Hyderabad Murder: देशभरात महिलांवरील अत्याचार, हुंडाबळी, हत्यांच्या भयंकर घटना समोर येत आहेत. पुण्यामधील वैष्णवी हगवणे प्रमाणेच नोएडामध्ये हुंड्यासाठी एका विवाहितेला नवऱ्याने जिवंत जाळल्याची घटना घडली आहे. हे प्रकरण ताजे असतानाच हैद्राबादमध्ये पतीने गर्भवती पत्नीची अत्यंत अमानुषपणे हत्या केल्याचं उघडकीस आलं आहे. या घटनेने अवघा देश हादरुन गेला आहे.
समोर आलेल्या माहितीनुसार, तेलंगणातील हैदराबादमध्ये एक हृदयद्रावक घटना उघडकीस आली आहे, ज्यामुळे संपूर्ण परिसर हादरला आहे. मेडिपल्लीच्या बालाजी हिल्स उपनगरात एका व्यक्तीला त्याच्या गर्भवती पत्नीची हत्या करून तिच्या शरीराचे अवयव फेकताना पकडण्यात आले. पोलिसांच्या माहितीनुसार, आरोपीने आधीच मुसी नदीत डोके, हात आणि पाय फेकून दिले होते, तर महिलेचे धड त्याच्या घरातून सापडले आहे.
Crime News: धक्कादायक! आधी पत्नीला संपवलं, मग स्वत:ही टोकाचं पाऊल उचललं
पाच महिन्यांची गर्भवती असलेली २१ वर्षीय स्वाती हिची शनिवारी दुपारी ४:३० वाजता तिचा पती महेंद्रने हत्या केली. महेंद्र एका राईड-हेलिंग कंपनीत ड्रायव्हर म्हणून काम करते. पोलिसांचे म्हणणे आहे की हत्येनंतर त्याने मृतदेहाचे तुकडे केले आणि काही भाग नदीत फेकले. हत्येनंतर महेंद्रने त्याच्या बहिणीला फोन करून सांगितले की त्याची पत्नी बेपत्ता आहे. बहिणीला संशय आला आणि तिने एका नातेवाईकाला माहिती दिली, ज्याने तिला पोलिस ठाण्यात नेले. डीसीपी पी.व्ही. पद्मजा यांनी सांगितले की चौकशीदरम्यान महेंद्रने हत्येची कबुली दिली.
पोलिसांनी आरोपीला ताब्यात घेतले आहे आणि चौकशी सुरू आहे. गोताखोरांच्या मदतीने नदीत फेकलेल्या मृतदेहांच्या अवयवांचा शोध घेतला जात आहे, परंतु अद्यापपर्यंत कोणतेही यश मिळालेले नाही. फॉरेन्सिक टीमने महिलेच्या धडातून पुरावे गोळा केले आहेत आणि ओळख पटविण्यासाठी डीएनए चाचण्या केल्या जातील.
मृत महिलेल्या वडिलांनी सांगितले की त्यांचे जावयाशी संबंध बिघडले होते आणि बोलणेही बंद होते ते म्हणाले, "माझी मुलगी म्हणायची की सर्व काही ठीक आहे, परंतु तो तिला सतत त्रास देत असे. त्यालाही माझ्या मुलीला जी शिक्षा दिली तीच शिक्षा मिळावी." पोलिसांनी भारतीय दंड संहितेच्या संबंधित कलमांखाली गुन्हा दाखल केला आहे आणि जलद तपास आणि कायदेशीर कारवाईचे आश्वासन दिले आहे.
Track Latest News Live on Marathi.NDTV.com and get news updates from India and around the world
