आहे. या संपूर्ण प्रकरणात सर्वात धक्कादायक गोष्ट म्हणजे १९ ऑगस्ट २०२४ ते १६ एप्रिल २०२५ दरम्यान रॅपिडो चालकाच्या बँक खात्यात ३३१.३६ कोटी रुपये जमा करण्यात आले.
 

कधी आणि कसा झाला व्यवहार? ED लागली खबर अन्...

अंमलबजावणी संचालनालयाने (ईडी) संशयास्पद बँक व्यवहारांची चौकशी सुरू केली तेव्हा हे संपूर्ण प्रकरण उघडकीस आलं. तपासात असं दिसून आलं की १९ ऑगस्ट २०२४ ते १४ एप्रिल २०२५ पर्यंत एका साध्या रॅपिडो ड्रायव्हरच्या खात्यात कोट्यवधी रुपये जमा केले गेले आणि लगेचच ट्रान्सफरही केले गेले. ज्या व्यक्तीचं हातावर पोट आहे त्याच्या अकाऊंटमधील एकूण व्यवहार ३३१.३६ कोटींचा होता. ईडीला मनी लाँड्रिंगचा संशय होता. 

रॅपिडोचं अकाऊंट बनलं मनी म्यूल?

ईडीने जेव्हा ड्रायव्हरची चौकशी केली तेव्हा तोही हैराण झाला. त्याने आयुष्यात इतके पैसे कधी पाहिले नव्हते. मात्र त्याने बँक अकाऊंट कोणालाही वापरायला दिलं नव्हतं. त्यामुळे ईडीच्या तपासात ड्रायव्हरच्या खात्याचा उपयोग मनी म्यूल अकाऊंटप्रमाणे करण्यात आल्याचं उघड झालं. असं एक खातं ज्याच्या माध्यमातून काळा पैसे सुरक्षितपणे फिरवता येतो. ज्यामुळे खऱ्या मालकाचं नाव समोर येत नाही. 

नक्की वाचा - Crime News : 50 लाखांची रक्कम आणि पुतळ्याचा 'मृत्यू'; कपडा व्यापाऱ्यांच्या कृत्याने सारेच हादरले

1xBet अ‍ॅपचा काय संबंध आहे?

तपासानुसार, संपूर्ण मनी ट्रेल 1xBet अ‍ॅपद्वारे करण्यात आला. हे अ‍ॅप यापूर्वीही असंख्य संशयास्पद आर्थिक व्यवहार आणि काळ्या पैशाच्या प्रकरणांमध्ये अडकलं आहे. ईडीच्या मते, या अ‍ॅपशी संबंधित व्यक्तींनी काळा पैसा सुरक्षितपणे वळवण्यासाठी ड्रायव्हरच्या बँक खात्याला लक्ष्य केलं आणि लग्नाच्या खर्चासाठी त्याच्या खात्याचा वापर केला. ज्याची किंमत 331 कोटी इतकी होती.