छत्रपती संभाजीनगर:
छत्रपती संभाजीनगर शहरातून एक धक्कादायक बातमी समोर आली आहे. येथील एका प्रसिद्ध युवा क्रिकेटपटूचा मैदानावरच हृदयविकाराच्या झटक्याने मृत्यू झाल्याची घटना समोर आली आहे. इम्रान सिकंदर पटेल असं या क्रिकेटपटूचं नाव आहे. इम्रान सामना खेळत होता. यावेळी त्याने सहाव्या षटकाच्या अखेरच्या चेंडूवर चौकार मारला. त्यानंतर त्याला अचानक छातीत दुखू लागले.
त्यानंतर पाचच मिनिटांत त्याचे हृदयविकाराच्या झटक्याने निधन झाले. या घटनेनंतर शहभरात हळहळ व्यक्त केली जात आहे. यापूर्वीही राज्यात अशा अनेक घटना समोर आल्या आहे. क्रिकेटपटू असल्याने तो फिटनेस सांभाळत होता. मात्र इतक्या लहान वयात त्याचा मृत्यू झाल्याने मित्रपरिवारातून हळहळ व्यक्त केली जात आहे.
