जळगावच्या जामनेरमध्ये एक धक्कादायक घटना घडली आहे. एका एसआरपीएफ जवानाने स्वतःच्या डोक्यात गोळी झाडून आत्महत्या केली आहे. त्यामुळे संपुर्ण जळगावमध्ये खळबळ उडाली आहे. प्रकाश कापडे असे आत्महत्या करणाऱ्या एसआरपीएफ जवानाचे नाव आहे. ते मुंबईत सेवा बजावत होते. विशेष म्हणजे ते सचिन तेंडुलकरच्या सुरक्षेत काही काळ तैनात होते.
( 'NDTV मराठी' चं अधिकृत व्हॉट्सअ‍ॅप चॅनल जॉईन करा )
प्रकाश कापडे हे 8 दिवसापूर्वी जामनेर मध्ये आले होते. बुधवारी पहाटे गणपतीनगर येथील राहत्या घरी त्यांनी स्वतःच्या डोक्यात गोळी झाडून आत्महत्या केली. आत्महत्येचे कारण अद्याप अस्पष्ट असून याप्रकरणी जामनेर पोलिसात नोंद करण्यात आली आहे. विशेष म्हणजे प्रकाश कापडे यांनी क्रिकेटपटू सचिन तेंडुलकर यांच्याकडे ही काही काळ सुरक्षा रक्षक म्हणून जबाबदारी पार पाडली असल्याची माहिती आहे.
हेही वाचा - पठाणकोटमध्ये दहशतवाद्यांशी सामना, गुप्त अभियानांचा भाग; गाझात निवृत्त कर्नल वैभव काळेंना वीरमरण
क्रिकेटपटू सचिन तेंडुलकरच्या घरी प्रकाश कापडे हे सुरक्षारक्षक म्हणून काही काळ तैनात होते. त्यांची नियुक्तीही मुंबईत होते. ते एसआरपीएफमध्ये होते. त्यांनी अचानक आत्महत्या केल्याने हळहळ व्यक्त होत आहे. मात्र त्यांनी आत्महत्या का केली याचा तपास आता पोलिस करत आहेत.
